இந்த வார சினிமா செய்திகள்

சூப்பர் ஸ்டாருடன் ஜோடி சேரும் லேடி சூப்பர் ஸ்டார்
-

--
சிறுத்தை சிவா இயக்கத்தில் ரஜினிகாந்த் நடித்து வரும்
பெயரிடப்படாத படத்தின் படப்பிடிப்பு தற்போது
ஹைதராபாத்தில் உள்ள ராமோஜி ஃபிலிம் சிட்டியில்
நடந்து வருகிறது.

நடிகர் ரஜினிகாந்துடன் 'லேடி சூப்பர் ஸ்டார்' என்று
அழைக்கப்படும் நயன்தாரா இப்படத்தில் இணைந்து
நடிக்க உள்ளதாக அதிகாரப்பூர்வ தகவல் வெளியாகியுள்ளது
-

தினமணி

‘நாடோடிகள்-2’ திரைப்படத்தை வெளியிட விதிக்கப்பட்ட இடைக்காலத் தடை நீக்கம்
-

-
நடிகா் சசிகுமாா் உள்ளிட்ட பலா் நடித்து வெள்ளிக்கிழமை
(ஜன.31) வெளியாகவிருந்த ‘நாடோடிகள்-2’ திரைப்படத்துக்கு
விதிக்கப்பட்ட இடைக்காலத் தடையை நீக்கி உயா் நீதிமன்றம்
உத்தரவிட்டுள்ளது.

எனவே படம் நாளை வெளியாகலாம் என்று கூறப்படுகிறது.

தினமணி

தனுஷின் கர்ணன் படத்தில் நடிக்கும் கெளரி
-


பரியேறும் பெருமாள் படத்தை இயக்கிக் கவனம் பெற்ற
இயக்குநர் மாரி செல்வராஜின் அடுத்தப் படத்தில்
கதாநாயகனாக நடிக்கிறார் தனுஷ்.
--

தாணு தயாரிக்கும் இந்தப் படமும் தனது முதல் படம் போல
முக்கியமான பிரச்னையைப் பேசும் என மாரி செல்வராஜ்
கூறியுள்ளார். இப்படத்துக்கு கர்ணன் எனத் தலைப்பிடப்பட்டுள்ளது.

இந்நிலையில் கர்ணன் படத்தில் 96-ல் நடித்த கெளரி கிஷன்
நடிக்கிறார். இதற்கான அறிவிப்பு வெளியாகியுள்ளது.

தினமணி

வடிவேலுபோல் காமெடி செய்த பிரியா பவானி.. துபாய் அட்ரஸ் தந்தார்..
-

-
இன்ஸ்டாகிராம் பக்கத்தில் துபாயில் இருப்பதாக ஒரு படத்தை
வெளியிட்டிருக்கிறார் பிரியா பவானி சங்கர். அதில் தான்
இருக்கும் அட்ரஸ் இதுதான் என்பதை கூறி விவேகானந்தர் தெரு,
துபாய் குறுக்குச் சந்து, துபாய் மெயின் ரோடு, துபாய் என
குறிப்பிட்டு கலாட்டா செய்திருக்கிறார்.

ஒரு படத்தில் பார்த்திபன், வடிவேலு நடித்த காமெடி துபாய்க்கு
சென்றதும் பிரியா பவானிக்கு ஞபாகம் வர அதை அப்படியே
டிவிட் செய்துவிட்டார் பிரியா பவானி.

-தமிழ் சப் எடிட்டர்

சுவிட்சர்லாந்து பைக் ரேஸில் அஜீத்
-


நடிகர் அஜீத் நடிக்கும் வலிமை படத்தின் படப்பிடிப்பு
ஐதராபாத்தில் நடந்து வந்தது. அவர் நடித்த சண்டை காட்சிகள்
படமாக்கப்பட்டது.

