15 வருடங்களும் உலகின் மிகப்பெரிய தீக்குச்சி எண்ணெய்க் கிணறும்

தாமு · தாமு Sat Oct 31, 2009 1:19 pm

15 வருடங்களும் உலகின் மிகப்பெரிய தீக்குச்சி எண்ணெய்க் கிணறும்

google_protectAndRun("ads_core.google_render_ad", google_handleError, google_render_ad);

கடலில் இருந்து எண்ணெய் எடுக்கும் எண்ணெய்க் கிணற்றில் வேலைப் பார்த்து ஓய்வுப்பெற்ற பிரிட்டன் பொறியாளர் தீக்குச்சிகளைக் கொண்டு, உலகில் மிகப்பெரிய மாதிரி எண்ணெய் கிடங்கை உருவாக்கி யுள்ளார். இந்த மாதிரியை உருவாக்க அவர் நாற்பது லட்சம் தீக்குச்சிகளை பயன்படுத்தியிருக்கிறார்.

ஐம்பத்தோரு வயதான டேவிட் ரெனால்ட்ஸ் இதற்காக 15 வருடங்களையும், 4 லட்ச ரூபாயும் செலவழித்திருக்கிறார்.

கின்னஸ் சாதனைப் பட்டியலில் இடம்பெற்றுவிட்ட இந்த தீக்குச்சி எண்ணெய் கிடங்கு 12 அடி உயரமும், 21 அடிநீளமும், ஆயிரம் கிலோ எடையும் கொண்டிருக்கிறது. துல்லியமாகச் சொல்ல வேண்டுமானால் இதில் 40 லட்சத்து 75 ஆயிரம் தீக்குச்சிகளை பயன்படுத்தியிருக்கிறார் டேவிட். இதற்கு முந்தைய சாதனை 35 லட்சம் தீக்குச்சிகளை வைத்து செய்யப்பட்ட டைட்டானிக் கப்பல்.

google_protectAndRun("ads_core.google_render_ad", google_handleError, google_render_ad);

புதிய கின்னஸ் சாதனை புரிந்திருக்கும் டேவிட் ரெனால்ட்ஸ் இதை பொழுதுபோக்காகத்தான் தொடங்கியிருக்கிறார். இது குறித்து அவர் கூறுகையில்,
“நம்முடைய மக்கள் டிவிக்கு முன்பாக 5 அல்லது 6 மணி நேரங்களை தினசரி செலவழிக்கிறார்கள். எனக்கு அவ்வாறு வீணாக நேரத்தை செலவிட பிடிக்கவில்லை.

தினசரி சில மணி நேரம் இதற்கென ஒதுக்கி செய்யத் தொடங்கினேன். பொழுதுபோக்காக தொடங்கியது என் கையை மீறி மிகப்பெரிய ஒன்றாக உருவாகி விட்டது” என்று சொல்லும் ரெனால்ட்ஸ் தினசரி இரண்டு மணி நேரம் முதல் 10 மணி நேரம் கூட இதற்காக செலவழித்திருக்கிறார். 15 வருடங்களில் 32 ஆயிரம் மணிநேரம் இதற்காக செலவழிக்கப்பட்டிருக்கிறது.

இந்த மாதிரி எண்ணெய் கிடங்கு மிகப்பெரியதாக உருவாவதை கண்கூடாகக் கண்ட ரெனால்ட்ஸ் இதை 14 துண்டுகளாக பிரித்தார். அவருடைய வீட்டின் வெவ்வேறு அறைகளில் வைக்கப்பட்ட இந்த துண்டுகள் அனைத்தும் கடந்த மார்ச் மாதம், சவுத்ஹாம்டன் நகரில் உள்ள பர்சிலிடான் பிரிக்ஒர்க்ஸ் மியூசியத்தில் இணைக்கப்பட்டு, காட்சிக்கு வைக்கப்பட்டது..

இந்த சாதனை மாதிரி எண்ணெய் கிடங்கை நல்ல விலைக்கு வாங்கிக்கொள்ள ஹாலிவுட் மற்றும் பல மியூசியங்கள் தயாராக இருக்கும் நிலையில் ரெனால்ட்சும் அடுத்த சாதனையைச் செய்ய ஆயத்தமாகி விட்டார்.

போருக்குத் தயாராக கடற்கரையில் நிற்கும் கடற்படை கப்பல்களின் மாதிரியை தீக்குச்சிகளால் கட்டுவதுதான் ரெனால்ட்சின் அடுத்த சாதனை முயற்சி.

நன்றி தமிழ்வாணன்.

சபீர் · சபீர் Tue Aug 03, 2010 1:26 pm

அரிய அறியாத்தகவல் 15 வருடங்களும் உலகின் மிகப்பெரிய தீக்குச்சி எண்ணெய்க் கிணறும் 678642

15 வருடங்களும் உலகின் மிகப்பெரிய தீக்குச்சி எண்ணெய்க் கிணறும்

15 வருடங்களும் உலகின் மிகப்பெரிய தீக்குச்சி எண்ணெய்க் கிணறும்

Re: 15 வருடங்களும் உலகின் மிகப்பெரிய தீக்குச்சி எண்ணெய்க் கிணறும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக