இட்லி வகைகள் - பச்சை பயறு இட்லி !

**krishnaamma** · **krishnaamma** Fri Jun 04, 2010 2:40 pm

தோசைக்கு அடுத்த படி நான் விரும்பும் உணவு இட்லி. மேலும் இது பெரும்பாலான தமிழர்களின் காலை உணவு. இது இல்லாமல் நாம்மால் இருக்க முடியாது புன்னகை

இல்லயா? எல்லோருக்கும் தெரியும் என்றாலும் இட்லி செய்வது எப்படி என்று பார்க்கலாம். மேலும் பல வகை இட்லி களையும் பார்க்கலாம் நண்பர்களே !

இட்லியை மல்லிகைப்பூ மாதிரி மென்மையாகவும் சுவையாகவும் செய்யும் வித்தை, இட்லி மாவில்தான் இருக்கிறது.

அதற்கான அளவு: புழுங்கலரிசி - 2 கப், முழு உளுத்தம் பருப்பு - அரை கப், உப்பு - ருசிக்கேற்ப.

அரிசியையும் பருப்பையும் தனித்தனியே ஊறவைத்து, அரிசியை நைஸாகவும், உளுந்தை தண்ணீர் தெளித்து பொங்க பொங்கவும் அரைத்துக் கொள்ளுங்கள்.

உப்பு சேர்த்து நன்கு கையால் கலந்து 6 முதல் 8 மணி நேரம் வரை புளிக்கவிடுங்கள்.

பிறகென்ன இட்லி தட்டில் எண்ணெய் தடவி இட்லி வார்க்க வேண்டியது தான் புன்னகை

**krishnaamma** · **krishnaamma** Fri Jun 04, 2010 2:50 pm

தேவையானவை:

10 இட்லி
உப்பு
எண்ணெய் - வதக்க
1 ஸ்பூன் கடுகு
1 ஸ்பூன் உளுந்து
2 - 4 ஸ்பூன் தோச மிளகாய் பொடி
அல்லது சாதா மிளகாய் பொடி

செய்முறை:

இட்லிகளை வெட்டி வைத்துகொள்ளவும்.
வாணலியில் எண்ணெய் விட்டு இட்லி துண்டங்களை நன்கு பொரிக்கவும். (deep fry )
ஒரு பேசினில் போடவும்.
வாணலி இல் எண்ணெய் விட்டு கடுகு உளுந்து தாளிக்கவும்.
வறுத்த இட்லி துண்டுகளின் மீது கொட்டவும்.
உப்பு மிளகாய் பொடி போட்டு நன்கு குலுக்கவும்.
சுவையான மாலை டிபன் ரெடி.

**krishnaamma** · **krishnaamma** Fri Jun 04, 2010 2:53 pm

இதில் மேலும் மசாலா வேண்டுபவர்கள், பூண்டு போடலாம். மேலும் காய்கறி வேண்டுவோர் , பீன்ஸ் , காரட், உருளை, குடை மிளகாய் போன்ற காய்களை மெலிதாக அரிந்து, வதக்கி சேர்க்கலாம்.

**krishnaamma** · **krishnaamma** Wed Jun 05, 2013 11:30 pm

தேவையானவை:

10 இட்லி
2 - 3 பெரிய வெங்காயம்
2 - 3 தக்காளி
பச்சை மிளகாய் - தேவையான அளவு
உப்பு
எண்ணெய் - வதக்க
மஞ்சள் பொடி
1 ஸ்பூன் கடுகு
1 ஸ்பூன் சீரகம்

செய்முறை:

இட்லிகளை வெட்டி வைத்துகொள்ளவும்.
வெங்காயம் தக்காளி இரண்டையும் நறுக்கி வைக்கவும்.
வாணலி இல் எண்ணெய் விட்டு கடுகு சீரகம் தாளிக்கவும்.
பச்சை மிளகாய் போடவும்.
நன்கு வதக்கவும் .
பிறகு நறுக்கி வைத்துள்ள வெங்காயம் தக்காளி போட்டு வதக்கவும்.
உப்பு போடவும்.
மற்றொரு வாணலியில் எண்ணெய் விட்டு இட்லி துண்டங்களை நன்கு பொரிக்கவும். (deep fry )
வெங்காயம் தக்காளி கலவையில் போடவும்.
கிளறி உடனே இறக்கவும்.
சுவையான மாலை டிபன் ரெடி.

**krishnaamma** · **krishnaamma** Wed Jun 05, 2013 11:38 pm

தேவையானவை :

இட்லி மாவு - 2 கப்
இளம் முருங்கைக் கீரை - ஒரு கப்
பச்சை மிளகாய் விழுது - 2 டீஸ்பூன்
உப்பு - தேவையான அளவு

செய்முறை :

இட்லி மாவுடன் கீரை, பச்சை மிளகாய் விழுது, உப்பு சேர்த்து நன்கு கலக்கி இட்லி தட்டுகளில் எண்ணெய் தடவி இட்லி வார்க்க வேண்டியது தான்.
கீரை, துளிராக இருக்க வேண்டியது முக்கியம் அவ்வளவுதான் புன்னகை