பிரபல எழுத்தாளர் குல்தீப் நய்யார் காலமானார்

**ayyasamy ram** · **ayyasamy ram** Thu Aug 23, 2018 7:42 pm

-
புதுதில்லி:
பிரபல எழுத்தாளரும் பத்திரிகையாளரும், மாநிலங்களவையின்
முன்னாள் உறுப்பினருமான குல்தீப் நய்யார்(95) நேற்றிரவு
தில்லியில் காலமானார்.

பாகிஸ்தானின் சியால்கோட் பகுதியில் 1923-ஆம் ஆண்டு
ஆகஸ்ட் 14-ஆம் தேதி பிறந்த குல்தீப் நய்யார். பத்திரிகையாளராக
தன் பணியைத் தொடங்கியவர் பின்னர் எழுத்தாளராகவும்,
அரசியல் விமர்சகராகவும் பிரபலமாக பேசப்பட்டார்

. ‘எல்லைகளுக்கு இடையே’, ‘தூரத்து உறவினர்கள்: துணைக்
கண்டத்தின் கதை’, ‘நேருவுக்குப் பிறகு இந்தியா’ மற்றும் ‘ஸ்கூப்’ என
புகழ்பெற்ற 11 புத்தகங்களை எழுதியுள்ளார்.

அரசியல் விமர்சகர், பிரபல எழுத்தாளர் மற்றும் மாநிலங்களவையின்
உறுப்பினராகவும் மற்றும் ஐ.நா.வில் இந்திய பிரதிநிதியாகவும்
இருந்துள்ளார்.

இந்நிலையில், உடல்நலக்குறைவு காரணமாக தில்லியில்
உள்ள மருத்துவமனையில் சிகிச்சை பெற்று வந்த நிலையில்,
சிகிச்சை பலனின்றி நேற்று இரவு காலமானார்.

இந்தியாவிற்கும் பாகிஸ்தானுக்கும் இடையே அமைதியான
உறவு ஏற்படுவதற்கான செயல்களில் மிகவும் ஆர்வம்
காட்டினார். பாகிஸ்தான் அணு விஞ்ஞானி
அபதுல் காடேர் கானுடனான நேர்காணல் குறித்து தனது
சுயசரிதையில் எழுதியுள்ளார்.

மாநிலத்தின் மனித உரிமைகள் மீறல்கள் குறித்து விரிவாக
ஆவணப்படுத்தியுள்ளார். எமர்ஜென்சி காலத்தில் சிறையில்
அடைக்கப்பட்ட முதல் பத்திரிகையாளர்களில் ஒருவராக
இருந்தவர் நய்யார்.

அவரது மறைவுக்கு பிரதமர் நரேந்திர மோடி, உள்துறை அமைச்சர்
ராஜ்நாத் சிங், தில்லி முதல்வர் அரவிந்த் கேஜரிவால்,
பத்திரிகையாளர்கள், சமூக ஆர்வலர்கள் உள்ளிட்ட பல்வேறு
தரப்பினரும் இரங்கல் தெரிவித்துள்ளனர்.
–
————————
தினமணி

பிரபல எழுத்தாளர் குல்தீப் நய்யார் காலமானார்

பிரபல எழுத்தாளர் குல்தீப் நய்யார் காலமானார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக