ஹை ஹீல்ஸ் செருப்பால் வந்த வினை..!

திருமணமாகி, 12 ஆண்டுகள் குழந்தையின்மையால், புகுந்த வீட்டாரின் குத்தல் பேச்சுக்கு ஆளாகி, மனமொடிந்திருந்தாள் என் தோழி. அவள் கணவனிடம் எந்தக் குறையும் இல்லை என்று மருத்துவர்கள் கூறி விட்டனர். குழந்தை வரம் வேண்டி, அவள் போகாத கோவிலும் இல்லை, செய்யாத மருத்துவப் பரிசோதனையும் இல்லை. நாங்கள் படிக்கும் காலத்தில், நாளொரு சிரிப்பும், பொழுதொரு கலகலப்புமாக இருந்த அவள், மெல்ல மெல்ல நடைப்பிணமாகி வருவதைக் காண சகிக்காமல், அவளை மிகவும் வற்புறுத்தி, ஒரு பெண் மருத்துவரிடம் கடைசி முயற்சியாக அழைத்துச் சென்றேன்.
மருத்துவரின் அறைக்குள் நானும், என் தோழியும் நுழைந்தவுடன் நலம் விசாரித்து, இருக்கையில் எங்களை அமரச் செய்து, அவர் , என் தோழியை பார்த்துக் கேட்ட முதல் கேள்வி, என்னை அதிரச் செய்து விட்டது. "எத்தனை ஆண்டுகளாக உங்களுக்கு குழந்தை இல்லை?' என்பது தான் அது.
என் தோழியைப் பற்றி நான் எதுவும் கூறாமலே, அவள் குறையை எப்படிக் கண்டுபிடித்தார் என்று ஆச்சரியமாகக் கேட்டேன்.
"உன் தோழி, என் அறைக்குள் நடந்து வரும் போதே கவனித்தேன். குதியுயர்ந்த செருப்புகளை, ஸ்டைலாக அணிந்து வந்தார். இப்படிப்பட்ட செருப்புக்களை அணியும் போது, பாதங்களின் முன் பகுதிக்கு அழுத்தமும், இடுப்பு மற்றும் வயிற்றுப் பகுதியில் சில மாற்றங்களும் ஏற்படுகின்றன. நீண்ட காலமாக இதே போன்று நடக்கும் போது, கர்ப்பப்பை தன் இயல்பான இடத்தை விட்டு, இசகுபிசகாக நகர்வதும், குழந்தையின்மைக்கு சில நேரங்களில் காரணமாகிறது. இதை சரி செய்வது, அவ்வளவு சுலபமல்ல என்றாலும், முயற்சிக்கிறேன்...' என்று தன், "ட்ரீட்மென்ட்டை' அன்றைக்கே துவங்கி விட்டார். குற்ற உணர்வுடன் வெளியே வந்த என் தோழி செய்த முதல் காரியம் என்ன தெரியுமா? 1,800 ரூபாய் மதிப்புள்ள செருப்புக்களை குப்பையில் வீசிவிட்டு, வெறும் கால்களுடனே வீறு நடைபோட்டு வந்ததுதான்.
இயல்பான நம் உயரத்தை அதிகப்படுத்திக் காட்டுவதை விட, குடும்ப நிம்மதி தான் முக்கியம் என்பதை அவள் உணர்ந்து விட்டாள். குதிகால் செருப்பு போடும் நாகரிகத் தோழிகளே... நீங்களும் உஷார்!

— முனைவர். சங்கமித்ரா நாகராஜன், கோவை.
வாரமலர்.!

ஹை ஹீல்ஸ் இப்போ ஐயோ ஹீல்சாகிடுச்சா நமக்கு தார் ரோடு போடுறவங்கமாடிருப்பான்களே அதுமாதிரி செருப்புத்தான் ஒத்துக்கும்

வெறும் ஹை ஹீல்ஸ் செருப்பால் அந்த பெண்ணுக்கு குழந்தை பிறக்கவில்லை என்று என்னை நம்பமுடியவில்லை. நான் சிறுவயது முதல் ஹை ஹீல்ஸ்தான் போடுவதுதான் வழக்கம். அனால் அப்படியொரு பிரச்சனை இருப்பதாக தெரியவில்லை.

மீள் பதிவு. நன்றி.

உயர் குதிகால். high heels நானறிந்த வரையில் முதுகு தண்டு வடத்தை பாதிக்கும்.அதனால் அது சம்பந்தப்பட்ட வியாதிகள் உபாதைகள் வரலாம்.

இயற்கை /அல்லது கடவுளின் சிருஷ்டி நம்  உடலுக்கு எது ஏற்றதோ அதையே தந்திருக்கிறது/தந்திருக்கிறார். இயற்கையை மறந்து செயற்கை பக்கம் சென்றால் அதன் விளைவுகளை அனுபவிக்கத்தான் வேண்டும்.

குள்ளமாக இருப்பவர்கள் உயரமாக தோற்றம் தருவதற்காக ஹை ஹீல்சும் platform ம் போடுகிறார்கள். அவசியமே இல்லை. உயரம் குறைந்தவர்களில் சாதனைகள் புரிந்தவர்கள்/புரிகின்றவர்களும் உண்டு.

ரமணியன்