கல்லூரிகளில் இனி மனவளக்கலை பாடம் : துணைவேந்தர் தகவல்

திருப்பூர் : ""வரும் கல்வியாண்டு முதல் பாரதியார் பல்கலைக்கு உட்பட்ட
104 கல்லூரிகளிலும் மனவளக்கலை பாடம் கட்டாயமாக்கப்படும்,'' என பாரதியார்
பல்கலை துணைவேந்தர் சுவாமிநாதன் பேசினார்.
பாரதியார் பல்கலையும், உலக சமுதாய சேவா சங்கமும் இணைந்து "யோகமும்
மனித மாண்பும்' டிப்ளமோ, பி.ஏ., - எம்.ஏ., பட்டப்படிப்பை துவக்கியுள்ளன.
இந்தாண்டு படிப்பு முடித்துள்ள மாணவர்களுக்கான பட்டமளிப்பு விழா,
பட்டயக்கல்வி துவக்க விழா, திருப்பூர் மனவளக்கலை மன்றம் சார்பில் நேற்று
நடந்தது. திருப்பூர் மனவளக்கலை மன்ற அறக்கட்டளை தலைவர் ஆறுமுகம் தலைமை
வகித்தார். துணை தலைவர் சுந்தர்ராஜ் வரவேற்றார்.
மாணவ, மாணவியருக்கு பாரதியார் பல்கலை துணைவேந்தர் சுவாமிநாதன்
பட்டங்களை வழங்கி, பேசியதாவது: பல்கலைகளில் பட்டம் பெறுவது புற வடிவானது;
மனவளக்கலையில் பட்டம் பெறுவது அக வடிவம். அக வாழ்க்கைக்கு தேவையானது,
பாடத்திட்டமாக உள்ளது. உடற் பயிற்சிக்கு முன், உளப்பயிற்சியின்
முக்கியத்துவத்தை உணர்த்தியவர் மகரிஷி. நிகழ்வுகள் ஆரம் பத்தில் சாதாரணமாக
இருக்கும். அதன் வளர்ச்சி, வீச்சு எதிர்காலத்தில் தெரியும். சுதந்திர
புரட்சியும், முதலில் சாதாரணமாக துவங்கி, பின்னர் சுதந்திரத்தை தந்தது;
அதுபோலவே, மனவளக்கலை பயிற் சியும், வரும் காலத்தில் உலகையே ஆளும்தன்மை
கொண்டது.
சமுதாயத்தில் தாய்வழிக்கல்வியே சிறந்தது; இதை ஐ.நா., அமைப்பும்
உறுதி செய்துள்ளது. பெரிய படைப்பாளிகளின் படைப்புகளும் தாய் மொழியில்
உருவாக்கப்படுகின்றன. கம்ப்யூட்டர், மொபைல் போன் உள் ளிட்ட நவீனங்கள்
தீயவழியை காட்டுகின்றன. மனவளக்கலை பயில்வது நல்ல வழியை ஏற்படுத்தும். இளைய
சமுதாயம், பெற்றோர், ஆசிரியர்கள், வாழும் சமுதாயத்தை மறந்து விடக்கூடாது.
நேர்மை, இறக்கம், தன்னடக்கம், தன்னம்பிக்கை, சுய உதவி, சுய பாதுகாப்பு என,
88 நெறிகளை கற்றுக் கொள்ள வேண்டும். நிஜ வாழ்க்கையில் வேதாத்திரி
போன்றவர்களை முன் மாதிரியாக கொள்ள வேண் டும்.
அறிவு, தேசப்பற்று, நாணயம், ஒழுக்கத்தை நிலை நாட்டும் கருவியாக
மனவளக்கலை இருக்கும். தனக்காக வாழ்வது வாழ்க் கையல்ல; சமுதாயத்துக் காக
வாழ வேண்டும். இயேசு, நபி, புத்தர் போன்று சமுதாயத்தின் துயர் துடைக்க
தோன்றியவர் வேதாத்திரி; இன்பம், துன்பம், ஜாதி, மதம், தேசத்தை கடந்து,
உலகம் முழுவதும் ஒரு பேரரசின் கீழ் இருப்பதை வலியுறுத்தியவர். ஒரே மொழி,
சம அந்தஸ்து, ஒரே இனம், போராட்டம் இல்லாத உலகம் அமைதி பூங்காவாகும் என்பதை
படைப்புகளில் வெளிப்படுத்தியுள்ளார்.
திருப்பூர் மனவளக் கலை, பாரதியார் பல்கலையுடன் இணைந்து சிறப் பாக
செயல்படுகிறது. வரும் கல்வி ஆண்டில் இருந்து, பாரதியார் பல்கலைக்கு
உட்பட்டு செயல்படும் அனைத்து கல்லூரிகளிலும் மனவளக்கலை பாடம்
கட்டாயமாக்கப்படுகிறது. இதன் மூலம் 104 கல்லூரிகள், அஞ்சல் வழி கல்வி என,
2.60 லட்சம் மாணவர்கள், 5,500 ஆசிரியர்கள் பயனடைவர். தற்போது,
திருப்பூரில் மனவளக்கலை பாடத்தில் 1,000 மாணவர்கள் சேர்ந்துள்ளனர்; வரும்
ஆண்டில் 10 ஆயிரமாக உயர வேண்டும். இவ்வாறு, சுவாமிநாதன் பேசினார்.
நிகழ்ச்சியில், திருப்பூர் மனவளக்கலை மன்ற துணை தலைவர் நாகராஜன்,
இணை செயலாளர் துரைசாமி, ஆழியார் விஷன் இயக்குனர் பெருமாள், உலக சமுதாய
சேவா சங்க கோவை மண்டல தலைவர் பச்சையப்பன் உள்ளிட்ட பலர் பங்கேற்றனர்.

எங்க பல்கலைக் கழகத்துல இது நடைமுறைல தான் இருக்கு