கல்லா கடவுளா...

**ayyasamy ram** · **ayyasamy ram** Sun Jun 16, 2024 10:37 am

மாதர்தோள் சேராத தேவர் மாநிலத்தில் இல்லையே

மாதர்தோள் சேர்ந்தபோது மனிதர்வாழ்வு சிறக்குமே

மாதராகும் சக்தியொன்று மாட்டிக்கொண்ட தாதலால்

மாதராகும் நீலிகங்கை மகிழ்ந்துகொண்டான் ஈசனே

--சிவவாக்கியர்

பாரதியார் தம்முடைய ஒரு பாடலில், ‘பெண் உருக்கொண்டு போந்துநிற்பது தாய் சிவசக்தியாம்’ என்பார். சட்டை முனியின் பாடலில் ‘அகண்ட பரிபூரணமாம் உமையாள் பாதம்’ என்பார். பெண் எனும் சக்தியோடு சேரும் போது தான் ஆண்களின் வாழ்வு சிறக்கிறது.

இவ்வுலகில் ஆணும் பெண்ணும் சரிநிகர் சமானமாக வாழ்ந்தால் தான் உயர்வினை அடைய முடியும் என்பதை வெளிக்காட்டவே அர்த்தநாரீசுரராக சிவபிரானும் சக்தியும் வெளிப்பட்டிருக்கின்றார்கள்.

ஆக ஒரு மனிதன் தான் வணங்க வேண்டிய முதன்மையான தெய்வங்கள் அவனுடைய தாயையும் மனைவியையும் தான். அவர்களை மரியாதையாக நடத்தினாலே அனைத்து சௌபாக்கியங்களும் தானாக வந்து சேரும்.

தன் இல்லத்தில் உள்ள பெண்களின் விருப்பு வெறுப்பிற்கு மதிப்பளித்து, அவர்களின் நியாயமான ஆசைகளை ஒரு மனிதன் பூர்த்தி செய்தாலே, அவனுடைய மனித வாழ்க்கை முழுமையடைந்து விடும்.

அதே போல் மனிதன் அச்சப்பட வேண்டிய சாபங்கள் என்று 13 வகையாக பிரித்திருக்கின்றனர். அவற்றில் முதன்மையானதாக கருதப்படுவது பெண் சாபம். பெண் சாபம் என்றால், ஒரு பெண் அடிக்கடி மண்ணை வாரி தூற்றுவதோ, இல்லை கடுஞ்சொற்களால் பிறரை வசைபாடுவதோ இல்லை.

தான் செய்யாத ஒரு அவச்சொல்லுக்கு ஆளாகி, பழி சுமந்து ஒரு பெண் கண்ணீர் சிந்தினால், அதற்கு காரணமானவர்களின் வம்சம் அழியும். இயலாமையால் அழுது பதறிய ஒரு பெண்ணின் நெஞ்சிலிருந்து வந்த வார்த்தை சாபமாக மாறினால் எப்பேற்பட்ட வலிமையான மனிதனையும் அழித்து விடும்.

நான் பார்த்த வரை, தன்னுடைய மனைவியின் நியாயமான விருப்பு வெறுப்புகளுக்கு மதிப்பளிக்கும் கணவர்களின் வாழ்க்கை செழிப்பாக தான் இருக்கிறது. ஒரு ஆணின் சனிக்கிழமை விரதமோ இல்லை சபரிமலை செல்லவிருக்கும் விரதமோ, ஏதுவாகிலும் அவனுக்கு துணை நிற்பது பெண்கள் தான்.

ஆண்களின் அதி புத்திசாலித்தனத்தினால் ஏற்படும் கடன்களை பல இடங்களில் போராடி தீர்ப்பதும் பெண்கள் தான். கடன்காரர் வந்தால் பயந்து ஓடாமல் எதிர்நின்று தைரியமாக பேசுவதும் பெண்கள் தான்.

சில கணவர்கள் அவர்களுடைய மனைவி முன்பாகவே "என் அப்பா சொன்னாரு, என் அம்மா சொன்னாங்கன்னு இவளை கட்டிகிட்டேன்.." என்பார்கள். தன் குடும்பத்திற்காக வாழ்நாள் முழுவதும் உழைக்கும் அந்த பெண்மணிக்கு எவ்வளவு வருத்தம் இருக்கும் என்று சிறிதும் நினைத்து பார்ப்பதில்லை.

எல்லா அவமானங்களையும், துயரங்களையும் பொறுத்து போவதால் தான் பெண்களுக்கு ஆண்களை விட ஆயுள் அதிகம் என்று நான் நினைக்கிறேன். என்னை பொறுத்தவரை எல்லா கணவர்களுமே மனைவிகளிடம் ஈகோ பார்ப்பவர்கள் தான். ஒரு ஆண் இவ்வுலகில் பிறந்து வளரவும் ஒரு பெண் தேவைப்படுகிறாள், வாழ்வு முடியும் தன்னுடைய அந்திம காலத்திலும் ஒரு பெண் தேவைப்படுகிறாள்.

--ஆபுத்திரன்.
நன்றி-தமிழ் கோரா

**Dr.S.Soundarapandian** · **Dr.S.Soundarapandian** Sun Jun 16, 2024 11:21 am

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

கல்லா கடவுளா...

கல்லா கடவுளா...

Re: கல்லா கடவுளா...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக