தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**Dr.சுந்தரராஜ் தயாளன்** · 03/09/2011

பிஜிராமன் wrote:
அறிதல் எனப்படுதல் ஆய்வதால் தோன்றல்
அறிவைப் பெருக்குமே அஃது

தேடித் படித்து தெரிந்தீர்கள் அன்றின்றோ
ஓடி வருகுது காண்

அறிவு ஆய்ந்து அறிந்தால் மட்டுமே பெருகும் என்று அருமையாக கூறியுள்ளீர்கள் ஐயா....குறளில்......நன்றிகள்

அணையால் அடக்கிட ஆகா அறிவு
இணைக்குமே விண்மண்ணை நன்கு
நன்றிகள் ஐயா

அழகாகச் சொன்னீர்கள் இராமன்...அந்தக்காலத்தில் சென்னையில் ஒவ்வொரு நூலகமாக அலைந்து திரிந்தது இன்றும் நன்றாக ஞாபகம் உள்ளது. இப்போது அப்படி இல்லையே...கூகுல் செய்தாலே எல்லாம் உங்களின் மடிக்கணணியில் மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : 014

நன்றாம் நலமுடன் நல்வாழ்க்கை நல்மனைவி
இன்றேல்இல் லென்பதே இல்

நன்/றாம் - நல/முடன் - நல்/வாழ்க்/கை - நல்/மனை/வி
இன்/றேல்/இல் - லென்/பதே - இல்

நேர்/நேர் – நிரை/நிரை – நேர்/நேர்/நேர் – நேர்/நிரை/நேர்
நேர்/நேர்/நேர் – நேர்/நிரை – நேர்

தேமா – கருவிளம் – தேமாங்காய் – கூவிளங்காய்
தேமாங்காய் – கூவிளம் – நாள்

எதுகை : நன்றாம், இன்றேல்இல்

மோனை : நன்றாம் – நலமுடன் – நல்வாழ்க்கை – நல்மனைவி;
இன்றேல்இல் – இல்

ஈற்றுச்சீர் : இல் – நேர் – நாள்
மகிழ்ச்சி

**பிஜிராமன்** · **பிஜிராமன்** Wed Jun 13, 2012 11:14 am

இல்லாளங் இல்லையெனில் இல்லையே இல்லமென
நல்லபடி கூறினீர் நன்று

அருமை ஐயா......தொடருங்கள் மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : 015

கொள்வதைக் கொள்ளுங்கள் கொள்ளாத தைத்தள்ளு
உள்ளத்தில் உள்ளதே உய்வு

கொள்/வதைக் - கொள்/ளுங்/கள் - கொள்/ளா/த - தைத்/தள்/ளு
உள்/ளத்/தில் - உள்/ளதே - உய்/வு

நேர்/நிரை – நேர்/நேர்/நேர் – நேர்/நேர்/நேர் – நேர்/நேர்/நேர்
நேர்/நேர்/நேர் – நேர்/நிரை – நேர்/நேர்(நேர்பு)

கூவிளம் – தேமாங்காய் – தேமாங்காய் – தேமாங்காய்
தேமாங்காய் – கூவிளம் – காசு

எதுகை : கொள்வதைக், உள்ளத்தில்

மோனை : கொள்வதைக் – கொள்ளுங்கள் – கொள்ளாத
உள்ளத்தில் – உள்ளதே – உய்வு

ஈற்றுச்சீர் : உய்வு – நேர்பு – காசு
மகிழ்ச்சி

**பிஜிராமன்** · **பிஜிராமன்** Thu Jun 14, 2012 9:41 am

கொள்வதைக் கொள்ளுங்கள் கொள்ளாத தைத்தள்ளு
உள்ளத்தில் உள்ளதே உய்வு

தள்ளுவதை தள்ளாமல் தள்ளினால் வாழ்க்கையை
தள்ளாத(து) தள்ளிடும் தான்

இது நான் புரிந்ததை வைத்து கூறினேன்........தங்களின் இந்த குரலுக்கு தாங்களே விளக்கம் கூறினால் இன்னும் சிறப்பாக இருக்கும் ஐயா மகிழ்ச்சி

**Dr.சுந்தரராஜ் தயாளன்** · 03/09/2011

பிஜிராமன் wrote:இல்லாளங் இல்லையெனில் இல்லையே இல்லமென
நல்லபடி கூறினீர் நன்று

அருமை ஐயா......தொடருங்கள்

மிகவும் நன்றி...இராமன். மகிழ்ச்சி

**Dr.சுந்தரராஜ் தயாளன்** · 03/09/2011

பிஜிராமன் wrote:
கொள்வதைக் கொள்ளுங்கள் கொள்ளாத தைத்தள்ளு
உள்ளத்தில் உள்ளதே உய்வு
தள்ளுவதை தள்ளாமல் தள்ளினால் வாழ்க்கையை
தள்ளாத(து) தள்ளிடும் தான்
இது நான் புரிந்ததை வைத்து கூறினேன்........தங்களின் இந்த குரலுக்கு தாங்களே விளக்கம் கூறினால் இன்னும் சிறப்பாக இருக்கும் ஐயா
மிகவும் நன்று இராமன்...நன்றாகவே விளக்கம் சொல்லியுள்ளீர்கள்

