அரசு சார்ந்த அலுவலகங்களில் குண்டு பல்புகளை பயன்படுத்த தடை

நவீன் · நவீன் Sat Aug 21, 2010 8:41 am

சென்னை: மின்சாரத்தைச் சேமிக்க, அரசு துறைகள் மற்றும் அரசு சார்ந்த
நிறுவனங்களில் குண்டு பல்புகள் பயன்படுத்த தடை விதித்து
உத்தரவிடப்பட்டுள்ளது. எரிசக்தித் துறை முதன்மைச் செயலர் டேவிதார்
பிறப்பித்துள்ள அரசாணை: சாதாரண பல்புகளை (குண்டு பல்புகள்)
பயன்படுத்துவதால் 40 வாட்ஸ் அல்லது 60 வாட்ஸ் அளவு மின்சாரம் செலவாகிறது.
இவற்றுக்கு பதிலாக சிறு குழல் விளக்குகள் (சி.எப்.எல்.,) பயன்படுத்துவதால்
14 வாட்ஸ் மின்சாரம் மட்டுமே செலவாகிறது. இதனால், சிறு குழல் விளக்குகள்
பயன்படுத்துவதால் மின் நுகர்வு மிகவும் குறையும் நிலை ஏற்படும். நான்கு
கோடி, 60 வாட்ஸ் திறனுள்ள குண்டு பல்புகளை ஒரு மணி நேரம் பயன்படுத்தினால்,
24 லட்சம் கிலோ வாட் (2400 மெகா வாட்) மின்சாரம் செலவாகும்.
அதேநேரத்தில், 14 வாட்ஸ் திறனுள்ள நான்கு கோடி சிறு குழல் விளக்குகளை ஒரு
மணி நேரம் பயன்படுத்தினால், 5.6 லட்சம் கிலோ வாட் (560 மெகா வாட்)
மின்சாரம் மட்டுமே செலவாகும். இதனால், 1,840 மெகா வாட் மின்சாரம்
சேமிப்பாகிறது. எனவே, கூடுதல் மின்நுகர்வை தவிர்க்கவும், அதிக மின்
சக்தியை சேமிக்கவும் அரசு துறைகள், பொதுத் துறை நிறுவனங்கள், வாரியங்கள்,
கூட்டுறவு நிறுவனங்கள், உள்ளாட்சி அமைப்புகள், அரசுக்கு சொந்தமான உதவி
பெறும் கட்டுப்பாட்டில் உள்ள நிறுவனங்கள் ஆகியவற்றுக்கு, சாதாரண பல்புகளை
பயன்படுத்த தடை விதிக்கப்படுகிறது. இவ்வாறு அரசாணையில்
குறிப்பிடப்பட்டுள்ளது. இந்த தடை உத்தரவு உடனடியாக அமலுக்கு வந்துள்ள
போதிலும், தற்போது பயன்படுத்தப்படும் குண்டு பல்புகள், பியூஸ் ஆகும் வரை
பயன்படுத்த அனுமதி உள்ளது. புதிதாக பல்புகளை அரசு செலவில் இனி வாங்க
முடியாது. இனிமேல், சி.எப்.எல்., பல்புகளை தான் வாங்க முடியும். இந்த
நடவடிக்கையின் அடுத்த கட்டமாக, குண்டு பல்புகளை தமிழகத்தில் விற்பனை
செய்வதற்கு தடை விதித்து உத்தரவு பிறப்பிக்கப்பட உள்ளது.

அரசு சார்ந்த அலுவலகங்களில் குண்டு பல்புகளை பயன்படுத்த தடை

அரசு சார்ந்த அலுவலகங்களில் குண்டு பல்புகளை பயன்படுத்த தடை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக