புருஷ சாமுத்ரிகா லக்ஷணங்கள்

சரவணன் · சரவணன் Sun May 31, 2015 12:08 am

First topic message reminder :

புருஷ சாமுத்ரிகா லக்ஷணங்கள் - Page 6 JyVTxhVQem1dknLsl8Dl+p01

**krishnaamma** · **krishnaamma** Sat Jun 13, 2015 11:58 pm

சரவணன் wrote:சுழி:

* வலது காதின் உள்ளே வலஞ்சுழி இருக்கப் பெற்றவன் நல்ல தீரமுடையவனாய் இருப்பான்.

* இடது காதின் உள்ளே இடஞ்சுழி இருக்கப் பெற்றவன் யூகை(அறிவுக் கூர்மை) இல்லாதவனும்,
வறுமை உடையவனுமாய் இருப்பான்.

* சுழி தலையின் வலது பக்கத்தில் இருக்கப் பெற்றவன், மிகுந்த செல்வம் உடையவனாய் இருப்பான்.

* சுழி தலையின் இடது பக்கத்தில் இருக்கப் பெற்றவன் மாறு வேஷங் கொண்டு பிச்சை எடுப்பான்.

* தலையின் மத்தியில் சுழி இருக்கப் பெற்றவன் சாதாரண ஸ்திதி (செல்வம்/வாழ்வு) உடையவனாய் இருப்பான்.

மேற்கோள் செய்த பதிவு: 1144904

ஒ....தலை இல் உள்ள சுழி இல் இவ்வளவு இருக்கா? புன்னகை

சரவணன் · சரவணன் Sun Jun 14, 2015 12:22 am

ஆமாம் அம்மா...அதான் சுழி சரியில்லைன்னு சொல்றாங்க போலருக்கு... புன்னகை

**krishnaamma** · **krishnaamma** Sun Jun 14, 2015 12:25 am

சரவணன் wrote:ஆமாம் அம்மா...அதான் சுழி சரியில்லைன்னு சொல்றாங்க போலருக்கு...

மேற்கோள் செய்த பதிவு: 1144916

ஹா...ஹா...ஹா .இருக்கும் இருக்கும் புன்னகை

சரவணன் · சரவணன் Sun Jun 14, 2015 12:35 am

அளவு சாஸ்திரம்:-

அளவெடுக்கும் நூலுக்கு மஞ்சள் சந்தனம் முதலியவற்றை தடவி, தூபம் காண்பித்து விநாயக மூர்த்தியை அன்போடு தியானித்து அளக்க வேண்டும்.

வலது கை விரல்கள் ஐந்தில் ஒரு கயிறு கொண்டு அளவை அளந்து எடுத்துக்கொள்ள வேண்டும். அந்த கயிறு,

• முழங்கை முதல் நடு விரலின் நடு இறை நுனி வரை வந்திருக்கப் பெற்றவன் அகண்ட செல்வமுடையவனாய் இருப்பான்

• அந்த விரலின் மேல் இறை வரை வந்திருக்கப் பெற்றவன் மந்திரத் தொழில் உடையவனாய் இருப்பான்.

• அந்த விரலின் நடு இறை வரை வந்திருக்கப் பெற்றவன் நன்மை உடையவனாய் இருப்பான்.

• நடு விரலின் அடி இறை வரை வந்திருக்கப் பெற்றவன் உத்தம சீருடையவனாய் இருப்பான்.

• உள்ளங்கை வரை வந்திருக்கப் பெற்றவன் வறுமை உடையவனாய் இருப்பான்.

அதே போல்:

• காலின் பெருவிரல் முதல் நெற்றி வரை அளந்து எடுத்த கயிறும், மார்பின் சரியான அளவினை அளந்து எடுத்த கயிறும்
சேர்த்து அதனுடன் இவ்விரண்டின் அளவில் நான்கில் ஒரு பங்கு அளவும் சேர்த்து, தன்னுடைய கையால் நூற்று எட்டு
அங்குலம் இருக்கப் பெற்றவன் குபேர சம்பத்து உள்ளவனாய் இருப்பான்.

