மனைவிக்கு செல் போன்

megastar · megastar Mon 16 Aug 2010 - 16:55

First topic message reminder :

நம்மாளு ஒருத்தர், தன்னோட மனைவிக்கு ஆசையாய் ஒரு கைதொலைபேசி ஒன்று வாங்கி கொடுத்தார். அந்தம்மா கிராமத்துபுரம். அவங்களுக்கு அதனை உபோயோகிக்க தெரியாது. இவரு எப்படி உபயோகிக்கிறதுன்னு சொல்லிகொடுக்கிறாரு,

இது ஒன்னு பெரிய விசயமில்லம்மா, இங்க பாரு இதிலே ஒன்னு, இரண்டு, மூணு ன்னு வரிசையா நம்பர் இருக்கில இத போட்டு, போன் மாதிரி படம் போட்டு இருக்கிலே அத அமுகினா என் கிட்ட நீ பேசலாம். அவ்வளவு தான். இந்த அம்மாவும் சந்தோசமா வாங்கி வச்சுகிச்சு.

மறு நாள், அந்தம்மா கைதொலைபேசிய எடுத்து ஆசையா தன்னோட வீட்டுகாரர் கிட்ட பேசலாம்னு நம்பர போட்டு பச்சை பட்டனை அமுக்கிச்சு. உடனே மறு முனைலே இருந்து "" நீங்கள் தொடர்பு கொண்ட வாடிக்கையாளர் வேறு ஒரு தொடர்பில் உள்ளார்" என பதில் வந்தது.

இதை கேட்ட அந்தம்மா, நாம் கூப்பிட்டா பேசாம, வேற யாரோட இந்த ஆளு தொடர்பு வெச்சுருகிறார், யார் அந்த சக்களத்தின்னு, கத்தி அழ ஆரம்பிச்சுடாங்க,

உடனே, அவங்க அம்மா குடு என்கிட்டே நான் பேசுறேன்னு அவர் நம்பர போட்டு பச்சை பட்டன அமுக்குனா, இந்த தடவை, " நீங்கள் தொடர்பு கொண்ட வாடிக்கையாளர் தொடர்பு எல்லைக்கு அப்பால் உள்ளார்"" ன்னு பதில் வந்தது.

உடனே இந்த அம்மாவும் தன மக கிட்ட அடிபாவி மகளே! பாரு உன் புருஷன, நீ பேசும்போது வேறயார் கிட்டயோ தொடர்பு வெச்சுக்கிட்டு இருக்கார் ன்னு சொன்னாங்களே, இப்போ அவ கூட சேர்ந்து எங்கேயோ தொடர்பு எல்லைக்கு அப்பாலே! போய்டாருடீ, நீ மோசம் போய்டே, வரட்டும் அந்தாலே இன்னிக்கு உண்டு இல்லேன்னு பண்ணிடறேன்னு சத்தம் போட ஆரம்பிச்சுட்டங்க.

பாவம் நம்மாளு. வீட்டுக்கு வந்தா தான் தெரியும் சேதி.