திருத்தப் படவேண்டிய தவறுகள்...

**rameshnaga** · **rameshnaga** Sun Sep 04, 2011 10:52 am

First topic message reminder :

தமிழ் வாத்தியார்தான் அன்று முதன் முதலில் "டிக்டேஷன்" போட்டது..
"சாதிகள் இல்லையடி பாப்பா"-எழுதச் சொல்லி.
திருத்த ஆரம்பித்த பிரம்பு
எல்லாச் சாதிகளையும் சொல்லித் திட்டியது..
எழுதியதில் இருந்த தவறுக்கேற்ப.
நான் கூட "சாதியில்"-இருந்த "துணைக்காலை"விட்டுவிட்டேன் போல.
நான் எழுதியது "சதிகள் இல்லையடி பாப்பா" ஆகிவிட..
என் முறை வந்தபோது
என் தொடைக்கு ஒரு முத்தம் கொடுத்தது வாத்தியார் பிரம்பு.
அய்யர் வீட்டுப் பொண்ணு "வசந்தி" பார்க்கிறாள்
என்பதால்..
அழுகையை அடக்கிக் கொண்டேன் நான்.
அடித்த படியே திட்டத் தொடங்கினார் ஆசிரியர்.
"ஏண்டா! ம....ரை வெட்டற அம்ப....எல்லாம் படிச்சு
எதைடா...கிழிக்கப் போறீங்க.."
ஓசிலே படிச்சு ஏண்டா..என் உசிரை எடுக்கறீங்க?"-என்றார்.
இதுவேதான்..முத்துவுக்கும்..மாரியப்பனுக்கும்...கருப்பாயிக்கும்...
இன்னும் மத்த சாதிப் பசங்களுக்கும்..
"ஏண்டா! தோ...டிப் பயலே..!
ஏண்டி!வண்ணா....திப் பொண்ணே!"-இப்படித்தான்....
"சாதிகள் இல்லையடி பாப்பா"-திருத்தப் பட்டது எங்கள் வகுப்பறைகளில்.

நீங்களே சொல்லுங்கள்...
"சாதிகள் இல்லையடி பாப்பா"-வை
நாங்கள் எப்படி சரியாய் படிப்பது?

**சிவா** · **சிவா** Sun Sep 04, 2011 4:54 pm

கே. பாலா wrote:இந்த கவிதை சரியான "பிரம்படி"

ஆசிரியர் சமுதாயம் இப்படிதான் இருக்கிறது ! வாழ்க்கைக்கும், கல்விக்கும் , போதனைக்கும் சம்பந்தமே இல்லாமல் !

அன்புடமை அதிகாரம் மனப்பாடம் செய்யவில்லை என்பதர்க்காக 2 மணிநேரம் வெயிலில் முட்டி போட வைக்கும் வாத்தியரை என்ன செய்வது ??

ரமேஷ் நாகா

ஆசிரியர் என்ற முறையில் இங்கு தங்களின் கருத்து கவனத்தில் கொள்ளப்பட வேண்டியது முக்கியம் பாலா சார். சிறந்த பின்னூட்டம் எழுதியுள்ளீர்கள். திருத்தப் படவேண்டிய தவறுகள்... - Page 2 224747944