நமது சமுதாயம் - கவிதைத் தொடர்

**பிஜிராமன்** · **பிஜிராமன்** Tue Dec 06, 2011 12:14 am

வணக்கம் நண்பர்களே

நான் இந்த திரியில், நமது சமுதாயத்தில் மக்கள் செய்யும், நம் அனைவருக்கும் தெரிந்த மற்றும் தெரியாத பல தொழில்களுக்கு, கவிதை வடிவிலே, அந்த தொழிலின் தன்மை, அதில் உள்ள கஷ்டங்கள், நன்மைகள் என அலசி இங்கு தர உள்ளேன். இதற்காக நான் தொழில்களை கீழ்க்கண்டவாறு பாகுபாடு செய்துள்ளேன்.

1. சுகாதாரம் பேணுவோர்
2. கலைஞர்கள்
3. குறும்வியாபாரிகள் மற்றும் தொழிலாளர்கள்
4. கடின உழைப்பாளர்கள்
5. முக்கிய பொறுப்பு வகிப்பவர்கள்
6. இதர பணியாளர்கள்

மேலுள்ள ஒவ்வொரு பகுதியிலும் அது சம்பந்தமான தொழில்கள் இடம் பெரும். நான் அந்த பகுதியில் வேறு ஏதாவது தொழிலை சேர்க்க வேண்டும் என்று உங்களுக்கு தோன்றினால் எனக்கு தனிமடலிலோ அல்லது இதே திரியில் தங்கள் பின்னூட்டதுடன் இணைத்தோ தெரிவிக்கலாம் நண்பர்களே.....

இது என்னுடைய 2000 ஆம் பதிவு எனபதையும், தங்கள் ஊக்கமும் ஆசியும் வேண்டும் என்றும் கேட்டுக் கொண்டு, இந்த திரியை ஒரு தமிழ்வாழ்த்துப் பாடலுடன் தொடங்குகிறேன்.

நன்றிகள் உறவுகளே

நற்றமிழ் நாற்பொழுதும் நான் பயிலவே
கற்பக நன்மரம்போல் கல்வியை நீத்தர
சொற்களால் என்றன்தீஞ் சோர்வு அகற்றிடும்
அற்புதஅன் னைத்தமிழ்வாழ் க

1. சுகாதாரம் பேணுவோர்

சாக்கடைத் தூய்மையாளர்கள்

ஊர்சேர்ந்து உண்டாக்கும் கழிவுகள்
ஒருசேர தேங்கிடும் தொட்டியில்
குப்பைகள் சேரவே தொட்டியில்
அடைப்புகள் தன்னால் ஏற்படும்

மக்களின் நலனினை மனதிலும்
வறுமையை தன் வயிற்றிலும்
சுமந்திடும் சாக்கடைப் பணியாளர்
இறங்குவார் அந்நரகக் குழியிலே

ஒருநிமிடம் செல்லவே அவ்வழியிலே
மூக்கது மூடிடும் முகமது சுழிந்திடும்
பலமணிகள் அக்குழியுள் இருப்பரே
உழைப்பரே நமைக்காக்கும் கடவுளர்

கீழ்மட்ட மக்களும் தாழ்தப்பட்டோரும்
ஒழிந்தது எனநாம் கூறிடும்சொல்லான
தீண்டத் தகாதவரும் தினஞ்செய்வரே
இவ்வேதனை நிரம்பிய தொழிலினை

சாதாரண மக்களொடு ஒப்பிடவேஇவர்
வாழும்விகிதம் பத்தாண்டு முந்தியது
பணியிலிருந்து ஓய்வுபெரும் முன்னரே
உயிரது போயிடும் கொடுமையும் உண்டு

ஊரே நோயின்றிவாழும் வழிசெய்யுமிவர்
ஊரிலுள்ள நோயனைத்தின் கூடாரமானரே
ஒன்றிரண்டு பெற்றிடும் கூலிப்பணமும்
நோய்தீர்க்க விரையமாய்க் கழியுமே

தொழிநுட்பம் வளர்ந்த இக்காலத்தில்
எத்தனையோ பணிசெய்ய கண்டனர்
பலகருவியை கோடிபணம் செலவளித்து
இதற்கொரு கருவியைக் கண்டறியாததேன்??

தங்கள் வாழ்விலே துயரங்கள் பலச்சந்தித்தாலும்
எப்படி நினைக்கிறீர் இத்தொழிலினை எனக்கேட்க
மக்கட்கு தூய்மையைத் தருவாதல், நெஞ்சமது
கொஞ்சம் துயரத்தை மறக்குது, எனசொல்லக்கேட்க
நெஞ்சமது கனக்குது கண்ணில்நீர் பெருகுது

இத்தூய்மையாளர் வாழ்வும் தூய்மையாகவும்
பாதுகாப்பு வழிகளைக் கைக்கொள்ளவும்அரசு
ஒருபகுதி நிதியாவது ஒதுக்கவேஇவர்கள்
வாழ்வதில் கொஞ்சம் வெளிச்சம் பிறக்குமே

கழிவை அகற்றும் கடவுளரை நாமும்
இழிவாய் நினைத்தல்வேண் டாம்

**கோவிந்தராஜ்** · 20/02/2011

தங்கள் 2000 ஆம் பதிவிர்க்கு எனது முதல் வாழ்த்துகள் ! மகிழ்ச்சி

நல்ல திரி சிறப்பு அருமையிருக்கு

கழிவை அகற்றும் கடவுளரை

மனமார்ந்த வார்த்தைகள் சூப்பருங்க

**பிஜிராமன்** · **பிஜிராமன்** Tue Dec 06, 2011 9:10 am

கோவிந்தராஜ் wrote:தங்கள் 2000 ஆம் பதிவிர்க்கு எனது முதல் வாழ்த்துகள் !
நல்ல திரி சிறப்பு
கழிவை அகற்றும் கடவுளரை
மனமார்ந்த வார்த்தைகள்

மிக்க நன்றிகள் தம்பி..... புன்னகை

**கே. பாலா** · **கே. பாலா** Tue Dec 06, 2011 9:15 am

நீண்டகாலத்துக்கு முன்பே இதை திட்டமிட்டீர்கள் என்று நினைக்கிறேன்,இப்போது செயல்வடிவம் பெற்றுள்ளது
சீரிய முயற்சி ,,,,,சிறப்பான பணி ....வெற்றியடைய வாழ்த்துகள் ! உங்களுடைய 2000 மாவது பதிவுக்கு வாழ்த்துக்கள் அன்பு மலர்

**பிஜிராமன்** · **பிஜிராமன்** Tue Dec 06, 2011 11:21 am

கே. பாலா wrote:நீண்டகாலத்துக்கு முன்பே இதை திட்டமிட்டீர்கள் என்று நினைக்கிறேன்,இப்போது செயல்வடிவம் பெற்றுள்ளது
சீரிய முயற்சி ,,,,,சிறப்பான பணி ....வெற்றியடைய வாழ்த்துகள் ! உங்களுடைய 2000 மாவது பதிவுக்கு வாழ்த்துக்கள்

ஆம் ஐயா, தங்களிடம் கூட சில தொழில்களை பற்றி கேட்டறிந்தேன், தேர்வு நெருங்கியதால் நான் இப்பணியை தள்ளி வைத்திருந்தேன், இன்னும் ஒரு தேர்வு மட்டும் எஞ்சியுள்ள நிலையில், என்னுடைய 2000 ஆம் பதிவு வந்ததால், இந்த பதிவையே 2000 ஆம் பதிவாக எஞ்சியுள்ள சிறப்பாக இருக்கும் என்று எண்ணி பதிந்தேன். மிக்க நன்றிகள் ஸார் :நல்வரவு:

**Dr.சுந்தரராஜ் தயாளன்** · 03/09/2011

மிகவும் நன்று ...என் வாழ்த்துக்கள் மகிழ்ச்சி

kitcha · kitcha Tue Dec 06, 2011 11:32 am

கழிவை அகற்றும் கடவுளரை நாம்
இழிவாய் நினைத்தல்வேண் டாம்

உண்மை.ஆனால் ஏற்றுக்கொள்வோர் யாரும் இல்லை.இந்த மாதிரி பணிகளை செய்பவர்களை நாம் ஏளனமாக பார்க்காமல் நினைக்காமல் இருந்தாலே போதும்.
உங்களுடைய 2000வது பதிவிற்கு எனது வாழ்த்துகள்.உங்களின் இந்த முயற்சிக்கும் வாழ்த்துகள்.நல்ல அருமையான திரி. அருமையிருக்கு

ரேவதி · ரேவதி Tue Dec 06, 2011 11:50 am

பிஜிராமன் wrote:

கழிவை அகற்றும் கடவுளரை நாம்
இழிவாய் நினைத்தல்வேண் டாம்

உங்களின் 2000மாவது பதிவுக்கு வாழ்த்துக்கள் பிஜி நமது சமுதாயம் - கவிதைத் தொடர் 154550

இது போன்ற மனிதர்களியும் மனிதர்களா பார்க்கும் எண்ணம் கொண்டவர்கள் மிக குறைந்தவர்களே..

பிஜிராமன் wrote:

ஒருநிமிடம் செல்லவே அவ்வழியிலே
மூக்கது மூடிடும் முகமது சுழிந்திடும்
பலமணிகள் அக்குழியுள் இருப்பரே
உழைப்பரே நமைக்காக்கும் கடவுளர்

இதுபோன்றவர்கள் வேலை செய்யும் இடத்தை நாம் கடக்கும் போது மூக்கை பொத்தி கொள்ளாமல் 1 நிமிடம் அவர்களுக்காக மூச்சை நிறுத்திக்கொண்டு அந்த இடத்தை கடக்கலாம்..ஒரு நிமிடம் மூச்சை கட்டுபடுத்துவது என்பது நமக்கு பெரிய விஷ்யமில்லை ஆனால் ஒரு நாள் முழுக்க அந்த கழிவுகளோடு இருக்கும் அவர்களை நினைத்து பாருங்கள்...அதனால் முடிந்தவரை இந்த மாதிரி வேலைகள் நடக்கும் இடத்தில் நாம் அவர்களை இழுவுபடுத்தும் நோக்கில் மூக்கை பொத்தி கொண்டும் முகம் சுழிது கொள்ளாமல் இருப்பதே அவர்களுக்கு செய்யும் மிக பெரிய உதவி

பேகன் · பேகன் Tue Dec 06, 2011 12:02 pm

அருமையான த்ரி !! வாழ்த்துக்கள் பிசி ராமன்!!

**சிவா** · **சிவா** Tue Dec 06, 2011 12:15 pm

சிறப்பான கவிதைத் திரியைத் துவங்கியுள்ளீர்கள் பிஜிராமன். பாராட்டுக்கள்

Sponsored content · Sponsored content

நமது சமுதாயம் - கவிதைத் தொடர்

நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

Re: நமது சமுதாயம் - கவிதைத் தொடர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக