வரம் தராத வசந்தங்கள்

ADHEEDHAN · ADHEEDHAN Sat Nov 27, 2010 12:52 pm

அண்ணா ஆவண்ணாவ அரியுமுன்னே அழிஞ்சொழிஞ்சான்
எங்கப்பன் ஆண்டவங்கிட்ட சேந்தொழிஞ்சான்....
படிக்க நான் நெனச்சேன்
எங்கப்பன் பாடுபட வச்சிபுட்டான்....

அதனால கொறயில்ல
அழிஞ்சி நான் போகவில்ல......

காலைச் சூரியந்தான் மண்ண எட்டி பாக்குமுன்னெ
மண்ண நான் கெளறி
வெதச்ச வெத வீணாகலியெ.....

கட்டுன உங்கம்மா
என் கைபடிச்சி கூடவந்தா
கால மால உழச்சி தந்தா.......

வரமா வந்த மகன் நீ
நெழலுல உழைக்கனுன்னு
பாடுபட்டு நான் உழைச்சேன்
உனக்கு படிப்பு வாசம் காட்டி வச்சேன்........

வானமழை இளச்சாலும் என்
பாச மழை இளக்கிலியே
கூலி வெல ஏறினாலும் நான்
கொண்டகுறி மாறலியெ........

ஊருல உள்ளதிலே உத்தமந்தான் ஏமவன்
என் வயலபோல நீ வெளஞ்ச
வாட்ட முகம் காட்டாம....

நான் உழைச்ச ஊதியந்தான் உன்
பாதி படிப்பகூட தாண்டலியே
கலங்கி நான் நிக்கயிலே
என் கழனியுந்தான் கலங்கியதே........

அதிகார வர்கத்துக்கும் ஆள் மிரட்டி கூட்டத்துக்கும்
பாதுகாத்து நான் வளத்த
வயலயும் கடன் வச்சேன்
பெருமையோட படிக்க வச்சேன்....

படிச்சி நீ முடிக்க என்
பாதி பலம் கொறஞ்சிடுச்சி
கரைவேட்டி கரஞ்சிபோயி
கோமணந்தான் மிஞ்சிடுச்சி.....

வேலதான் கெடச்சி நீயும்
வெளிநாடு பறந்துபுட்ட...

என் கரவேட்டி பட்டாச்சு
வீட்டு கூரையெல்லாம் பொன்னாச்சு...
வசந்தம் வந்த்துன்னு வாயெல்லாம் பல்லாச்சு
வந்தவனுக்கெல்லாம் சொல்லாச்சு.......

உன் பெத்தவ முடிஞ்சிபோயி
மூனு மாசம் மேலாச்சு
முந்தாநாள் வந்து நின்ன...
கொள்ளிதான் போட நீயும்
குலமகனே ஏன் வரல...

அப்போதான் புரிஞ்சிகிட்டேன்
வசந்தம் நனைச்சது ஏன் வாழ்க்கைய
மட்டுந்தான் என்ன இல்லனு......

கொஞ்சநேரம் பொறு மகனே
கொள்ளிய நான் செஞ்சிடுறேன்
அஞ்சு நிமிசம் பொறுத்து நில்லு
அப்பன் இதோ கெளம்பிடுறேன்..........

அப்புறமா கெளம்பிடலாம்!!!

anandhishyam · anandhishyam Sat Nov 27, 2010 12:56 pm

இந்த பதிவைத் துவங்கியவர் நன்றி கூறியுள்ளார் anandhishyam

வரம் தராத வசந்தங்கள்

வரம் தராத வசந்தங்கள்

Re: வரம் தராத வசந்தங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக