கன்னடக் குழந்தைப் பாடல்கள் (97 - 100 )

First topic message reminder :

கன்னடக் குழந்தைப் பாடல்கள் (37 - 39 )

37 . வாங்க, ஆட்டோவில் போகலாம்!

நம்ம முத்து மக்களே!
ஆட்டோ நண்பர் வந்தாரே!
கூப்பிட்ட உடனே
வீட்டின்முன் நிற்பாரே!
பள்ளிக்கூடம் கொண்டுபோய்
நம்மையும் சேர்ப்பாரே!
பள்ளி முடிந்து வீட்டுக்கும்
கொண்டுவந்து சேர்ப்பாரே!
ஆட்டோ நண்பரே!
நம்ம ஆட்டோ நண்பரே!

38 .வருதே இரயிலு!

வருதே இரயிலு!
வருதே இரயிலு!
இருப்புப் பாதையில்
வருதே இரயிலு!
சனங்கள் நிரம்பிய
அழகிய இரயிலு இது!
புகையை உமிழும்
நல்ல இரயிலு இது!
மக்கள் மெச்சும்
அழகான இரயில் இது!
மக்கள் விரும்பும்
உன்னத இரயில் இது!
கூகூ…. என்று
கூவும் இரயில் இது!
மக்கள் மெச்சும்
அழகு இரயில் இது!
வருதே இரயிலு!
வருதே இரயிலு!

39 . அழகு வண்ணங்கள் !

அழகு அழகான வண்ணங்கள்!
வாவா அவற்றைத் தெரிந்து கொள்ளலாம்!
காக்கையின் நிறம்பார் அதுவே
கறுப்பு கறுப்பு!
கோழியின் நிறமே சிவப்பு!
சிவப்பு! அது சிவப்பு!
மரங்கள் செடிகள் இவற்றின் நிறம்
பச்சை ! அது பச்சை!
மேகத்தின் நிறம் என்ன?
வெள்ளை! அது வெள்ளை!
பூக்களின் நிறமே மஞ்சள்!
மஞ்சள் ! அது மஞ்சள்!
ஆரஞ்சுப் பழத்தின் நிறத்தைப் பார்!
ஆரஞ்சு! அது ஆரஞ்சு!
வானத்தின் நிறம்தான் நீலம்
நீலம் ! அது நீலம்!
காமன் வில்லின் நிறம் பார்!
ஏழுவண்ணம்! அது ஏழுவண்ணம்!
-(கன்னட மூலத்திலிருந்து தமிழில்
மொழிபெயர்த்தவர் முனைவர் சு.
சௌந்தரபாண்டியன். கன்னட ஒலி மூலம் :
infobells.com & KidsTVKannada)

***

நன்றி சிவா அவர்களே!

கன்னடக் குழந்தைப் பாடல்கள் (88 - 90 )

88 . விரல் குடும்பம் !

அம்மா விரலே அப்பா விரலே !
எங்கே இருக்கீங்க?
நானு இங்கே இருக்கேன்! (கட்டை விரல்)
நீங்க எப்படி இருக்கீங்க?
அம்மா விரலே அப்பா விரலே!
எங்கே இருக்கீங்க?
நானு இங்கே இருக்கேன்!
நீங்க எப்படி இருக்கீங்க? (ஆள்காட்டி விரல்)
அண்ணா விரலே அண்ணா விரலே
எப்படி இருக்கீங்க?
நானு இங்கே இருக்கேன்!
நீங்க எப்படி இருக்கீங்க? (நடு விரல்)
தங்கை விரலே தங்கை விரலே!
எப்படி இருக்கீங்க?
நானு இங்கே இருக்கேன் !(மோதிர விரல்)
நீங்க எப்படி இருக்கீங்க?
பப்பு விரலே பப்பு விரலே!
எப்படி இருக்கீங்க?
நானு இங்கே இருக்கேன்!(சுண்டு விரல்)
நீங்க எப்படி இருக்கீங்க?
நாங்கள் எல்லோரும்
இங்கே இருக்கோம்! (ஐந்து விரல்களும்)
நீங்க எப்படி இருக்கீங்க?

89 . சங்கீத வாத்தியங்கள் !

