டிபன்கள் - ரவா வெஜிடபிள் கொழுக்கட்டை + photo

**krishnaamma** · **krishnaamma** Mon Oct 08, 2012 6:14 pm

இந்த திரி இல் நாம் சில டிபன்களை பார்க்கலாம். வழக்கமாகச செய்யும் இட்லி தோசை அடை போன்றவை களும் இதில் வரும் புதிதாக சிலவும் வரும். தொடர்ந்து படியுங்கள் நண்பர்களே ! புன்னகை

வழக்கம் போல உங்கள் கருத்துகளையும் உங்கள் குறிப்புகளையும் இங்கு பகிருங்கள் புன்னகை

**krishnaamma** · **krishnaamma** Mon Oct 08, 2012 6:16 pm

தேவையானவை :

1 கப் ரவை
ஒரு டேபிள் ஸ்பூன் மிளகு சீரகம் - ஒன்றிரண்டாக உடைத்தது
ஒரு டேபிள் ஸ்பூன் முந்திரி ஒன்றிரண்டாக உடைத்தது
கொஞ்சம் நெய்
கொஞ்சம் கறிவேப்பிலை
பெருங்காயம் ( தேவையானால் )
உப்பு

செய்முறை :

வாணலி இல் முதலில் ரவையை வெறுமன வறுக்கவும்.
தனியே வைக்கவும்.
மீண்டும் வாணலியை அடுப்பில் வைத்து நெய் விட்டு மிளகு சீரகம் , முந்திரி போட்டு வறுக்கவும்.
ரவையை கொட்டவும்.
நன்கு வறுக்கவும்.
பெருங்காய பொடி, கறிவேப்பிலை போடவும்.
ரவை நன்கு பொரிந்ததும் தண்ணீர் விடவும்.
ரவை நன்கு வெந்ததும் இறக்கவும்.
சுவையான 'ரவா பொங்கல் ' ரெடி.

குறிப்பு : ரவையை சாதாரணமாக பொங்கல் செய்யும்போது வெந்த பயத்தம் பருப்பை போடுவது வழக்கம். இந்த முறை இல் பயத்தம் பருப்பு இல்லாமலே சுவையாக இருக்கும், செய்வதும் எளிது . செய்து பாருங்கள்

**T.N.Balasubramanian** · **T.N.Balasubramanian** Mon Oct 08, 2012 6:43 pm

சின்னதா ரெண்டு பச்சை மிளகாயை கிள்ளிப் போட்டால் நன்றாக இருக்காதா?

இன்று இரவு எங்கள் வீட்டில் LAPSI ravai பொங்கல். ரெசிபி கிட்டத்தட்ட உங்களுடையது மாதிரிதான்.

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

**krishnaamma** · **krishnaamma** Mon Oct 08, 2012 8:31 pm

T.N.Balasubramanian wrote:சின்னதா ரெண்டு பச்சை மிளகாயை கிள்ளிப் போட்டால் நன்றாக இருக்காதா?

இன்று இரவு எங்கள் வீட்டில் LAPSI ravai பொங்கல். ரெசிபி கிட்டத்தட்ட உங்களுடையது மாதிரிதான்.

ரமணியன்

அஹா , பேஷாக போடலாம் ஐயா புன்னகை

எதுவுமே நம் நாவின் ருசிக்குத்தானே ? அன்பு மலர்

யினியவன் · யினியவன் Mon Oct 08, 2012 8:34 pm

நாவின் ருசி மருத்துவரின் வருமானமா இல்லாம இருந்தா சரி - கரீக்ட்டாமா? புன்னகை

அசுரன் · அசுரன் Mon Oct 08, 2012 8:43 pm

ரவாவில் பொங்கலா? சூப்பர்... ரெசிப்பி அருமை

**krishnaamma** · **krishnaamma** Mon Oct 08, 2012 8:52 pm

இந்த டிபன் பலவீடுகளில் பல முறைகளில் செய்யப்படும் டிபனாகும். இங்கு நான் தருவது எங்க விட்டு முறை புன்னகை

தேவையானவை :

1 கப் அரிசி
3 /4 கப் கடலை பருப்பு
1 / 4 கப் உளுத்தம் பருப்பு
ஒரு டேபிள் ஸ்பூன் வெந்தயம்
உப்பு
தோசை வார்க்க எண்ணெய்

செய்முறை :

அரிசி பருப்புகளை நன்றாக அலசி, ஒன்றாகவே ஒரு இரண்டு மணிநேரம் ஊற வைக்கவும்
வெந்தயத்தை அலசி தனியாக ஊறவைக்கவும் .
பிறகு முதலில் வெந்தயத்தை அரைக்கவும்.
நல்லா மசிய அரைக்கவும்.
பிறகு அரிசி பருப்புகளை அரைக்கவும்.
தண்ணீர் மட்டாக விட்டு அரைக்கணும்.
மாவு நல்ல கெட்டியாக இருக்கணும்.(அடை மாவு போல )
பிறகு உப்பு போட்டு கலக்கவும்.
அடுப்பில் வாணலியை போட்டு மாவை விட்டு கொஞ்சமாக பரத்தணும்.
சுற்றிலும் எண்ணைவிடனும்.
ஒரு மூடியால் மூடி விடனும்.
ஒரு நிமிடம் கழித்து மூடி யை திறந்து பார்க்கணும்.
கொஞ்சம் வெந்தது போல தெரிந்தால், மறுபுறம் திருப்பி போடணும்.
இப்போது மூட வேண்டாம்.
மீண்டும் கொஞ்சம் எண்ணெய் விடனும்.
நன்றாக வெந்ததும் எடுக்கணும்.
இது ஒரு புறம் ரொம்ப 'கரகர' வென்றும் மறு புறம் 'மெத் ' என்றும் இருக்கும்.
வெந்தய கசப்புடன் நல்லா இருக்கும்.
இதற்க்கு தொட்டுக்கொள்ள தோசை மிளகாய்பொடி அல்லது பருப்புசாம்பார் நல்லா இருக்கும்.