• நூற்று எட்டு அங்குலத்துக்கு அதிகமாக இருக்கப் பெற்றவன் குறைந்த ஆயுள் உள்ளவனாய் இருப்பான்.

• அதற்கு குறைவாக இருக்கப் பெற்றவன் வறுமை உடையவனாய் இருப்பான்.

அதே போல்:

• வலது தோள் தொடுத்து, வலது கை நடு விரல் நுனி வரை உள்ள அளவுடைய கயிற்றின் இரு மடங்கு எடுத்து, கால்
பெருவிரல் முதல் நெற்றி வரை வந்திருக்கப் பெற்றவன் நூறு வயதும் செல்வமும் உள்ளவன்.

• நெற்றியின் மத்தி வரை வந்திருக்கப் பெற்றவன் தொண்ணூறு வயதுள்ளவனாய் இருப்பான்.

• புருவம் வரை வந்திருக்கப் பெற்றவன் என்பது வயதுள்ளவனாக இருப்பான்.

• நாசி வரை வந்திருக்கப் பெற்றவன் எழுபது வயது உள்ளவனாய் இருப்பான்.

• வாய் வரை வந்திருக்கப் பெற்றவன் அறுபது வயது உள்ளவனாகவும், சொற்ப போகமுள்ளவனாகவும் இருப்பான்.

• முகக்கடை (தாடை) வரை வந்திருக்கப் பெற்றவன் ஐம்பது வயதுள்ளவனாக இருப்பான்.

• கழுத்துவரை வந்திருக்கப் பெற்றவன் நாற்பது வயது உள்ளவனாய் இருப்பான்.

• இந்த அளவிற்கு குறைவாக உள்ளவன் அற்ப ஆயுசுக் காரன் (சிவ சிவ).

இந்த அளவு சாஸ்திரம் பெண்களுக்கும் பொருந்தும்!

குறிப்பாக ஆண்களுக்கு பதினாறு வயதுக்கு மேலும் பெண்களுக்கு பனிரெண்டு வயதுக்கு மேலும் அளக்க வேண்டும்!

புருஷ சாமுத்ரிகா லக்ஷணங்கள் - Page 6 ZvFMjZmEQRuRbEmch9WC+Samuthrika

---
சாமுத்ரிகா லக்ஷணம் முற்றிட்டு!

வேறொரு பதிவில் சந்திப்போம் – நன்றி!!!

**krishnaamma** · **krishnaamma** Sun Jun 14, 2015 12:36 am

சரி இது போல பெண்களுக்கும் இருக்குமே சரவணன் அதை போடலாமே? புன்னகை

சரவணன் · சரவணன் Sun Jun 14, 2015 12:39 am

krishnaamma wrote:சரி இது போல பெண்களுக்கும் இருக்குமே சரவணன் அதை போடலாமே?

அந்த புத்தகம் என்னிடம் இல்லை அம்மா. மேலும் பெண்களை பற்றி எழுத ஆரம்பித்தால் பல நூறு ஆண்டுகள் நான் வாழ வேண்டும்! அது முடியாது..... சிரி

ஏற்கனவே வலைதளங்களில் நிறைய தகவல்கள் உள்ளன, நேரம் கிடைப்பின் அதையும் தொகுத்து எழுதுவோம்!

**krishnaamma** · **krishnaamma** Sun Jun 14, 2015 1:50 am

சரவணன் wrote:
krishnaamma wrote:சரி இது போல பெண்களுக்கும் இருக்குமே சரவணன் அதை போடலாமே?
அந்த புத்தகம் என்னிடம் இல்லை அம்மா. மேலும் பெண்களை பற்றி எழுத ஆரம்பித்தால் பல நூறு ஆண்டுகள் நான் வாழ வேண்டும்! அது முடியாது.....
ஏற்கனவே வலைதளங்களில் நிறைய தகவல்கள் உள்ளன, நேரம் கிடைப்பின் அதையும் தொகுத்து எழுதுவோம்!

மேற்கோள் செய்த பதிவு: 1144924

இது போலவா சரவணன்? ஜாலி