சங்கீத வாத்தியங்கள் !
சங்கீத வாத்தியங்கள்!
சின்னப் பையன் பாட்டுப் பாட
காலால் தம்தம் தாளம் போடச்
சங்கீத வாத்தியங்கள்!
சங்கீத வாத்தியங்கள்!
பியானோ அழுத்தினால் –அது
புஸ்புஸ் என்று ஒலிக்குமே!
கிடார்க் கம்பியை மீட்டினால்- அது
டொய்ங்டொய்ங் சத்தம் எழுப்புமே!
சங்கீத வாத்தியங்கள்!
சங்கீத வாத்தியங்கள்!
டிரம்ஸை அடித்தால் – அது
டம்டம் ஓசையை எழுப்புமே!
நம்ம சங்கீத வாத்தியங்கள்! – அவை
விதவிதச் சத்தங்கள் எழுப்புமே!
ஆஹா ஓஹோ என்றே நானும்
பாடுவேனே ! ஆடுவேனே!
சங்கீத வாத்தியங்கள்!
சங்கீத வாத்தியங்கள்!

90 . இது கோடைக் காலம் !

மின்விசிறி இது மின்விசிறி!
குளிர்க்காற்றுத் தருமே இதுவே!
இளைப்பாறக் காற்றுத் தருமே!
தூக்கம் வரக் காற்றுத் தருமே!
மின்விசிறி ! இது மின்விசிறி!
எல்லா வீட்டிலும் இருக்குமே!
கோடைக் காலம் வந்தால்
வீடுகளில் இருக்கும் இதுவே
வெயிலு காலம் வருகிற போது
எல்லாரு வீடுகளிலும்
இருப்பதே மின்விசிறி!

-(கன்னட மூலத்திலிருந்து தமிழில்
மொழிபெயர்த்தவர் முனைவர் சு.
சௌந்தரபாண்டியன்.கன்னடக் காட்சி ஒலி மூலம் :
infobells.com&Shemarookids.com)

***

கன்னடக் குழந்தைப் பாடல்கள் (91 - 93 )

91 . குவா குவா வாத்து !

குவா குவா வாத்து !
மெல்ல நடக்கும் வாத்து !
ஜோராக நடக்கும் வாத்து!
மேலே கீழே பார்த்துக்
குவாகுவா கத்தும் வாத்து!
குவா குவா வாத்தே நீ
நீரில் நீந்திச் செல்வாய்
பின்தொடர்ந்தே நானும் நீச்சல் கற்பேனே!
குவா குவா வாத்து!

92 . தின்னும் ஓசைகள் !

சப்பாத்தி சப் சப் !
ஜிலேபி ஜும் ஜும் !
அப்பளம் கரும் கரும்!
பாலு, நீரு குடும் குடும்!
ஊறு காயி ட்லாக் ட்லாக்!

93 . முத்துப் பூனை !

முத்துப் பூனை அன்பான பூனை !
மியாவ் மியாவ் பூனை !
சுவையான பால் உனக்கு
நான் தருவேன் ஓடிவா பூனை!
எங்கள் அன்புப் பூனையே!
மீசை வைத்த பூனையே!
மியாவ் மியாவ் பூனையே!
முத்துப் பூனையே!
-(கன்னட மூலத்திலிருந்து தமிழில்
மொழிபெயர்த்தவர் முனைவர் சு.
சௌந்தரபாண்டியன்.கன்னடக் காட்சி ஒலி மூலம் :
infobells.com;KidstvKannada;DE KIDS)

***

கன்னடக் குழந்தைப் பாடல்கள் (94 - 96 )

94 . அப்பா தந்த காய்கறிகள்!

அப்பா தந்த காய்கறிகள்!
அம்மா சமைத்த காய்கறிகள்!
நல்ல ருசியான காய்கறிகள்!
குண்டாக இருக்கும் கத்தரிக்காய்!
நீளமாக இருக்கும் முருங்கைக்காய்!
பெரிசா இருக்கும் பறங்கிக்காய்!
குட்டை யான வெண்டைக்காய்!
அப்பா தந்த காய்கறிகள்!
அம்மா சமைத்த காய்கறிகள்!

95 . வாழை மரம் !

தானானே தானானே தனத் தானா!
தன்னானே தன்னானே தானனா !
வாழை மரம் வாழை மரம்!
பட்டைகள் சூழ்ந்த வாழை மரம்!
சாப்பிட இலைதரும் மரம்!
சீப்புச் சீப்பாய்ப் பழம்தரும் மரம்!
சமையலுக்கு அம்மாவுக்குக்
காய்கள் தரும் வாழை மரம்!
கல்யாண வீட்டில் கட்டப்படும்
வாழை மரம்! வாழை மரம்!

96 . வண்ணத்துப் பூச்சி !