**Dr.சுந்தரராஜ் தயாளன்** · 03/09/2011

குறள் வெண்பா : ௦௧௬ (016)

வட்டத்தில் வட்டத்தை வட்டமாய் வைக்காமல்
வட்டத்தை மாற்றுருவாய் வை
----- பி.ஜி. ராமன்

வட்/டத்/தில் - வட்/டத்/தை - வட்/டமாய் - வைக்/கா/மல்
வட்/டத்/தை - மாற்/றுரு/வாய் - வை

நேர்/நேர்/நேர் - நேர்/நேர்/நேர் - நேர்/நிரை - நேர்/நேர்/நேர்
நேர்/நேர்/நேர் - நேர்/நேர்/நேர் - நேர்

தேமாங்காய் – தேமாங்காய் – கூவிளம் - தேமாங்காய்
தேமாங்காய் – தேமாங்காய் - நாள்

எதுகை : வட்டத்தில், வட்டத்தை

மோனை : வட்டத்தில் – வட்டத்தை – வட்டமாய் – வைக்காமல்
வட்டத்தை – மாற்றுருவாய் – வை.

ஈற்றுச்சீர் : வை – நேர் – நாள்

முழுவதும் முற்று மோனையால் அமைந்த இந்த குறளில் தம்பி இராமன் கூறும் எழிமையான கருத்து: ஒரு வட்டத்தின் மேல் இன்னொரு வட்டத்தை வைத்து பார்க்கும்போது ஒரு வட்டமே நம் கண்ணுக்குப் புலப்படும். அதையே சற்று வித்தியாசமாக சிறு மாற்றங்களுடன் (வண்ணம்) வைத்தால் எல்லோருக்கும் தனியாகத் தெரியும். அரைத்த மாவையே அரைத்தாலும் கூட சற்று வித்தியாசமாக இருந்தால் அது எல்லோராலும் அறியப்படும். தம்பி இராமனுக்கு என் பாராட்டுக்கள்.
மகிழ்ச்சி

இரா.பகவதி · இரா.பகவதி Fri Jun 15, 2012 9:12 am

குறள் வெண்பா : 015

கொள்வதைக் கொள்ளுங்கள் கொள்ளாத தைத்தள்ளு
உள்ளத்தில் உள்ளதே உய்வு

கொள்/வதைக் - கொள்/ளுங்/கள் - கொள்/ளா/த - தைத்/தள்/ளு
உள்/ளத்/தில் - உள்/ளதே - உய்/வு

நேர்/நிரை – நேர்/நேர்/நேர் – நேர்/நேர்/நேர் – நேர்/நேர்/நேர்
நேர்/நேர்/நேர் – நேர்/நிரை – நேர்/நேர்(நேர்பு)

கூவிளம் – தேமாங்காய் – தேமாங்காய் – தேமாங்காய்
தேமாங்காய் – கூவிளம் – காசு

எதுகை : கொள்வதைக், உள்ளத்தில்

மோனை : கொள்வதைக் – கொள்ளுங்கள் – கொள்ளாத
உள்ளத்தில் – உள்ளதே – உய்வு

ஈற்றுச்சீர் : உய்வு – நேர்பு – காசு

அய்யா வாழ்வில் தேவையான் அனுபவங்களை எடுத்து கொண்டு தேவை இல்லாதவற்றை விட்டி தேவையானவைகளை மனதில் வைத்து வாழ்வதே வாழ்க்கை

நான் உங்கள் குரலில் இருந்து எடுத்த விளக்கம் சரியா

**Dr.சுந்தரராஜ் தயாளன்** · 03/09/2011

இரா.பகவதி wrote:
அய்யா வாழ்வில் தேவையான் அனுபவங்களை எடுத்து கொண்டு தேவை இல்லாதவற்றை விட்டி தேவையானவைகளை மனதில் வைத்து வாழ்வதே வாழ்க்கை
நான் உங்கள் குரலில் இருந்து எடுத்த விளக்கம் சரியா

மிகவும் சரி பகவதி...வாழ்த்துக்கள்...தொடர்ந்து வாருங்கள்...குறள்களைப் படியுங்கள். மகிழ்ச்சி

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக