தினசரி 22½ ரூபாய் செலவழித்தால் ஏழை அல்ல

**சிவா** · **சிவா** Tue Mar 20, 2012 7:28 am

திட்ட கமிஷன், வறுமைக்கோடு பற்றிய புதிய வரையறையை நேற்று வெளியிட்டது. அதன்படி, நகரப் பகுதிகளில் நாள் ஒன்றுக்கு ரூ.28.65-ம், மாதம் ஒன்றுக்கு ரூ.859.60-ம் செலவிட சக்தி படைத்த தனிநபர்கள் ஏழை அல்ல என்று கூறியுள்ளது. கிராமப்புற பகுதிகளில், நாள் ஒன்றுக்கு ரூ.22.42-ம், மாதம் ஒன்றுக்கு ரூ.672.80-ம் செலவிட சக்தி படைத்த தனிநபர்கள் ஏழை அல்ல என்று கூறியுள்ளது.

கடந்த ஆண்டு சுப்ரீம் கோர்ட்டில் திட்ட கமிஷன் தாக்கல் செய்த பிரமாண பத்திரத்தில், நகர்ப்புற பகுதிகளில் நாள் ஒன்றுக்கு 32 ரூபாயும், கிராமப்புற பகுதிகளில் நாள் ஒன்றுக்கு 26 ரூபாயும் செலவிடுபவர்கள் ஏழை அல்ல என்று கூறப்பட்டு இருந்தது. அதற்காக திட்ட கமிஷனுக்கு அப்போதே பலத்த கண்டனம் எழுந்தது. ஆனால் தற்போது, அதையும் விட குறைவான தொகையை குறிப்பிட்டு, வறுமை கோட்டை திட்ட கமிஷன் நிர்ணயித்துள்ளது. இதனால், புதிய சர்ச்சை எழுந்துள்ளது.

மேலும், நேற்றைய புள்ளி விவரத்தில், 2004-2005-ம் நிதி ஆண்டில், 40 கோடியே 72 லட்சமாக இருந்த ஏழைகள் எண்ணிக்கை, 2009-2010-ம் நிதி ஆண்டில் 34 கோடியே 47 லட்சமாக (29.8 சதவீதம்) குறைந்து விட்டது என்றும் திட்ட கமிஷன் கூறியுள்ளது. நகர்ப்புறத்தை விட கிராமப்புறத்தில்தான் வறுமை வேகமாக குறைந்து வருவதாகவும் அதில் கூறப்பட்டுள்ளது.

நகர்ப்புறங்களில், முஸ்லிம்களில்தான் அதிக ஏழைகள் இருப்பதாகவும், கிறிஸ்தவர்களில் குறைவான ஏழைகள் இருப்பதாகவும் இந்த புள்ளிவிவரம் தெரிவிக்கிறது.

தினதந்தி

மகா பிரபு · மகா பிரபு Tue Mar 20, 2012 7:52 am

அப்படின்னா நம்ம நாட்ல ஏழைகளே இல்லை.

அது மாதிரி டிவி வச்சு இருந்தா அவுங்க ஏழை இல்லைன்னு ஒரு அறிவிப்பு கொடுங்க பாஸ்.

**Dr.சுந்தரராஜ் தயாளன்** · 03/09/2011

ஏழைகளே இல்லாத நாடு நம் இந்தியா என்று அறிவித்துவிடுவார்களோ சோகம்

யினியவன் · யினியவன் Tue Mar 20, 2012 9:52 am

திட்டக் கமிஷனா? மட்டக் கமிஷனா?
இல்ல இதுபோல் முட்டாள் தனமான அறிக்கை
விட்டு திட்டு வாங்கறதுனால திட்டுக் கமிஷனா?

இவனுக சம்பளத்த முதலில் இந்த ஆராய்ச்சி படி
குறைக்கணும் அப்பத்தான் சரியா வருவானுக வழிக்கு.

இந்த பதிவைத் துவங்கியவர் நன்றி கூறியுள்ளார் யினியவன்

அதி · அதி Tue Mar 20, 2012 10:50 am

ஏழைகளைக் கணக்கிடுவதைக் கூடவா இவர்களால் ஒழுங்காக செய்ய முடியாது என்ன கொடுமை சார் இது

**krishnaamma** · **krishnaamma** Tue Mar 20, 2012 11:05 am

அடப்பாவிகளா, இதை சொல்ல ஒரு கமிசனா ........... ஆ? சோகம்

**krishnaamma** · **krishnaamma** Tue Mar 20, 2012 11:06 am

கொலவெறி wrote:திட்டக் கமிஷனா? மட்டக் கமிஷனா?
இல்ல இதுபோல் முட்டாள் தனமான அறிக்கை
விட்டு திட்டு வாங்கறதுனால திட்டுக் கமிஷனா?

இவனுக சம்பளத்த முதலில் இந்த ஆராய்ச்சி படி
குறைக்கணும் அப்பத்தான் சரியா வருவானுக வழிக்கு.

:அவங்க சம்பளத்தை குறைங்க முதலில் சூப்பருங்க

இரா.பகவதி · இரா.பகவதி Tue Mar 20, 2012 11:21 am

இன்று பிச்சைகாரர்களே , இதை விட அதிகமாக செலவு செய்கிறார்கள் ,

**ரா.ரா3275** · **ரா.ரா3275** Tue Mar 20, 2012 11:22 am

///நகர்ப்புறங்களில், முஸ்லிம்களில்தான் அதிக ஏழைகள் இருப்பதாகவும், கிறிஸ்தவர்களில் குறைவான ஏழைகள் இருப்பதாகவும் இந்த புள்ளிவிவரம் தெரிவிக்கிறது.///

இதை நாமும் நிறைய இடங்களில் பார்க்கலாம்...
உண்மைதான்...

உதயசுதா · உதயசுதா Tue Mar 20, 2012 12:52 pm

என்னப்பா இது அநியாயம்? ஒரு நாளைக்கு 22 ரூபாய் செலவு செய்தால் அவன் ஏழை இல்லையா? இத இவங்க விலைவாசிய குறைச்சுட்டு சொன்னா நல்லா இருக்கும்.விலை வாசி ராக்கெட் மாதிரி விர்ருன்னு போய்கிட்டு இருக்கு.இப்ப போய் கேணதனமா 22 ரூபாய் செலவு செய்தா ஏழை இல்லைன்னு சொன்னா?
இன்னிக்கு பிச்சைக்காரன் ஒரு நாளைக்கு 50 ரூபாய் சம்பாதித்தால் அவன் பிச்சை காரன் இல்லையா