**krishnaamma** · **krishnaamma** Mon Oct 08, 2012 8:53 pm

யினியவன் wrote:நாவின் ருசி மருத்துவரின் வருமானமா இல்லாம இருந்தா சரி - கரீக்ட்டாமா?

ரொம்ப சரி இனியவன் புன்னகை

**krishnaamma** · **krishnaamma** Mon Oct 08, 2012 8:59 pm

அசுரன் wrote:ரவாவில் பொங்கலா? சூப்பர்... ரெசிப்பி அருமை

ஆமாம் அசுரன், எங்கள் விடுகளில் சாதாரண பொங்கலைப்போலவே பயத்தம் பருப்பு சேர்த்து செய்வோம். எங்க கிருஷ்ண அப்பா ஒருமுறை சௌதி இல் தனியாக இருந்த போது பசி நேரத்தில் பயத்தம் பருப்பை வேகவைத்து ரவை இல் கலக்கும் பொறுமை இல்லாமல் அப்படியே (நான் மேலே சொன்ன து போல ) செய்து சாப்பிட்டிருக்கிறார். பிறகு எங்களிடம் சொன்னார், நீயும் செய்து பார் ரொம்ப நல்லா இருக்கு என்றார் புன்னகை

நானும் செய்து பார்த்தேன், பிறகு எங்கள் வீட்டில் இப்படியே செய்வது பழக்கமாகி விட்டது புன்னகை

எங்க அப்பா இதற்கு "சுந்தர் பொங்கல் " என்று சொல்வதை வழக்கமாகிக்கொண்டார் என்றால் பாருங்களேன் அதன் சுவையை புன்னகை

.
.
. நன்றி அசுரன் புன்னகை

**krishnaamma** · **krishnaamma** Mon Oct 08, 2012 9:17 pm

இதற்கு ஏன் இந்த பெயர் என்றால், காஞ்சிபுரம் கோவிலில் இதை 'குடலை இட்லி' என்று சொல்வார்கள். இதை மந்தாரை இலை இல் தான் செய்வார்கள், அந்த அளவு மாவு கெட்டியாக இருக்கும். இருக்கணும். எங்க அம்மா பாட்டி எல்லாம் இதை இட்லி தட்டில் செய்ய மாட்டா , சின்ன சின்ன கப் களில் அல்லது டம்ளர் இல் விட்டு வேக வைப்பார்கள். இப்ப நான் இட்லி தட்டிலேயே வார்த்து விடுவேன்.

தேவையானவை :

ஒரு கப் அரிசி
முக்கால் கப் உளுத்தம் பருப்பு
ஒரு டேபிள் ஸ்பூன் மிளகு சீரகம் - ஒன்றிரண்டாக உடைத்தது
கொஞ்சம் நெய்
கொஞ்சம் கறிவேப்பிலை
பெருங்காயம் அரை ஸ்பூன்
சுக்கு பொடி அரை ஸ்பூன்
உப்பு
ஒரு பெரிய கரண்டி எண்ணெய்

செய்முறை :

அரிசி உளுந்து இரண்டையும் ஒன்றாகவே நனைத்து ஒன்றாகவே அரைக்கணும்.
ஒரு நாலு மணி நேரம் ஊறணும்.
பிறகு கொஞ்சம் 'கரகர'வென அரைக்கணும் .
உப்பு போட்டு கரைத்து வைக்கணும்.
மறுநாள் காலை எண்ணெய் விட்டு நன்கு கலக்கவும்.
பிறகு மற்ற சாமான்கள் எல்லாம் போட்டு நன்கு கலக்கணும்.
பிறகு இட்லி தட்டில் எண்ணெய் தடவி இட்லி வார்க்கணும்.
சுவையான காஞ்சிபுரம் இட்லி தயார் புன்னகை

இதற்கு தொட்டுக்கொள்ளவே எதுவும் வேண்டி இருக்காது. வேண்டுமானால் தோசை மிளகாய் பொடி போட்டுக்கலாம். இல்லாவிட்டால் கட்டி தயிர் நல்லா இருக்கும்.

Sponsored content · Sponsored content

டிபன்கள் - ரவா வெஜிடபிள் கொழுக்கட்டை + photo

டிபன்கள் - ரவா வெஜிடபிள் கொழுக்கட்டை + photo

ரவா பொங்கல்

Re: டிபன்கள் - ரவா வெஜிடபிள் கொழுக்கட்டை + photo

Re: டிபன்கள் - ரவா வெஜிடபிள் கொழுக்கட்டை + photo

Re: டிபன்கள் - ரவா வெஜிடபிள் கொழுக்கட்டை + photo

Re: டிபன்கள் - ரவா வெஜிடபிள் கொழுக்கட்டை + photo

தவல தோசை

Re: டிபன்கள் - ரவா வெஜிடபிள் கொழுக்கட்டை + photo

Re: டிபன்கள் - ரவா வெஜிடபிள் கொழுக்கட்டை + photo

காஞ்சிபுரம் இட்லி

Re: டிபன்கள் - ரவா வெஜிடபிள் கொழுக்கட்டை + photo

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக