அழகிய விநாயகர் செய்யும் முறை !

ரேவதி · ரேவதி Wed Feb 22, 2012 1:33 pm

உலகிலேயே மிக எளிதாக செய்யக்கூடிய உருவம்
எதுவென்றால், யோசிக்காமல் பிள்ளையார் என்று கூறலாம். வெறும் மஞ்சள் தூளை
குவித்து வைப்பதில் இருந்து, அழுத்தமான களிமண்ணில் செய்வது வரை விதவிதமான
விநாயகர் உருவத்தை விதவிதமான பொருட்கள் கொண்டு செய்கின்றனர். இங்கே ஒரு
வகையான விநாயகர் உருவம் செய்வது எப்படி என்பதை விளக்குகின்றோம்.
பிள்ளையார் உருவம் களிமண், மாவு, செயற்கை களிமண், எம்சீல் போன்ற கொஞ்சம்
மிருது தன்மையும், வடிவங்கள் செய்வதற்கேற்றார்போல் நெகிழ்வு தன்மையும்
உடையப் பொருளைக் கொண்டு இந்த வகை பிள்ளையாரை செய்யலாம். இது செய்வதற்கு
மிகவும் எளிமையானது. சிறுவர், சிறுமியர் அனைவரும் செய்யலாம்.

தேவையானவை:

களிமண்/செயற்கை களிமண்/எம்சீல்
கடுகு - இரண்டு
வெள்ளை, சிவப்பு வண்ணங்கள்

செய்முறை:

இதனைச் செய்வதற்கு களிமண், செயற்கை
களிமண், மாவு, எம்சீல் என எதை வேண்டுமானாலும் பயன்படுத்தலாம். எனவே அதனை
கலவை என்று பொதுப்பெயரில் குறிப்பிடுகின்றோம். முதலில் கலவையை ஒரு பெரிய
நெல்லிக்காய் அளவு உருண்டையாக எடுத்து உள்ளங்கையில் வைத்து நன்கு
உருண்டையாக செய்துக் கொள்ளவும். அதில் நடுப்பகுதியில் ஒரு ஊசியை வைத்து
சிறிய துளைப் போல செய்யவும். இப்போது விநாயகர் தொப்பை தயார்.

கால்கள் செய்ய சுண்டைக்காய் அளவு கலவையை
எடுத்து நன்கு உருட்டிக் கொண்டு உள்ளங்கையில் வைத்து, உருண்டையை
நீளவாக்கில் தேய்த்துக் கொண்டே வரவும். அதை படத்தில் காண்பித்திருப்பது
போல் லேசாக வளைத்துக் கொள்ளவும்(முந்திரி பருப்பு போல). இதே போல்
மற்றொன்றும் செய்துக் கொள்ளவும்.

செய்த வைத்திருக்கும் இரண்டு கால்களையும் தொப்பையின் இருபுறத்திலும் ஒட்டவும்.

வயிற்று பகுதிக்கு எடுத்த கலவையின் பாதி
அளவு எடுத்துக் கொண்டு வலது விரலால் பிடித்துக் கொண்டு மேலே உள்ள பகுதி
பருமனாகவும் அதற்கு சற்று கீழே உள்ள பகுதியை படத்தில் உள்ளபடி ஒரு இஞ்ச்
நீளத்திற்கு உருட்டி தும்பிக்கை போல் செய்துக் கொள்ளவும்.

செய்த தலையை வயிற்றின் மேல் பகுதியில்
வைத்து பொருத்தவும். தலைப் பகுதியில் 2 கடுகை வைத்து கண் வைக்கவும்.
வெள்ளை மற்றும் சிவப்பு நிற பெயிண்டை வைத்து விபூதி பட்டை இடவும். கால்
பகுதிக்கு எடுத்த அளவில் பாதி அளவு கலவையை எடுத்து உள்ளங்கையில் வைத்து
கால் செய்தது போலவே கைகளும் செய்து கொள்ளவும்.

இரண்டு கைகளையும் கால் பகுதிக்கும் சற்று
மேல் வைத்து லேசாக அழுத்தி ஒட்டவும். குண்டு மணி அளவு கலவையை எடுத்து
வட்டமாக தட்டிக் கொள்ளவும். அதை விநாயகரின் தலை பாகத்தின் மீது வைக்கவும்.

