சர்க்கரை நோயாளிகளுக்கான எளிய ஆனால் சுவையான சமையல் குறிப்புகள் - 'அவல் இட்லி' -நிமிடங்களில்....

தோழி சசிகலாவின் வேண்டுகோளுக்கு  இணங்க இந்த திரி

சர்க்கரை நோயாளிகள, BP மற்றும்  கொலஸ்ட்ரால் அதிகம் ஆகிவிட்டால,டாக்டர் எதையும் சாப்பிடக் கூடாது என்று சொல்லிவிடுகிறார் ...... நம்ப இருக்கும் நேரத்தில், அவருக்கென தனியாய்  சமைப்பதும் கஷ்டம், அவருக்கு த்தரும் பத்திய சாப்பாட்டை குழந்தைகளுக்கு தருவதும் கஷ்டம் சமையல் செய்வதே பெரும் பாடாக ஆகிவிடுகிறது அல்லவா? அதிலிருந்து கொஞ்சமாவது தப்பிக்க த்தான் இந்த திரி இதில் தரும் குறிப்புகள் சுவையானதாகவும், சத்து நிறைந்ததாகவும் இருக்கும். எனவே நோயாளிகளும், பெரியவர்களும் மட்டுமல்ல  நாமும் நாம் குழந்தைகளும்  சாப்பிடலாம். பத்திய சாப்பாடு என்ற நினைப்பே வராது. 'வெரைட்டியாக', 'வித்தியாஸ்மாக' இருக்கும் அவ்வளவ்தான் . என்ஜாய்!

நாம் சாதாரணமாக அரிசி மற்றும் உளுந்தில் இட்லி செய்வோம், இங்கு நாம் அது தவிர பலவகை இட்லி களை பார்ப்போம்.


கோதுமை ரவை இட்லி  !

தேவையானவை:

அரைத்த உளுந்து2 கப் (நாம் சாதாரணமாக இட்லிக்கு அரைக்கும்  போது கூட 1 கப் எடுத்து வைத்துக்கொள்ளலாம் )
சன்னமான கோதுமை ரவை 1 கப்
தண்ணீர் 1 1/2 கப்
உப்பு தேவையான அளவு
எண்ணை 4 ஸ்பூன்
இஞ்சி பேஸ்ட் 1/2 ஸ்பூன்
கறிவேப்பிலை கொஞ்சம்
பெருங்காயப்பொடி 1/4 ஸ்பூன்
மிளகு சீரகப்பொடி 1 ஸ்பூன்
துண்டாக்கிய கறிகாய்கள் 1/4 கப் ( டாக்டர் உங்களை சேர்த்துக்க சொன்ன காய்கறிகள் ) தேவையானால் சேருங்கள் வேண்டாம் என்றால் தவிருங்கள்

செய்முறை :

கோதுமை ரவையை நன்கு வறுக்கவும்.
வறுத்த ரவை, உப்பு, அரைத்த உளுந்து எல்லாவற்றையும் நன்கு கலந்து வைக்கவும்.
இரவு முழுவதும் அப்படியே இருக்கட்டும்.
காலை இல்,ஒரு வாணலி இல் 2 ஸ்பூன் எண்ணை விட்டு,  மிளகு சீரகம் பொடித்தது, இஞ்சி பேஸ்ட், பெருங்காயம் மற்றும் கறிவேப்பிலை போடவும்.
வறுக்கவும், அதை இட்லி மாவில் கொட்டவும்.
நன்கு கலக்கவும்.
மாவில் மேலும் 2 ஸ்பூன் எண்ணை விடவும்; நன்கு கலக்கவும்.
நறுக்கி வைத்துள்ள கறிகாய்களை போடவும்.  நன்கு கலக்கவும்.
இட்லி தட்டில் எண்ணை தடவவும், இட்லி மாவை தட்டில் விடவும்.
ஆவியில் வழக்கம் போல வேக விடவும்.
சூட்டுடன்,தக்காளி சட்னி மற்றும் சாம்பாருடன் பரிமாறவும்.
இட்லி நல்ல மெத்தென்று வரும்.

இதை பல முறைகளில்  செய்லாம் , ஒவ்வொன்றாக பார்ப்போம்

ஓட்ஸ் இட்லி 

தேவையானவை:

ஓட்ஸ் 2 கப்
உளுத்தம் மாவு அரைத்தது  1/2 கப்
உப்பு தேவையானவை

செய்முறை:

இட்லி மாவில் ஒட்ஸை கலந்து , மிக்கிசி இல் ஒரு சுற்று சுற்றி எடுங்கள் .
உப்பு சேர்த்து கலக்கவும்.
ஒரு 6 மணி நேரம் புளிக்கட்டும்.
பிறகு எண்ணை தடவிய தட்டில் இட்லி வார்க்கவும்.
சூடாக சாப்பிடவும், வெங்காய சட்னி நல்லா இருக்கும்.

