முதல் மதிப்பெண் வேண்டுமா..நல்ல மதிப்பெண் வேண்டுமா...

First topic message reminder :

உங்கள் பிள்ளை முதல் மதிப்பெண் எடுக்கவேண்டுமா அல்லது நல்ல மதிப்பெண் எடுக்க வேண்டுமா?...இதில் எதை தேர்வு செய்வீர்கள்?..கண்டிப்பாக நான் இரண்டாவதைத்தான் தேர்வு செய்வேன்.எல்லா பெற்றோர்களும் நம் பிள்ளை எப்படியாவது டாப்பில் வந்துவிடவேண்டும் என்றுதான் நினைக்கிறார்கள்.
என்னுடைய கேள்வி இதுவரை முதல் மதிப்பெண் எடுத்த மாணவர்கள் அனைவரும் இப்பொழுது எந்த நிலையில் இருக்கிறார்கள்?.எப்பொழுதும் பள்ளியில் முதல் மதிப்பெண் எடுத்தவர்கள் கல்லூரியில் மட்டும் ஏன் அவர்களால் எடுக்க முடியவில்லை?.

ஒரு சர்வே எடுத்து பார்த்தல் உண்மை தெரியும்...முதல் பத்தில் இருக்கும் மாணவர்கள் பள்ளி படிப்பிற்கு பிறகு கல்லூரியாக இருந்தாலும் சரி...அதன்பிறகு வேளையில் இருந்தாலும் சரி...கொஞ்சம் மந்தமாகதான் இருக்கிறார்கள்.இந்த இடங்களில் வெறும் புத்தகங்கள் பயன்படுவதில்லை.

நன்றாக படிக்க சொல்லவேண்டுமே தவிர முதல் மதிப்பெண் எடு என்று அவர்களை படுத்தி எடுக்க கூடாது.நன்றாக சமாளிக்கும் திறமை இருக்கிறதா?...எந்த சூழ்நிலையிலும் பேச தெரிகிறதா?...பிரச்சனைகளை சமாளிக்க தெரிகிறதா?...முடிவு எடுக்கும் திறன் இருக்கிறதா?...நாட்டில் நடை பெரும் நாலு விசங்களை தெரிந்து வைத்து இருக்கிறார்களா?...இதைப்பற்றி எல்லாம் கவலை படுவதில்லை.படிப்பு ஒன்றை மட்டுமே யோசிக்கிறார்கள்.உண்மையாக சொல்ல போனால் படிப்பை மட்டும் வைத்துக்கொண்டு இப்போது இருக்கும் உலகில் வாழ முடியாது.மேலே சொன்ன எல்லாவற்றிலும் மாணவர்கள் திறமைகளை வளர்த்துகொள்ளவேண்டும்.அனுபவத்தினால் மட்டுமே இவைகளை பெறமுடியும்.

என்கிட்ட படிப்பு இருக்கு நான் எங்கே வேண்டும் என்றாலும் பிழைத்துக்கொல்வேன் என்று சொல்வது அந்த காலம்...என்கிட்ட நல்ல திறமை இருக்கு நான் எங்கே வேண்டும் என்றாலும் பிழைத்துக்கொல்வேன் என்று சொல்வது இந்த காலம்..படிப்பு மட்டும் இருந்து திறமையை வளர்த்துக்கொள்ள வில்லை என்றால் நாம் எங்கே இருந்தாலும்... நம்மை எளிதில் யார் வேண்டும் என்றாலும் வீழ்த்திவிடுவார்கள்.

இரயில் செல்வதற்கு எப்படி இரு தண்டவாளங்கள் முக்கியம்.அதேபோல்தான் வாழ்க்கைக்கு படிப்பும் திறமையும் இரு தண்டவாளங்கள் போன்று மிகவும் முக்கியம்.இதில் எதை ஒன்றை இழந்தாலும் வாழ்க்கை சிரமம்தான்.

எனவே பிள்ளைகளை நாமக்கல்லில் சேர்த்து விடுவதா...அல்லது நமது கண்களில் வைத்து இருப்பதா என்று முடிவு எடுக்க வேண்டும்.நாமக்கல்லில் சேர்க்கவேண்டாம் எனபது என்னுடைய எண்ணம் இல்லை.எங்கே இருந்தாலும் மாணவர்கள் நன்றாக படிக்கலாம்.எங்கே இருந்தாலும் புத்தகத்தை மட்டும் இல்லாமல் மேலே சொன்ன எல்லா திறமைகளையும் வளர்த்துக்கொள்ள வேண்டும் என்பதே என் கருத்து.

எல்லோரும் உணர வேண்டிய ஒன்று

என்னுடைய கருத்தை பகிர்ந்து கொண்ட அனைவருக்கும் நன்றி...அனைவரும் அறிந்த ஒன்றுதான்...அதை பயன்படுத்துவதில்லை..தந்தை பெரியாரின் புத்தகத்தில் படித்திருக்கிறேன்.."படிப்பு வேறு அறிவு வேறு என்பதை நியாபகத்தில் பத்திரமாக வைத்துக்கொள்ளுங்கள்" என்று...
நன்றி...