அடுத்த ஜனநாயகப் படுகொலை.

குழந்தை ஆபாசப் படம், பாலியல் பலாத்காரம், பயங்கரவாதம், தீவிரவாதம், மற்றும் தேசவிரோத நடவடிக்கைகளை அடிப்படையாகக் கொண்ட எழுத்துக்களை, கருத்துகளை பொருளடக்கங்களை கண்டுப்பிடிக்கவும் சட்ட விரோத, சட்டத்தை மீறும் பிரச்சாரங்கள், செய்திகள், உள்ளடக்கங்கள், கருத்துக்கள் கொண்ட நடவடிக்கைகளைக் கண்டுப்பிடிக்க புதிய திட்டத்தின் கீழ் சைபர் தன்னார்வலர்களாக குடிமக்களையே மாற்றும் ஒரு திட்டத்தை மத்திய உள்துறை அமைச்சகத்தின் சைபர் கிரைம் பிரிவு உருவாக்கியுள்ளது.

இதன் மூலம் சைபர் தன்னார்வலர்களுக்கு (cyber volunteers) மட்டற்ற அதிகாரம் வழங்கப்பட்டு எந்த ஒரு எழுத்தையும் வெளியீட்டையும் அவர்கள் நினைத்தால் தேச விரோத கருத்துகள் என்று குறியிட முடியும். எந்த வித பொறுப்பும் இன்றியும் ஒரு நபரை தேசதுரோகி என்று முத்திரை குத்த முடியும் என்ற நிலை ஏற்படும் .

இது தொடர்பாக மத்திய உள்துறை அமைச்சகத்தின் சைபர் கிரைம் ஒருங்கிணைப்பு மையம் ஒரு இணைப்புப் புள்ளியாகச் செயல்படும். பொதுமக்களில் ஆர்வமுள்ளவர்கள் இதில் பதிவு செய்து சைபர் கண்காணிப்பு தன்னார்வலர்களாகலாம்.

மக்களை மக்களின் ஒரு பகுதியினரே கண்காணிக்கும் இந்தத் திட்டம் அபாயகரமானது என்று சமூக ஆர்வலர்களும் சட்ட நிபுணர்களும் கருத்து தெரிவித்து வருகின்றனர். (indianexpress)



ஒபாமா ஆட்சியின் போது இப்படியான ஒரு உளவு பார்க்கும் சட்டத்தை கொண்டு வந்தது.பயங்கரவாதச் செயல்களை கண்காணிக்க எனச் சொல்லப்பட்டது. அதன் இன்னொரு வடிவமாக இந்தியாவின் சட்டம் இருக்கலாம். அதேசமயம் ஒருவருக்குப் பிடிக்காதவரை தேசத்துரோகி என முத்திரை குத்தலாம்.பக்கத்தில் உள்ளவரை சந்தேகக் கண்ணுடன் பார்க்க வைக்கலாம் என்கின்றனர்.

ஹிட்லர் ஆட்சியிலும் ஸ்டாலின் ஆட்சியிலும் ஏன் இப்போதும் ரஷ்யா,சீனாவிலும் உள்ள நடைமுறை எனலாம்.மக்களை உளவு பார்க்க வைத்தார் ஹிட்லர்.

மக்களை உளவு பார்க்காமல் வேறு வழிகளை கையாளலாம்.ஆபாச பக்கங்கள்,செயலிகளை தடை செய்தார்கள் என்ன நடந்தது.சட்டவிரோத செயல்களை செய்பவர் இப்படி நேரடியாக மாட்டிக் கொள்வாரா?

இதன் மூலம் சைபர் தன்னார்வலர்களுக்கு (cyber volunteers) மட்டற்ற அதிகாரம் வழங்கப்பட்டு எந்த ஒரு எழுத்தையும் வெளியீட்டையும் அவர்கள் நினைத்தால் தேச விரோத கருத்துகள் என்று குறியிட முடியும். எந்த வித பொறுப்பும் இன்றியும் ஒரு நபரை தேசதுரோகி என்று முத்திரை குத்த முடியும் என்ற நிலை ஏற்படும் .

இது எப்பிடி சாத்தியமாகும்?
எதற்குமே ஆதாரம் தேவைப்படுகிறது.
சைபர் தன்னார்வலர்கள் இஷ்டத்திற்கு எந்த எழுத்தையும் வெளியீட்டையும் ஆதாரமின்றி
தேசத்துரோக முத்திரை குத்தமுடியாது.
நீதிமன்றங்கள் /உயர் நீதி மன்றம் /உச்ச நீதிமன்றம் இவைகளில் முறையீடு செய்யின்
சரியான தீர்ப்பு வரும்.