குறிப்பு: தேவையானால், மிளகு சீரகம் அல்லது, இஞ்சி பச்சை மிளகாய்  சேர்த்து வார்க்கலாம். சுவை கூடும்

உடனடியாக இட்லி வார்க்க வேண்டும் என்றால்; இப்படி செயலாம்

தேவையானவை:

ஓட்ஸ் 1கப்
உளுத்தம் மாவு அரைத்தது 2 கரண்டி
உப்பு தேவையானவை

செய்முறை:

ஒட்ஸை மிக்சி இல் போட்டு பொடிக்கவும்.
இட்லி மாவில் ஓட்ஸ் மாவுடன் கலந்து , மிக்கிசி இல் ஒரு சுற்று சுற்றி எடுக்கவும்
உப்பு சேர்த்து கலக்கவும்.
ஒரு 10 நிமிஷம் கழித்து, மாவு சற்று கெட்டியானனதும், தண்ணீர் விட்டு இட்லி மாவு பதத்துக்கு தளர்த்தி கிக்கொண்டு, எண்ணை தடவிய தட்டில் இட்லி வார்க்கவும்.
சூடாக சாப்பிடவும், விருப்பமான எந்த சட்னி யுடனும் நல்லா இருக்கும்.

ஓட்ஸ் ரவா இட்லி 

தேவையானவை:

ஓட்ஸ் 1 கப்
ரவா 1 கப்
தயிர் 1 1/2 கப்
தேவையான காய்கறிகள்  1 கப் ( துருவவும்) - தேவையானால் சேர்த்துக்கொள்ளுங்கள்
இஞ்சி 1 ஸ்பூன் துருவியது
பச்சை மிளகாய் 1 ஸ்பூன் பொடியாக நறுக்கியது
பெருங்காயப்பொடி 1/2 ஸ்பூன்
உப்பு தேவையான அளவு
எண்ணை 2 - 3 ஸ்பூன்
கடுகு 1 ஸ்பூன்
உளுந்து 1 ஸ்பூன்

செய்முறை:

வாணலி இல் முதலில் ஓட்ஸ் மற்றும்  ரவையை தனித்தனியாக எண்ணை இல்லாமல் வறுத்து  தனித்தனியே வைக்கவும்.
வாணலி இல் எண்ணை விட்டு, கடுகு உளுந்து தாளிக்கவும்.
பிறகு, இஞ்சி மற்றும் பச்சைமிளகாய் போட்டு வதக்கவும்.
பெருங்காயப்பொடி சேர்க்கவும்.
இப்போது வறுத்து வைத்துள்ள ஓட்ஸ் மற்றும்  ரவையை ஒவ்வொன்றாக போட்டு நன்கு வறுக்கவும்.
ஒரு பெரிய பாத்திரத்தில், தயிர் போட்டு நன்கு 'சிலுப்பவும்' ( கலக்கவும்)
உப்பு போட்டு கரைத்து வைக்கவும்.
வறுத்த சாமான்களை அதில் கோட்டவும்.
ஒரு 1/2 மணி ஊரவிடவும்.
தேவையானால் கொஞ்சம் தண்ணீர் விட்டுக்கொள்ளவும்.
உப்பு சரிபார்த்து, எண்ணை தடவிய தட்டில் விட்டு இட்லி வர்க்கவும்.
இந்த இட்லி க்கு தொட்டுக்கொள்ள எது வுமே வேண்டாம், 'வெறுமனே' வே நல்லா இருக்கும்.

குறிப்பு: காய்கறிகள் சேர்ப்பதானால், இஞ்சி மற்றும் பச்சைமிளகாய் போட்டு வதக்கினதும் , நறுக்கி அல்லது துருவி வைத்துள்ள காய்கறிகளை போட்டு துளி உப்பு போட்டு வதக்கவும். காய் நன்கு வதங்கினதும் ஓட்ஸ் மற்றும் ரவை போடவும். சரியா?

குழந்தைகளுக்கு செய்வதானால் , துருவின காரட், உருளை, பச்சைப்பட்டாணி, காலி பிளவர் ,தக்காளி  எல்லாம் போடலாம். ரொம்ப கலர் ஃபுல்  ஆக இருக்கும். டேஸ்ட் ம அபாரமாக இருக்கும்.

எனக்கு மிகவும் தேவையான ஒன்று ...நன்றி கிறிஷ்நாம்மா அவர்களே

நன்றி ஐயா

தங்களுக்கு 'சர்க்கரை ' இருக்கா?

மிகவும் நன்றிகள் அம்மா

பொக்கிஷம் போல் சேமித்து வைத்து கொள்ளப்போகிறேன்
உங்கள் குறிப்புகளை

( வி .பொ .பா )

J.Sasikala wrote:மிகவும் நன்றிகள் அம்மா

பொக்கிஷம் போல் சேமித்து வைத்து கொள்ளப்போகிறேன்
உங்கள் குறிப்புகளை

( வி .பொ .பா )

ரொம்ப நன்றி சசிகலா

ஒரு சின்ன சந்தேகம், ( வி .பொ .பா ) என்றால் என்ன? புரியலையே !

krishnaamma wrote:

ஒரு சின்ன சந்தேகம், ( வி .பொ .பா ) என்றால் என்ன? புரியலையே !

விருப்ப பொத்தானை பாவித்தேன் என்பதை நம்ம சுந்தரராஜ் தயாளன் அய்யா ஒரு இடத்தில் இவ்வாறு சுருக்கி எழுதி இருந்தார் , அவரை பார்த்து நானும் காப்பி அடித்துவிட்டேன்