அதே அளவு கலவையை எடுத்து கூம்பு போல்
செய்துக் கொள்ளவும். மிளகு அளவு வேக்ஸை எடுத்து கயிறுப் போல் செய்துக்
கொள்ளவும். கூம்பு போல் செய்த கலவையை, தலைப்பகுதி மேல் உள்ள தட்டில்
வைத்து, அதன் அடிப்பாகத்தில் கயிறு போன்று உருட்டி வைத்துள்ள கலவையை
சுற்றவும்.

படத்தில் காட்டியபடி கயிறு சுற்றியது போன்று உள்ள பாகத்தில் ரீஃபில் பின்பாகத்தை வைத்து சுற்றிலும் வட்ட வட்டமாக அச்சு வைக்கவும்.

பட்டாணி அளவு கலவையை எடுத்து அதன்
ஒருப்புறத்தை மட்டும் தேய்த்துக் கொண்டு படத்தில் இருப்பது போல் காது
வடிவம் செய்துக் கொள்ளவும். இதே போல் மற்றொன்றும் செய்து கொள்ளவும்.
இரண்டு காதுகளையும் தலைபகுதியில் காது இருக்கவேண்டிய இடத்தில் வைத்து
ஒட்டவும்.

இப்போது விநாயகர் தயார். இதனை உங்கள் விருப்பம் போல் அலங்கரித்துக் கொள்ளலாம். விரும்பிய வண்ணங்களையும் தீற்றிக் கொள்ளலாம்.

நன்றி பணிபுலம்

யினியவன் · யினியவன் Wed Feb 22, 2012 1:52 pm

விநாயகரின் எலியை மறந்துட்டீங்களே / மவுசின் உதவியுடன் பதிந்தது நன்று

**அருண்** · **அருண்** Wed Feb 22, 2012 1:58 pm

தகவலுக்கு நன்றி ரேவதி! விநாயகர் சதுர்த்தி அன்று முயற்சித்து பார்க்கிறேன்..! சூப்பருங்க

இரா.பகவதி · இரா.பகவதி Wed Feb 22, 2012 2:26 pm

சரி பெரிசாலியை செய்வது எப்படி

யினியவன் · யினியவன் Wed Feb 22, 2012 2:30 pm

இரா.பகவதி wrote:சரி பெரிசாலியை செய்வது எப்படி

பிள்ளையார் பிடிக்க குரங்கா போச்சுன்னு சொல்லுவாக
பகவதி பிடிக்க பெருச்சாளியா ஆயிடுமோ?

இரா.பகவதி · இரா.பகவதி Wed Feb 22, 2012 2:33 pm

அண்ணா பிள்ளையாரு செய்தாச்சி அவரோட வாகனத்தை {பெருச்சாளி } எப்படி செய்றதுணு நீங்க கொஞ்சம் சொல்லுங்க

மகா பிரபு · மகா பிரபு Wed Feb 22, 2012 2:37 pm

நல்லா இருக்கு . முயற்சி செய்கிறேன்.

யினியவன் · யினியவன் Wed Feb 22, 2012 2:57 pm

அழகிய விநாயகர் செய்யும் முறை ! Peruchchaali.th

ரொம்ப எளி(லி)து பகவதி.

அடுப்படி புளிய எடுத்துக்கோங்க - இந்த படத்தில இருக்கற மாதிரி செஞ்சுடுங்க. அவ்ளோதான்.

புலி புடிக்க காட்டுப் பக்கம் போயிடாதீங்க.

இரா.பகவதி · இரா.பகவதி Wed Feb 22, 2012 3:03 pm

அண்ணா , நான் எலிய பத்தி பேசுனா நீங்க என்னை [புலியை ] பற்றி பேசுரிங்க

ரேவதி · ரேவதி Wed Feb 22, 2012 3:05 pm

இரா.பகவதி wrote:சரி பெரிசாலியை செய்வது எப்படி

அதை ஏன் கஷ்டப்பட்டு செய்யுறீங்க பிள்ளையார் செஞ்சிட்டு நீங்க பக்கத்துல போயி உட்கார்ந்துகோங்க சிரிப்பு

Sponsored content · Sponsored content

அழகிய விநாயகர் செய்யும் முறை !

அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

Re: அழகிய விநாயகர் செய்யும் முறை !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக