இட்லி வகைகள் - பச்சை பயறு இட்லி !

by **krishnaamma** Fri Jun 04, 2010 1:10 pm

First topic message reminder :

தோசைக்கு அடுத்த படி நான் விரும்பும் உணவு இட்லி. மேலும் இது பெரும்பாலான தமிழர்களின் காலை உணவு. இது இல்லாமல் நாம்மால் இருக்க முடியாது புன்னகை

இல்லயா? எல்லோருக்கும் தெரியும் என்றாலும் இட்லி செய்வது எப்படி என்று பார்க்கலாம். மேலும் பல வகை இட்லி களையும் பார்க்கலாம் நண்பர்களே !

இட்லியை மல்லிகைப்பூ மாதிரி மென்மையாகவும் சுவையாகவும் செய்யும் வித்தை, இட்லி மாவில்தான் இருக்கிறது.

அதற்கான அளவு: புழுங்கலரிசி - 2 கப், முழு உளுத்தம் பருப்பு - அரை கப், உப்பு - ருசிக்கேற்ப.

அரிசியையும் பருப்பையும் தனித்தனியே ஊறவைத்து, அரிசியை நைஸாகவும், உளுந்தை தண்ணீர் தெளித்து பொங்க பொங்கவும் அரைத்துக் கொள்ளுங்கள்.

உப்பு சேர்த்து நன்கு கையால் கலந்து 6 முதல் 8 மணி நேரம் வரை புளிக்கவிடுங்கள்.

பிறகென்ன இட்லி தட்டில் எண்ணெய் தடவி இட்லி வார்க்க வேண்டியது தான் புன்னகை

by சிவனாசான் Mon Oct 13, 2014 5:50 am

தங்கை கிருஷ்ணம்மா இட்லி மல்லிப்பூ போல இருக்கனும்னா 4ல் 1பங்கு உ.பருப்பு இணையும்போது தான் என்பதை தெரியாத பெண்டிற்கு உணர்தியமைக்கு நன்றி . நல்ல ஆலோசனையை தந்துள்ளீர்...

by **krishnaamma** Mon Oct 13, 2014 10:10 am

P.S.T.Rajan wrote:தங்கை கிருஷ்ணம்மா இட்லி மல்லிப்பூ போல இருக்கனும்னா 4ல் 1பங்கு உ.பருப்பு இணையும்போது தான் என்பதை தெரியாத பெண்டிற்கு உணர்தியமைக்கு நன்றி . நல்ல ஆலோசனையை தந்துள்ளீர்...

மேற்கோள் செய்த பதிவு: 1095695

நன்றி ராஜன் அண்ணா, ஆனால் இதை கண்டுபிடிக்க நான் எவ்வளவு கஷ்டப்பட்டேன் என்று இங்கு பாருங்கள்......இந்த லிங்க் ஐ கிளிக் செய்து படித்து பாருங்கள் புன்னகை

.................புரியும் சிரி சிரி

சூப்பர் 'மெத் மெத்' இட்லியும் நானும் புன்னகை

ஃபோட்டோவுடன்

by **M.Saranya** Mon Oct 13, 2014 2:00 pm

அருமையான தகவல் அம்மா

நன்றி .

by **krishnaamma** Thu Jan 08, 2015 10:26 am

கேழ்வரகு இட்லி போலவே இந்த கொள்ளிலும் இட்லி செய்யலாம் புன்னகை

இதோ அதன் ரெசிபி !

தேவையானவை :

கொள்ளு - 1 கப்
அரிசி - 3 கப்
உப்பு - தேவையான அளவு

செய்முறை:

முதலில் கொள்ளு மற்றும் அரிசியை தனித்தனியாக அலசி ஒரு பாத்திரத்தில் போட்டு, தண்ணீர் ஊற்றி, 5 மணிநேரம் ஊற வைக்க வேண்டும்.
அப்புறம் அதனை கிரைண்டரில் அல்லது மிக்சி இல் போட்டு மென்மையாக அரைத்துக் கொள்ள வேண்டும்.
அரைத்த மாவை உப்பு சேர்த்து கரைத்து , குறைந்தது 8 மணிநேரம் புளிக்க வைக்க வேண்டும்.
பிறகு அதனை இட்லிகளாக வார்க்கவேண்டியது தான்.
ஆரோக்கியமான கொள்ளு இட்லி ரெடி!!!
இதனை வெங்காயம் தக்காளி சட்னியுடன் சேர்த்து சாப்பிட்டால் ரொம்ப சூப்பராக இருக்கும்.

by **ஜாஹீதாபானு** Thu Jan 08, 2015 12:48 pm

பகிர்வுக்கு நன்றிமா புன்னகை

by **விமந்தனி** Fri Jan 09, 2015 12:49 am

உளுந்து இல்லாமல் செய்யும் இந்த இட்லி சதா இட்லி போல soft டா இருக்குமா கிருஷ்ணாம்மா?

by **krishnaamma** Fri Jan 09, 2015 1:52 am

விமந்தனி wrote:உளுந்து இல்லாமல் செய்யும் இந்த இட்லி சதா இட்லி போல soft டா இருக்குமா கிருஷ்ணாம்மா?

மேற்கோள் செய்த பதிவு: 1114302

கண்டிப்பாக இருக்கும் விமந்தனி...ஒரு நாள் ஒரு சின்ன கப் அல்லது, அஞ்சறைப்பெட்டி கப் அளவில் செய்து பாருங்கள்....பிறகு நீங்களே சொல்வீர்கள் எப்படி என்று புன்னகை

....நானும் சிறிய அளவு செய்து பார்த்தேன்.....சூப்பர் ஆக வந்தது புன்னகை

by **krishnaamma** Sat Sep 29, 2018 2:22 pm

'புஸு புஸு ' MTR 'ரவா இட்லி' !

தேவையானவை :

இட்லி வகைகள் - பச்சை பயறு இட்லி ! - Page 5 B43a3610

கெட்டித்தயிர் - அரை லிட்டர் ( மட்டாக தண்ணீர் விட்டு குழப்பி வைத்துக் கொள்ளவும் )
பாம்பே ரவை -2 1 /2 கப்
பன்சிரவை - சீரொட்டி ரவை என்றும் சொல்வார்கள் 2 1 /2 கப்
பொடியாக நறுக்கிய கொத்துமல்லி ஒரு கப் நிறைய
பொடித்த சர்க்கரை ஒரு டீ ஸ்பூன்
உப்பு - தேவையான அளவு
முழு முந்திரி ஒரு கைப்பிடியளவு - இரண்டாக பிளந்து வைத்துக் கொள்ளவும்
எண்ணெய் கால் கப்
ENO FRUIT SALT PLAIN 1 1 /2 டேபிள் ஸ்பூன்

தாளிக்க :

கடுகு 1 டீ ஸ்பூன்
உளுத்தம் பருப்பு 1 டீ ஸ்பூன்
பெருங்காயப்பொடி 1/4 டீ ஸ்பூன்
பொடியாக நறுக்கிய பச்சை மிளகாய் ஒரு டேபிள் ஸ்பூன்
பொடியாக துருவிய இஞ்சி ஒரு டேபிள் ஸ்பூன்

செய்முறை:

ஒரு பெரிய பாத்திரத்தில் இரண்டு ரவைகளை போட்டு நன்கு கலக்கி வைத்துக் கொள்ளவும்.
வாணலி இல் எண்ணெய் வைத்து முதலில் முந்திரியை வறுத்து தனியே எடுத்து வைத்துக் கொள்ளவும்.
பிறகு, தாளிக்க தந்துள்ள பொருட்களை தாளித்து, கலந்து வைத்துள்ள ரவை கலவை மீது இதைக் கொட்டவும்.
நன்கு கலக்கவும்.
உப்பு மற்றும் பொடித்த சர்க்கரை சேர்த்து மீண்டும் நன்கு கலக்கவும்.
இப்போது கொஞ்சம் கொஞ்சமாக தயிர் மற்றும் தண்ணீர் விட்டு கலக்கவும்.
ஒவ்வொரு முறை விடும்போதும், இட்லி மாவை நன்கு கலக்க வேண்டும்.
தேவையானால் மீண்டும் கொஞ்சம் தயிர் மீண்டும் கொஞ்சம் தண்ணீர் என்று விட்டு கலக்கவும்.
இப்போது பொடியாக நறுக்கிய கொத்துமல்லி யை போட்டு நன்கு கலக்கவும்.
மாவு இட்லி மாவு பதத்தில் இருக்கணும்.

இந்த ஸ்டெப் தான் மிக முக்கியம்....

*ENO FRUIT SALT ஐ கொடுத்துள்ள அளவின் படி, மாவில் போட்டு நன்கு கலக்கவும்.*

இதை செய்ததும், உடனடியாக இட்லி தட்டுகளில் மாவை விட்டு விடவேண்டும். ஊற வைக்க வேண்டாம்.

பிறகு எண்ணெய் தடவிய இட்லி தட்டுகளில் முதலில் ஒரு முந்திரி யை நடுவில் வைக்கவும்.
அதன்மேல் மாவை விட்டு இட்லி பானை இல் வைக்கவும்.
பத்து முதல் பன்னிரண்டு நிமிடங்கள் வரை வேகவைக்கவும்.
இட்லி பானையை திறந்து, இட்லி தட்டுகளை எடுத்து ஒரு ஐந்து நிமிடங்கள் அப்படியே வைக்கவும்.
நாம் வைத்த மாவைவிட இரண்டு மடங்காக இருக்கும் இந்த இட்லி.
பார்க்கவே 'புஸு புஸு ' என்று மிக அழகாக இருக்கும்.
நன்கு ஆறினதும், இட்லிகளை மெதுவாக ஸ்பூன் மூலம் எடுக்கவும்.
மெத் மெத் என்கிற , MTR போலவே சுவையான 'ரவா இட்லி' தயார் .
தொட்டுக்கொள்ள எதுவுமே வேண்டாம், ஆனால் உங்களுக்கு தேவையானால் , தோசை மிளகாய் பொடி அல்லது எந்த சட்னியுடனும் பரிமாறலாம் .

