கிழவியுடனும் கிளியுடனும்-5

**ரா.ரா3275** · **ரா.ரா3275** Thu 10 May 2012 - 16:58

First topic message reminder :

கிழவியுடனும் கிளியுடனும்-5 - Page 3 Flat,550x550,075,f

நா முதல்
நாபிக்கமலம் வரை
நடுக்கப் பூகம்பம் வந்து
நாற்காலிப் போட்டால் அது காதல்

ஒவ்வோர் மயிர்க்கால்களிலும்
ஊசி செருகி
உயிர்போக இழுத்தால் அது காதல்

அத்துணை உயிர்ச் செல்களுக்குள்ளும்
அமிலத்துள் ஊறவைத்த
அரிப்பை உணர்ந்தால் அது காதல்

தேக்கி வைத்த நீரின்
ஆழத்தில்
அணை உடைக்கும் திமிர் இருந்தால்
அது காதல்

தூக்கம்-விழிப்பு
இரண்டிலும் இடமாற்றம் ஏற்படின்
அது காதல்

காதல் விளக்கம்
கிழவியின்
காதில் விழுந்தது போலும்

தொங்கட்டான் இல்லாத காதுகளில்
நக்கல்
தூளி கட்டி ஆடியது

என் தங்கக் கிளியின்
தமிழ் கேட்டபின்
உயிர்போகுமடி கிழவி உனக்கு

சத்திய சவாலின்
நித்திய உயிர்ப்பு நெஞ்சுக்குள்

என் மனவோசைக் கேட்டதோ
கிழட்டுக் கிழக்கிற்கு ?
ஒருகோடி சூரியப் பிரகாசம்
சுருக்க முகத்தில் சூத்திரம் எழுதியது

அந்த நிறுத்தம் வந்ததும்
அந்தத் தங்கக்கிளி
தடுமாறாமல் இறங்கியது

இறங்கும்போதுதான்
எனக்குள் இமயமே எழுந்தது
அவள் பின் திரும்பி வீசிய
பிரும்மாண்ட புன்னகையில்
புயல்-மழை என்னுள்

புத்திக் கழன்றுகொள்ள
பூமியில் குதித்துப் பறந்தேன்

தங்கக் கிளியின்
தங்கச் சிறகுகள் தொடாமல்
தவித்தபடி பின் சென்றேன்

இனி என் பாதையெங்கும்
இனிப்பு மழைதான்....

கிழவியுடனும் கிளியுடனும்-5 - Page 3 Frankie-mag-photo-album3