இதையடுத்து இப்படத்தின் படப்பிடிப்பு சுவிட்சர்லாந்தில் நடத்த
திட்டமிடப்பட்டுள்ளது. அஜீத்குமார் நிஜத்தில் ஒரு பைக் ரேஸர்.
இப்படத்திலும் அவர் பைக் ரேஸராக நடிக்கிறார்.

பைக் ரேஸ் காட்சியில் அஜீத் நடிக்கும் காட்சிகள் சுவிட்சர்லாந்தில்
படமாக உள்ளது. இதற்காக விரைவில் படக்குழு சுவிட்சர்லாந்து
செல்லவிருக்கிறதாம்.

தினகரன்

சம்பாதிக்க ஆசைப்பட்டு நஷ்டமடைந்த அனுஷ்கா


-
தமிழ், தெலுங்கில் முன்னணி கதாநாயகிகளில் ஒருவர்
அனுஷ்கா. இரண்டு மொழிகளிலும் மாறி மாறி நடித்து
வருகிறார்.

இடையில் அவர் உடல்எடை கூடிவிட, அதைக் குறைக்கும்
முயற்சியில் இருந்தார். இதற்காக அவர் அமெரிக்கா
சென்று வந்ததாகவும் கூறப்பட்டது.

இந்தநிலையில் அவர் குடும்பத்துடன் கோயில்களுக்குச்
சென்ற புகைப்படங்கள் சமூக வலைத்தளங்களில்
வெளியாகி இருந்தன. இதனால் அவருக்கு விரைவில்
திருமணம் நடக்க இருப்பதாகச் செய்திகள் வந்தன.

நடிகர் பிரபாசை அவர் திருமணம் செய்துகொள்ள
இருப்பதாகக் கூறப்பட்டது. ஆனால், அதை இருவருமே
மறுத்தனர். அவர் என் நண்பர் என்று அனுஷ்காவும், என்
தோழி என்று பிரபாசும் தெரிவித்தனர்.

ஐதராபாத்தில் 4 படுக்கை அறை கொண்ட பிளாட்
ஒன்றை நடிகை அனுஷ்கா வைத்திருந்தார்.
பிரமாண்டமான இந்த வீட்டை வாங்கிய கொஞ்ச
காலத்திலேயே தெலுங்கானா பிரச்சினை தலை தூக்கியது.

இந்தப் பிரச்சினை காரணமாக சொத்துக்கள் விலை
இறங்கிவிடும் என்று யாரோ கிளப்பிவிட, அதை
ரூ.5 கோடிக்கு விற்று விட்டார் அனுஷ்கா. அதன்
அப்போதைய மதிப்பு ரூ.10 கோடிக்கு மேல் என்கிறார்கள்.

இதே போல ரியல் எஸ்டேட்டில் முதலீடு செய்த அனுஷ்கா,
விசாகப்பட்டினத்தில் ஏராளமான நிலங்களை
வாங்கியிருந்தார். 2014-ம் ஆண்டு ஆந்திர முதல்-மந்திரி
சந்திரபாபு நாயுடு, அமராவதியை தலை நகராக்கும்
முயற்சியில் இருந்தார்.

இதனால் விசாகப்பட்டினத்தில் நிலங்களின் விலை ஏறாது
என்று முடிவு செய்த அனுஷ்கா, வெறுத்துப்போனார்.
இதையடுத்து விசாகப்பட்டினத்தில் வாங்கிய நிலங்களில்
சுமார் 80 சதவிகிதத்தை குறைந்த விலைக்கு விற்றுவிட்டார்.

ஆனால், இப்போது விசாகப்பட்டினத்தில் நிலங்களின் விலை
கன்னா பின்னா வென்று ஏறியிருக்கிறது. இதை நினைத்து
இப்போது அவர் வருத்தப்படுவதாக கூறுகிறார்கள்.

மாலைமலர்

-

‘கண்ணகியாக நடிக்க ஆசை’ - கங்கனா ரனாவத்
-