குறிப்பு: கொத்தமல்லி, பச்சை மிளகாய் மற்றும் இஞ்சியை அரைத்து மாவுடன் கலந்து இட்லி செய்தால், பச்சை கலரில் பார்க்க அழகாயும் சுவையாயும் இருக்கும்

இட்லி வகைகள் - பச்சை பயறு இட்லி ! - Page 5 TF2NUqqcRWqsG7kHGJRg+482e94e0-ee26-487a-9e4a-576705199d20

இட்லி வகைகள் - பச்சை பயறு இட்லி ! - Page 5 TF2NUqqcRWqsG7kHGJRg+482e94e0-ee26-487a-9e4a-576705199d20

இட்லி வகைகள் - பச்சை பயறு இட்லி ! - Page 5 G5lGeFFTc25kBxRlfOjg+151844d2-27cf-4220-bbb1-2a75c42c8189

by **krishnaamma** Sat Sep 29, 2018 2:30 pm

by SK Sat Sep 29, 2018 8:18 pm

இந்த ஸ்டெப் தான் மிக முக்கியம்

இது ஒரு படத்தில் செந்தில் பேசிய வசனம் போல இருக்கு

by **krishnaamma** Sat Sep 29, 2018 10:25 pm

SK wrote:
இந்த ஸ்டெப் தான் மிக முக்கியம்

இது ஒரு படத்தில் செந்தில் பேசிய வசனம் போல இருக்கு

மேற்கோள் செய்த பதிவு: 1279834

ம்ம்... சோகம்

எச்சில் ஊறியது அருமை அம்மா

by **krishnaamma** Mon Oct 01, 2018 10:05 am

பழ.முத்துராமலிங்கம் wrote:எச்சில் ஊறியது அருமை அம்மா

மேற்கோள் செய்த பதிவு: 1279884

புன்னகை

..நன்றி ஐயா, நிஜமாகவே வெகுநாட்கள் முயன்று இதை , அதே பக்குவத்தில் செய்தேன் ஐயா புன்னகை

by **ஜாஹீதாபானு** Mon Oct 01, 2018 1:12 pm

அருமைமா

இட்லி வகைகள் - பச்சை பயறு இட்லி ! - Page 5 1571444738

by **krishnaamma** Wed Oct 31, 2018 11:50 am

அவல் இட்லி !

தேவையானவை:

அவல் ஒரு கப்

இட்லி ரவை ஒன்றரை கப்

தயிர் ஒரு கப்

தண்ணீர் ஒரு கப்

பிளைன் ENO Fruit சால்ட் 1 /4 ஸ்பூன்

செய்முறை :

அவலை சுத்தம் செய்து கொண்டு, மிக்சி இல் பொடித்துக் கொள்ளவும்.
ரவை போல இருந்தாலும் சரி தான்.
பிறகு அவல் பொடித்தது, இட்லி ரவை இரண்டையும் ஒரு பாத்திரத்தில் போட்டு நன்கு கலந்து கொள்ளவும்.
பிறகு அதில் தயிர், உப்பு மற்றும் தண்ணீர் விட்டு கலக்கவும்.
உப்பு சேர்க்கவும்.
நன்கு கட்டிகள் இல்லாமல் கலக்கவும்.
தேவைப்பட்டால் இன்னும் கொஞ்சம் தண்ணீர் சேர்த்துக் கொள்ளலாம்.
இதை அப்படியே ஒரு பத்து நிமிடங்கள் வைத்துவிடுங்கள்.
பிறகு எடுத்துக் பார்த்தால் அவல் ஊறிக்கொண்டு கெட்டியாகி இருக்கும்.
எனவே, மீண்டும் கொஞ்சம் தண்ணீர் விட்டு தளர்த்திக் கொள்ளுங்கள்.
இந்த மாவு இட்லி மாவு பதத்தில் இருக்கவேண்டும்.
இப்போது, மாவில் ENO கலந்து உடனடியாக இட்லி தட்டில் விட்டு , இட்லி வார்க்கவும்.
எப்பொழுதும் போல வேகவைத்து எடுக்கவும்.
அவ்வளவுதான், கொஞ்சம் கூட உளுந்து இல்லாத, மிகவும் மெத் என்கிற வெள்ளை வெளேர் இட்லி பத்தே நிமிடங்களில் தயார்.....
எந்த சட்னியுடனும் அல்லது சாம்பார் அல்லது தோசைமிளகாய் பொடியுடனும் நன்றாக இருக்கும்.

by Sponsored content

இட்லி வகைகள் - பச்சை பயறு இட்லி !

இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

கொள்ளு இட்லி

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

'புஸு புஸு ' MTR 'ரவா இட்லி' !

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

Re: இட்லி வகைகள் - பச்சை பயறு இட்லி !

அவல் இட்லி !

Re: இட்லி வகைகள் - பச்சை பயறு இட்லி !

பின்னூட்டம் எழுத உள்நுழைக அல்லது உறுப்பினராக பதிவு செய்க

உறுப்பினராக இணையுங்கள்

உள்நுழைய