மலேசியா 13வது பொதுத் தேர்தல் - செய்தித் தொகுப்புகள்

First topic message reminder :




Yang Berhormat Dato' Seri
Anwar Ibrahim



Yang Amat Berhormat Dato' Sri
Mohammad Najib Abdul Razak


13-வது மலேசிய பொதுத் தேர்தலில் மோதும் முக்கிய இரு கட்சிகள்:

பாரிசான் நேசனல் (Barisan Nasional) - தேசிய முன்னணி
மற்றும்
பாக்காத்தான் ராயாட் (Pakatan Rakyat) - மக்கள் கூட்டணி


தேசிய முன்னணியில் இணைந்துள்ள முக்கிய கட்சிகள் விபரம்:
1.United Malays National Organization (UMNO) - அம்னோ
2. Malaysian Chinese Association (MCA) - மலேசிய சீனர் சங்கம்
3. Malaysian Indian Congress (MIC) - மலேசிய இந்திய காங்கிரஸ்
4. Malaysian People's Movement Party (GERAKAN) - மலேசிய மக்கள் இயக்கக் கட்சி
5. People's Progressive Party (PPP) - மக்கள் முற்போக்கு கட்சி
6. Parti Pesaka Bumiputera Bersatu (PBB) - ஐக்கிய பூமிபுத்ரா பெசாக்கா கட்சி
7. Sarawak United People's Party (SUPP) - சரவாக் ஐக்கிய மக்கள் கட்சி
8. Parti Bersatu Sabah (PBS) - சபா ஒற்றுமைக் கட்சி
9. Liberal Democratic Party (LDP) - மக்கள் சுதந்திரக் கட்சி
10. Parti Bersatu Rakyat Sabah (PBRS) - சபா மக்கள் ஐக்கிய கட்சி
11. United Pasokmomogun Kadazandusun Murut Organisation (UPKO) - ஐக்கிய மூருட் காடாசான் பாசோக் மோமோமோகுன் கட்சி
12. Sarawak Progressive Democratic Party (SPDP) - சரவாக் மக்கள் முற்போக்கு கட்சி
13. Sarawak People's Party (PRS) - சரவாக் மக்கள் கட்சி

மக்கள் கூட்டணியில் இடம்பெற்றுள்ள கட்சிகள் விபரம்:
1. Parti Keadilan Rakyat (கெஅடிலான்) மக்கள் நீதிக் கட்சி
2. Democratic Action Party - (டி.ஏ.பி) - ஜனநாயக செயல் கட்சி
3. Islamic Party of Malaysia - (பாஸ்) - மலேசிய இஸ்லாமிய கட்சி
4. Sarawak National Party - (சினேப்) - சரவாக் தேசியக் கட்சி
5. Malaysian People's Party - (பி.ஆர்.எம்) - மலேசிய மக்கள் கட்சி
6.Socialist Party of Malaysia - (பி.எஸ்.எம்) - மலேசிய சோசலிசக் கட்சி
7. Malaysian Democratic Party - (எம்.டி.பி) - மலேசிய ஜனநாயகக் கட்சி
8 Sabah Progressive Party - (சாப்) - சபா முன்னேற்றக் கட்சி

மலேசியா சுதந்திரம் அடைந்ததில் இருந்து தேசிய முன்னணி கட்சி மட்டுமே ஆளும் கட்சியாக இருந்து வருகிறது. ஆனால் கடந்த தேர்தலில் கிளந்தான், கெடா, பினாங்கு, பேராக், சிலாங்கூர் ஆகிய மாநிலங்களை மக்கள் கூட்டணியிடம் பறிகொடுத்தது. இதனால் இந்த முறை தேர்தலில் வெற்றி பெறுவது எளிதல்ல என்பதை உணர்ந்த தேசிய முன்னணி மக்களுக்கு சலுகைகளையும், பணத்தையும் வாரி வழங்கிவருவது குறிப்பிடத்தக்கது.

இந்தத் திரியில் மலேசிய தேர்தல் செய்திகளை தொகுத்து வழங்க உள்ளேன். இச்செய்திகள் மலேசிய நாளிதழ்கள் மற்றும் இணையத் தளங்களிலிருந்து எடுத்து வழங்கப்பட உள்ளது.

பக்காத்தான் வெற்றியை தேர்தல் முறைகேடுகள் மற்றுமே பறிக்க முடியும் – அன்வார் உறுதி

“பொதுத்தேர்தலில் மக்கள் கூட்டணி பெரும்பான்மையில் வெற்றியடைய வாய்ப்பு உண்டு, ஆனால் தேர்தல் முறைகேடுகளால் அவ்வெற்றி பாதிக்கப்படலாம்” என்று எதிர்க் கட்சித் தலைவர் அன்வார் இப்ராகிம் கவலை தெரிவித்துள்ளார்.

ஆஸ்திரேலிய செய்தி நிறுவனமான ஏ.பி.சி (Australian Broadcasting Corporation) க்கு அன்வார் அளித்துள்ள பேட்டியில் இது பற்றி கூறியிருப்பதாவது:-

“வரும் மே மாதம் 5 ஆம் தேதி நடைபெறவிருக்கும் பொதுத்தேர்தலில், மக்கள் கூட்டணி பெரும்பான்மையான வெற்றியை அடைய வாய்ப்பு உள்ளது. ஆனால் தேர்தல் முறைகேடுகள் அவ்வெற்றிக்கு பாதிப்பை ஏற்படுத்தக்கூடும்”

“அஞ்சல் வாக்காளர்கள் என்பவர்கள் மலேசிய காவல் துறையிலோ அல்லது மலேசிய ஆயுதப் படையிலோ பணியாற்றுபவர்களாக இருக்க வேண்டும்.”

“ஆனால் அஞ்சல் வாக்காளர் பட்டியலை சோதனையிட்டபோது அதில் வங்காள தேசத்தை சேர்ந்தவர்கள், பாகிஸ்தானியர்கள், இந்தோனேசியர்கள் ஆகியோர் வாக்காளர்களாக இருப்பதைக் கண்டறிந்தோம்.”

“இது போன்ற தேர்தல் முறைகேடுகள் நடந்தால், நியாயமான முறையில் செயல்பட்டுவரும் மக்கள் கூட்டணியின் வெற்றி பாதிக்கப்படும்”

- என்று அன்வார் அந்த பேட்டியில் கூறியுள்ளார்.

அதோடு, 28,000 க்கும் மேற்பட்ட பிலிப்பினோக்காரர்கள் மற்றும் இந்தோனேசியர்கள் சபாவில் உள்ளனர் என்றும், அவர்கள் சிலாங்கூருக்கு வந்து வாக்களிப்பார்கள் என்றும் கூறிய அன்வார், இந்த தேர்தல் முறைகேடுகள் தொடர்பாக தேர்தல் ஆணையமும் சரியான நடவடிக்கைகளை மேற்கொள்ளவில்லை என்று குற்றம் சாட்டியுள்ளார்.