வண்ணத்துப் பூச்சி !
வண்ணத்துப் பூச்சி!
இறக்கை விரித்தே பறந்து செல்லும்
அழகான வண்ணத்துப் பூச்சி!
எனக்கும் இரண்டு இறக்கை கொடு!
நானும் பூவுக்குப் பூ தாண்டுவேனே!
இறக்கை அடித்துப்
பறந்து பறந்து போவேனே!
வண்ணங்கள் பலகொண்ட
வண்ணத்துப் பூச்சியே!
வண்ணத்துப் பூச்சியே!
-(கன்னட மூலத்திலிருந்து தமிழில்
மொழிபெயர்த்தவர் முனைவர் சு.
சௌந்தரபாண்டியன்.கன்னடக் காட்சி ஒலி மூலம் :
infobells.com&Magic Box Animation)

***

கன்னடக் குழந்தைப் பாடல்கள் (97 - 100 )

97 . காகிதக் கப்பல்!

இடிமழை நேரத்தில்
வீட்டுக்குள்ளே இருப்போமே!
நாங்கள் இருப்போமே!
மழை விட்டதும் வெளியே வந்து
ஒன்றாய்க் கூடுவோமே!
நாங்கள் ஒன்றாய்க் கூடுவோமே!
தம்பி தங்கைகளுடன்கூடுவோமே!
காகிதக் கப்பலைச் செய்துதானே
நீரில் விடுவோமே!
கத்திக் கப்பலும் செய்து விடுவோமே!
சேர்ந்து சேர்ந்து கப்பல் தானே
அழகாய்ச் செல்லுமே! நீரில்
அழகாய்ச் செல்லுமே!

98 . பூப்போல் சிரிக்கும் பாப்பா!

பூப்போலச் சிரிக்குமே பாப்பா!
அருமை முத்துப் பாப்பா!
அம்மா அருகே கைகூப்பிக்
கடவுளையே வணங்குமே!
சுவற்றில் கோடுகளை வரையுமே!
கை வலித்து அழும்போது
அம்மா வந்து தேற்றுவாளே!
அம்மா மடியில் படுக்க வைத்துத்
தட்டிக் கொடுத்தால் தூங்கிடுமே!
பூப்போல் சிரிக்கும் பாப்பா!

99 . பொம்மைகள் பாட்டு!

குண்டு குண்டுப் பந்து
பெரிதான குண்டுப் பந்து!
கெட்டியான சுத்தியல்
தட்டி உடைக்கும் சுத்தியல்!
சாவி கொடுத்தால் ஜோக்கர் பொம்மை
கைதட்டி நிற்குமே கைதட்டி!
சிப்பாயிப் பொம்மை நிற்குமே
ஆகா நின்று கொள்வானே!
ஊது குழலை எடுத்து ஊதினால்
ஊவ்ஊவ் ஓசை கேட்குமே!
ஆகா ஊவ்ஊவ் ஓசை கேட்குமே!
வெயிலு மழை வருவதைத்
தடுக்கப் பிடிக்கும் குடைப் பொம்மை!
ஆகா குடைப் பொம்மை!
ஊஞ்சல் பொம்மை ஆடுமே!
ஆகா ஊஞ்சல் பொம்மை ஆடுமே!

100 . பழக்க வழக்கம்!

யாருக்கும் தொல்லை தந்துவிட்டால்
அப்போ சொல்லு ‘மன்னிக்கவும்’!
அது அவங்களை மகிழ்விக்கும்!
‘மன்னிக்கவும்’, ‘மன்னிக்கவும்’
உதவி ஏதாவது வேணுமென்றால்
அப்போ சொல்லு ‘தயவு செய்து’!
அது நல்ல பலனைத் தரும்!
‘தயவு செய்து’, ‘தயவு செய்து’!
யாரும் உனக்கு உதவி செய்தால்
அப்போ சொல்லு ‘நன்றி’!
அது உதவியவருக்கு மகிழ்ச்சி தரும்!
‘நன்றி’ , ‘நன்றி’!
பெரியோரை நீ கண்டால்
அப்போ சொல்லு ‘வணக்கம்’!
பெரியோர் உன்னை மெச்சுவர்!
‘வணக்கம்’ , ‘வணக்கம்’!
-(கன்னட மூலத்திலிருந்து தமிழில்
மொழிபெயர்த்தவர் முனைவர் சு.
சௌந்தரபாண்டியன்.கன்னடக் காட்சி ஒலி மூலம் :
infobells.com & KidsPlanetKannada)
***