தமிழ்வாணன் - கேள்வி - பதில்களில் சில

**ayyasamy ram** · **ayyasamy ram** Mon 21 Aug 2017 - 14:13

தமிழ் பத்திரிகையுலகில் கேள்வி - பதில் பகுதியில் வெற்றிக் கொடி
நாட்டியவர், தமிழ்வாணன். பழைய, 'கல்கண்டு' இதழ்களை
புரட்டியபோது காணக்கிடைத்த அவரது ருசிகரமான
கேள்வி - பதில்களில் சில:
-
சீன யுத்த நிதிக்காக, ஈ.வெ.ரா., இன்னும் காலணா கூடத் தரவில்லையே...
-
இது உங்களுக்கு ஆச்சரியம்; யுத்த நிதியிலிருந்து, தனக்கு எதுவும்
கேட்காமலிருக்கிறாரே என்று எனக்கு ஆச்சரியம்!
-
----------------------------------------
அழகிப் போட்டி நடத்துகிறார்களே...
-
நடத்த வேண்டியதுதான்; ஆனால், அதில் எனக்கு ஒரு சந்தேகம்...
முன்பு அழகாக இருந்தனர் என்று தேர்ந்தெடுக்கின்றனரா
அல்லது நாளைக்கு அழகாகி விடுவர் என்ற நம்பிக்கையில்
தேர்ந்தெடுக்கின்றனரா என்பது தான் புரியவில்லை.
-
----------------------------------------------
-
நான், தராசில் நிற்க மாட்டேன்; என் எடைக்குரிய தங்கத்தை,
சீன யுத்த நிதிக்கு நீங்களே கொடுத்து விடுங்கள் என்று
சொல்லியுள்ளாரே நேரு...
-
நேருவுக்கு இப்போது தங்கம் கிடைக்கிறது; நேரம் தான்
கிடைக்க மாட்டேன் என்கிறது. அதனால் தான் அப்படிச்
சொல்லி விட்டார்.

தங்கள் எடைக்கு எடை புளி கிடைத்தால் கூட, அதற்காக நாள்
கணக்கில் தராசில் நிற்க தயாராக இருக்கும் தலைவர்கள்
இன்று தமிழகத்தில் இருக்கின்றனரே!
-
--------------------------------------------

**ayyasamy ram** · **ayyasamy ram** Mon 21 Aug 2017 - 14:14

-
வெற்றிலை போடுவதால் ஏற்படும் நன்மைகள் என்ன?
-
வாய் சிவப்பாகும்; பல்லில் காவி ஏறும். உப்புமாவும்,
கேசரியும் சாப்பிடுவதற்கு ஒன்று போல் இருக்கும்.
-
------------------------------------------
-
கடிதம் எழுதும்போது முகவரியில் திராவிட நாடு என்று
எழுதலாமா?
-
திராவிட நாடு என்ன... சுவர்க்கம் என்று கூட எழுதலாம்;
போய் சேருமா என்பது தான் சந்தேகம்!
திராவிட நாடு என்று முகவரி இடப்பட்ட கடிதங்கள்
ஆயிரகணக்கில், 'டெட் லெட்டர்' ஆபீசில் கிடக்கின்றன
என்று கேள்வி!
-
--------------------------------------------------
-
தமிழ் தேசியக் கட்சியிலிருந்து சம்பத்தை விலக்கி வைப்பதாக
சொன்னாரே கண்ணதாசன்... அது என்ன ஆயிற்று?
-
என்ன சொன்னீர்கள்... சம்பத்தை தள்ளி வைப்பதாக
கண்ணதாசன் சொன்னாரா... ஊம்... உங்களைச் சொல்ல
என்ன இருக்கிறது... காலம் அப்படிக் கெட்டு கிடக்கிறது.

சோப்பு தான் தண்ணீரில் கரைந்து காலியாகுமே தவிர,
தண்ணீரைக் குடித்து, தொட்டியை காலியாக்கி விடாது
சோப்பு!
-
--------------------------------------------------
-
'எங்கள் அண்ணாதுரையிடம் காமராஜர் கற்றுவரட்டும்...'
என்கிறாரே என்.வி.நடராசன்...
-
எதை... பொடி போடுவதையா?
-
-----------------------------------------

**ayyasamy ram** · **ayyasamy ram** Mon 21 Aug 2017 - 14:16

-
சிவாஜி கணேசன் அமெரிக்கா போயிருந்த போது,
கென்னடி (அமெரிக்க முன்னாள் அதிபர்} ஏன் கணேசனை
கூப்பிட்டு பேசவில்லை?
-
கணேசன், 'பிசிமேன்' என்பது கென்னடிக்கு கூட தெரியும்
போல் இருக்கிறது!
-
----------------------------------------------
-
ஈ.வெ.ரா., எப்படி இருக்கிறார்?
-
'நாம் வளர்த்தவர்கள் எல்லாம் நம்மை விட்டுப் போகின்றனரே...'
என்று மிகக் கவலைப்பட்டுக் கொண்டிருக்கிறார்.
நாம் வளர்த்ததில் நம் தாடி ஒன்றே இன்னும் நம்மையே நம்பி,
நம்மை விட்டுப் போகாமல் நம்மோடு ஒட்டிக் கொண்டு
இருக்கிறது என்று, தன் தாடியை தடவிக் கொடுத்தபடி இருக்கிறார்.
-
------------------------------------------------
-
நடிகர் ஆனந்தன், நானும் மனிதன் தான் என்ற பெயரில் சொந்தப்
படம் எடுக்கப் போகிறாராமே?
-
எடுக்கட்டும்; இதிலாவது, 'நானும் நடிகன் தான்' என்பதை
நிரூபித்துக் காட்டட்டும்!
-
--------------------------------------------------
-
ஈ.வெ.ரா.,வுக்கு மந்திரி பதவி கொடுத்தால் ஏற்றுக் கொள்வாரா?
-
ஏற்றுக் கொள்ள மாட்டார்... மந்திரி வேலையில் மாதா மாதம்
தான் பணம் கிடைக்கும்; சமுதாய சீர்திருத்தப் பணியில் ஊருக்கு
ஊர், டூருக்கு டூர் பணம் கிடைக்குமே!
-
------------------------------------------------

நன்றி
அந்துமணி பா.கே.ப.,வாரமலர்

Sponsored content · Sponsored content

தமிழ்வாணன் - கேள்வி - பதில்களில் சில

தமிழ்வாணன் - கேள்வி - பதில்களில் சில

Re: தமிழ்வாணன் - கேள்வி - பதில்களில் சில

Re: தமிழ்வாணன் - கேள்வி - பதில்களில் சில

Re: தமிழ்வாணன் - கேள்வி - பதில்களில் சில

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக