நித்யானந்தாவுடனான எனது உறவுகள் தொடரும்: கண்ணகி, சாவித்ரியைப் போல் நான் விடும் சாபமும் பலிக்கும் -ரஞ்சிதா

நித்யானந்தாவுடன் செக்ஸ் வீடியோவில் இடம்பெற்று, கர்நாடக தடயவியல் துறையால் உறுதிப்படுத்தப்பட்ட நடிகை ரஞ்சிதா, இனியும் தொடர்ந்து நித்யானந்தாவுடன் பக்தையாக இருப்பேன் என்று பேட்டியளித்துள்ளார்.
கருத்து சுதந்திரம், பேச்சுரிமை என்ற வசதியைப் பயன்படுத்தி, தோன்றுவதையெல்லாம் பத்திரிகையாளர் சந்திப்பு என்ற பெயரில் கூறி வருகிறார்கள் நித்யானந்தாவும் அவரது ‘பக்தையான’ ரஞ்சிதாவும். நித்யானந்தா – ரஞ்சிதா செக்ஸ் வீடியோ வெளியாகி ஒன்பது மாதங்கள் அமைதியாக இருந்துவிட்டு, இப்போது திடீரென்று ஆவேசப் பேட்டிகள் அளித்து வருகிறார்.
‘கண்ணகி, சாவித்ரியைப் போல நான் விடும் சாபமும் பலிக்கும்’ என்று பிரபல பத்திரிகையில் பேட்டி அளித்து அதிர வைத்துள்ளார் ரஞ்சிதா. இன்னொரு பக்கம் பெங்களூர் மடத்தில் முன்பை விட அதிக நேரம், நித்யானந்தாவுடன் அதிக நெருக்கத்துடன் இருக்கிறார் ரஞ்சிதா.
நித்யானந்தாவுக்கு பாத பூஜை, பால் அபிஷேகம், மலர் அலங்காரம் செய்தல் என தினம் ஒரு பரபரப்பை செய்து அதை பத்திரிகைகளுக்கு செய்தியாக திட்டமிட்டு அளித்து வருகிறார். இப்போது, மீண்டும் ஒரு பேட்டி அளித்துள்ளார் ரஞ்சிதா.
அதில் அவர் கூறியதாவது: “நித்யானந்தாவுடன் இப்போதும் நெருங்கிய தொடர்பில் இருக்கிறேன். இதை மறைக்க வேண்டிய அவசியமில்லை. ஜனவரி 1-ந்தேதி அவரை சந்தித்தேன். நித்யானந்தா பக்தையாக தொடர்ந்து நீடிப்பேன். அவர் ஆசீர்வாதத்தை எப்போதும் போலவே பெற்றுக்கொண்டு இருப்பேன்.
அந்த வீடியோ சி.டிதான் என் வாழ்க்கையையே மாற்றிப் போட்டு விட்டது. பொய், துரோகங்களால் நான் அலைக்கழிக்கப்பட்டேன். என் குடும்பத்தினரும், கணவரும் பக்கபலமாக இருந்தார்கள். நான் எந்த தப்பும் செய்யவில்லை.
யாராவது நான் தவறு செய்ததாக கூறினால் அவர்கள் தேவை இல்லாமல் மற்றவர்கள் விஷயத்தில் மூக்கை நுழைக்கிறார்கள் என்றுதான் அர்த்தம். அந்த வீடியோ படத்தை வெளியிட்டதற்காக லெனின் வெட்கப்பட வேண்டும். இவ்வளவு நாளும் பேசாமல் இருந்து விட்டு இப்போது பதில் அளிக்கிறீர்களே என்று என்னிடம் கேட்கிறார்கள்.
நிலைமை கை மீறி போனதால் என்னால் எதுவும் சொல்ல முடியவில்லை. உடைந்து போய் இருந்தேன். என் குடும்பத்தினரின் பாதுகாப்பு முக்கியமாய்பட்டது. மக்கள் என் மீது கோபமாக இருந்தார்கள். எங்கு பார்த்தாலும் என்னைப் பற்றி தவறாகவே பேசினார்கள்.
அதனால்தான் எதுவும் பேச முடியாமல் இருந்தேன். ஒரு விஷயம் மட்டும் என்னை மிகவும் வருத்தப்படுத்துகிறது. மனிதர்களை விட மெஷினை நம்புகிறார்கள். பொய்யாக உருவாக்கப்பட்ட வீடியோவையும் தப்பானவர்களையும் நம்புகிறார்கள்.
என் மீது ஏற்பட்டுள்ள களங்கத்தை துடைப்பதே இப்போதைய நோக்கம். சட்ட ரீதியாகவும் இதிலிருந்து மீள முயற்சித்து வருகிறேன். நல்ல கதையம்சம் உள்ள படங்களில் நடிக்க வாய்ப்பு வந்தால் நடிப்பேன்…,” என்றார்

‘கண்ணகி, சாவித்ரியைப் போல நான் விடும் சாபமும் பலிக்கும்’

கண்ணகி சாவித்ரியை இதைவிட அதிகமாக கேவலப்படுத்தமுடியாது.
இதில் இவருக்கு கணவன் வேறு பக்கபலமாக இருந்தாராம்.

வெங்கட் wrote:கண்ணகி சாவித்ரியை இதைவிட அதிகமாக கேவலப்படுத்தமுடியாது.
இதில் இவருக்கு கணவன் வேறு பக்கபலமாக இருந்தாராம்.

யப்பா முடியல சாமி

அப்போ இவருக்கு மெரினா கடற்கரையில் ஒரு சிலை வைக்கலாமே

எல்லாம் காலக்கொடுமைடா !!!!

ரொம்ப பேசாதே,அப்புறம் மக்கள் சாபம் விட போகிறார்கள்.மக்கள் சாபம் விட்டா அப்புறம் நித்யானந்தா கூட இல்லை யார் கூடவும் இருக்க முடியாது