துவையல்கள் - 'கத்தரிக்காய் துவையல்'

**krishnaamma** · **krishnaamma** Mon Sep 12, 2011 8:06 pm

First topic message reminder :

நம் தென் இந்திய சமையலில் முக்கியமானது துவையல். இதை சாதத்தில் போட்டும் சாப்பிடலாம், கூட்டு, ரசம், தயிர் சாதம் போன்றவற்றிக்கு தொட்டுக்கொள்ளவும் பயன் படுத்தலாம். தண்ணீர் மாட்டாக விட்டு அரைப்பதால் நிறைய நாள் ( ஃபிரிஜ் இல் வைக்காமலே ) வைத்து உபயோகிக்கலாம். சிலவற்றை இங்கு பார்க்கலாம் புன்னகை

**krishnaamma** · **krishnaamma** Fri Sep 05, 2014 9:57 pm

தேவையான பொருட்கள்:

கொத்துமல்லி இலைகள் - 1 கப்
மிளகு - 2 ஸ்பூன்
மிளகாய் வற்றல் 4 -6
கடலைப்பருப்பு - 2 டேபிள்ஸ்பூன்
உளுத்தம் பருப்பு - 2 டேபிள்ஸ்பூன்
புளி பேஸ்ட்- 2 spoon
பெருங்காய்த்தூள் 1/2 டீஸ்பூன்
உப்பு - தேவைக்கேற்றவாறு
எண்ணை - 1 டீஸ்பூன்

செய்முறை:

வாணலியில் 1 /2 ஸ்பூன் எண்ணை விட்டு அதில் உப்பு தவிர மற்ற சாமான்களை போட்டு நன்கு வறுக்கவும்.
எல்லாம் நன்கு ஆறினதும், உப்பு போட்டு புளி பேஸ்ட் கெட்டியாக அரைக்கவும்.
கொத்துமல்லியை நன்கு அலசி பொடியாக நறுக்கி, அதையும் மிக்சி இல் போட்டு அரைக்கவும்.
தேவையானால் மட்டுமே துளி தண்ணீர் விடவும்.
மிளகு போடுவதால் உடலுக்கு நல்லது.
சுடு சாதத்தில் நல்ல எண்ணை விட்டு இந்த துவையலும் போட்டு கொள்ள சுட்ட அப்பளம்/ டாங்கர் பச்சடி வைத்தால் ரொம்ப நன்றாக இருக்கும்.

குறிப்பு: புளி போடுவதானால், அதை சின்ன சின்ன தாக பிச்சு , வரட்டு வாணலி இல் நன்கு வறுக்கவும் வறுத்த சாமான்களை அரைக்கும் போது இதையும் போடணும் .மேலும் கொத்துமல்லி துவையலுக்கு இலைகளை அப்படியே போடணும் வறுக்க வேண்டாம்

**krishnaamma** · **krishnaamma** Fri Sep 05, 2014 10:12 pm

தேவையானவை :

1 கப் துருவின இஞ்சி
2 ஸ்பூன் புளி பேஸ்ட்
1/2 ஸ்பூன் வறுத்து பொடித்த வெந்தய பொடி
1 டீ ஸ்பூன் பொடித்த வெல்லம்
2 - 4 மிளகாய் வற்றல்
உப்பு
கொஞ்சம் எண்ணை
கடுகு மற்றும் உளுத்தம் பருப்பு 1 ஸ்பூன்

செய்முறை :

வாணலி இல் எண்ணை விட்டு இஞ்சி, மிளகாய் போட்டு வதக்கவும்.
மிக்சி இல் புளி பேஸ்ட், வெல்லம் மற்றும் உப்பு போட்டு அரைக்கவும்.
தண்ணீர் ரொம்ப மட்டாக விடவும்.
வாணலி இல் எண்ணை விட்டு கடுகு உளுத்தம்பருப்பு போட்டு தாளித்து துவையல் மீது கொட்டவும்.
அவ்வளவுதான் இஞ்சி துவையல் ரெடி.
வயத்து கோளாறுக்கு கூட இந்த துவையல் ரொம்ப நல்லது புன்னகை

**krishnaamma** · **krishnaamma** Fri Sep 05, 2014 10:24 pm

தேவையானவை :

1/4 கிலோ பீர்கங்காய்
2 ஸ்பூன் புளி பேஸ்ட்
10 -12 மிளகாய் வற்றல்
உப்பு
கொஞ்சம் எண்ணை
கடுகு மற்றும் உளுத்தம் பருப்பு 1 ஸ்பூன்
2 டீ ஸ்பூன் எள்

செய்முறை :

பீர்க்கங்காயை அலம்பி நறுக்கவும்.
வாணலி இல் எண்ணெய் விடாமல் எள்ளை 'பட பட' வென பொறியும் வரை வறுக்கவும்.
தனியே வைக்கவும்.
பிறகு வாணலி இல் எண்ணெய் விட்டு மிளகாய்வற்றல் போட்டு தாளித்து, நறுக்கி வைத்துள்ள பீர்க்கங்காயை போட்டு நன்கு வதக்கவும்.
கொஞ்சம் வதங்கினதும் உப்பு போட்டு வதக்கவும்.
பிறகு எல்லாவற்றையும் மிக்சி இல் போட்டு அரைக்கவும்;
வாணலி இல் எண்ணை விட்டு கடுகு உளுத்தம்பருப்பு போட்டு தாளித்து துவையல் மீது கொட்டவும்.
அவ்வளவுதான் பீர்கங்காய் துவையல் ரெடி.

குறிப்பு : எள் போடுவதால் ரொம்ப வாசனையாக நல்லா இருக்கும். நீங்க பீர்க்கங்காயை கூட்டு செய்யும்போது மீறும் தோலி இல் கூட இந்த துவையல் செய்யலாம்.இது சாதத்துடன் மட்டும் அல்ல தோசை இட்லி க்கு கூட தொட்டுக்கொள்ள நல்லா இருக்கும்.

**krishnaamma** · **krishnaamma** Fri Sep 05, 2014 10:29 pm

தேவையானவை :

1/4 கிலோ புடலங்காய்
2 ஸ்பூன் புளி பேஸ்ட்
1 -2 மிளகாய் வற்றல் அல்லது 1 ஸ்பூன் மிளகு
உப்பு
கொஞ்சம் எண்ணை
கடுகு மற்றும் உளுத்தம் பருப்பு 1 ஸ்பூன்
2 டீ ஸ்பூன் எள்

செய்முறை :

புடலங்காயை அலம்பி நறுக்கவும்.
வாணலி இல் எண்ணெய் விடாமல் எள்ளை 'பட பட' வென பொறியும் வரை வறுக்கவும்.
தனியே வைக்கவும்.
பிறகு வாணலி இல் எண்ணெய் விட்டு மிளகாய்வற்றல் போட்டு தாளித்து, நறுக்கி வைத்துள்ள
புடலங்காயை போட்டு நன்கு வதக்கவும்.
கொஞ்சம் வதங்கினதும் உப்பு போட்டு வதக்கவும்.
பிறகு எல்லாவற்றையும் மிக்சி இல் போட்டு அரைக்கவும்;
வாணலி இல் எண்ணை விட்டு கடுகு உளுத்தம்பருப்பு போட்டு தாளித்து துவையல் மீது கொட்டவும்.
அவ்வளவுதான் புடலங்காய் துவையல் ரெடி.

குறிப்பு : எள் போடுவதால் ரொம்ப வாசனையாக நல்லா இருக்கும். நீங்க புடலங்காய்யை கூட்டு செய்யும்போது உள்ளே இருக்கும் விதைகளில் கூட இந்த துவையல் செய்யலாம்.இது சாதத்துடன் மட்டும் அல்ல தோசை இட்லி க்கு கூட தொட்டுக்கொள்ள நல்லா இருக்கும்.

**தமிழ்நேசன்1981** · 21/11/2010

துவையல்கள் - 'கத்தரிக்காய் துவையல்' - Page 3 1571444738

**Dr.S.Soundarapandian** · **Dr.S.Soundarapandian** Sat Sep 06, 2014 5:17 pm

**மாணிக்கம் நடேசன்** · 14/12/2009

நல்ல சமையலுக்கான தகவலுக்கு மிக்க நன்றி அக்கா.

**krishnaamma** · **krishnaamma** Sat Sep 06, 2014 6:50 pm

தேவையானவை :

1 கப் பூண்டு பற்கள்
2 ஸ்பூன் புளி பேஸ்ட்
1/2 ஸ்பூன் வறுத்து பொடித்த வெந்தய பொடி (தேவையானால் )
10 - 12 மிளகாய் வற்றல்
உப்பு
கொஞ்சம் எண்ணை
கடுகு மற்றும் உளுத்தம் பருப்பு 1 ஸ்பூன்

செய்முறை :

வாணலி இல் எண்ணை விட்டு பூண்டு, மிளகாய் போட்டு வதக்கவும்.
மிக்சி இல் புளி பேஸ்ட் மற்றும் உப்பு போட்டு அரைக்கவும்.
தண்ணீர் ரொம்ப மட்டாக விடவும்.
வாணலி இல் எண்ணை விட்டு கடுகு உளுத்தம்பருப்பு போட்டு தாளித்து துவையல் மீது கொட்டவும்.
அவ்வளவுதான் பூண்டு துவையல் ரெடி.

குறிப்பு :கொஞ்சம் காரம் கம்மியா போட்டால் , பிள்ளை பெற்றவர்களுக்கு தரலாம். தாய்ப்பால் நன்கு சுரக்கும் பூண்டு சேர்த்தால்

**krishnaamma** · **krishnaamma** Sat Sep 06, 2014 6:51 pm

தமிழ்நேசன்1981 wrote:

நன்றி நேசன் புன்னகை

**krishnaamma** · **krishnaamma** Sat Sep 06, 2014 6:53 pm

Dr.S.Soundarapandian wrote:

நன்றி ஐயா

Sponsored content · Sponsored content

துவையல்கள் - 'கத்தரிக்காய் துவையல்'

துவையல்கள் - 'கத்தரிக்காய் துவையல்'

கொத்துமல்லி துவையல்

இஞ்சி துவையல்

பீர்கங்காய் துவையல்

புடலங்காய் துவையல்

Re: துவையல்கள் - 'கத்தரிக்காய் துவையல்'

Re: துவையல்கள் - 'கத்தரிக்காய் துவையல்'

Re: துவையல்கள் - 'கத்தரிக்காய் துவையல்'

பூண்டு துவையல்

Re: துவையல்கள் - 'கத்தரிக்காய் துவையல்'

Re: துவையல்கள் - 'கத்தரிக்காய் துவையல்'

Re: துவையல்கள் - 'கத்தரிக்காய் துவையல்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக