அதிமுக இரு அணிகள் இணைகிறது - தொடர் பதிவு

**ayyasamy ram** · **ayyasamy ram** Mon Aug 21, 2017 11:54 am

முன்னாள் முதல்வர் ஓ.பன்னீர்செல்வம்
தனது ஆதரவாளர்களுடன் அதிமுக தலைமை அலுவலகத்திற்கு
புறப்பட்டு சென்றுள்ளார்.

ஓபிஎஸ்.,ஐ தொடர்ந்து முதல்வர் பழனிச்சாமியும் தலைமை
அலுவலகம் வர உள்ளார்.

அங்கு இரு அணிகள் இணைப்பு நடைபெற உள்ளது.
பின்னர் ஓபிஎஸ், இபிஎஸ் இருவரும் ஜெ., நினைவிடத்திற்கு
சென்று அஞ்சலி செலுத்த உள்ளனர்

அணிகள் இணைப்பிற்கு பிறகு ஓபிஎஸ்.,க்கு
துணை முதல்வர் பதவி வழங்கப்பட உள்ளதாக கூறப்படுகிறது.
இன்று மாலையே துணை முதல்வராக ஓபிஎஸ் பதவியேற்க
உள்ளதாகவும் கூறப்படுகிறது.
-
------------------------------
தினமலர்

**ayyasamy ram** · **ayyasamy ram** Mon Aug 21, 2017 12:12 pm

தமிழ்நாட்டுக்கு பா.ஜனதா தலைவர் அமித்ஷாவின் வருகை
திடீரென்று ஒத்தி வைக்கப்பட்டுள்ளது.
-
அமித்ஷா நாளை காலை சென்னை வருவதாக இருந்தது.
-
நாளையும், நாளை மறுநாளும் சென்னையில் பல்வேறு
கட்சி நிகழ்ச்சிகளில் பங்கேற்க ஏற்பாடு செய்யப் பட்டிருந்தது.
24-ந் தேதி கோவையில் சுற்றுப்பயணம் செய்ய இருந்தார்.
-
இந்த நிலையில் அவரது சுற்றுப்பயணம் திடீரென
ஒத்திவைக்கப்படுவதாக இன்று காலையில் செய்தி
வெளியிடப்பட்டது.
-
இரு அணிகளும் இணையும் நேரத்தில் அமித்ஷா
இங்கு இருப்பது தேவையற்ற சர்ச்சையை ஏற்படுத்தலாம்.
எனவே அமித்ஷா வருகை திடீரென்று ஒத்திவைக்கப்
பட்டிருப்பதாக கூறப்படுகிறது.
-
தினத்தந்தி

**ayyasamy ram** · **ayyasamy ram** Mon Aug 21, 2017 3:37 pm

அ.தி.மு.க-வின் இரு அணிகளின் இணைப்பு குறித்து
நடிகர் கமல் ட்வீட்டரில் கடுமையாக விமர்சித்துள்ளார்.

அதில் கமல், ''காந்திக் குல்லா! காவிக் குல்லா! கஷ்மீர் குல்லா!
தற்போது கோமாளிக் குல்லா, தமிழன் தலையில்.

போதுமா இன்னும் வேண்டுமா? தயவாய் வெகுள்வாய் தமிழா''
என்று கூறியுள்ளார்.

**M.Jagadeesan** · **M.Jagadeesan** Mon Aug 21, 2017 5:54 pm

வரும் ஆனால் வராது என்ற நிலைதான் !

இணையும் ஆனால் இணையாது ; கூடும் ஆனால் கூடாது .

செப்புப் பாத்திரங்களுக்கு மூடி செய்யமாட்டார்கள் . ஏனென்றால் சில சமயங்களில் அது பாத்திரத்தோடு பொருந்தும் ; சில சம்மயங்களில் பொருந்தாது . அதுபோல உட்பகை கொண்ட குடும்பங்கள் சேருவதுபோலத் தோன்றினாலும் , உண்மையில் அவை சேராது .

செப்பின் புணர்ச்சிபோல் கூடினும் கூடாதே
உட்பகை உற்ற குடி .

என்பது ஐயனின் வாக்கு .

**ayyasamy ram** · **ayyasamy ram** Mon Aug 21, 2017 6:59 pm

சென்னை

தமிழகத்தின் துணை முதல் அமைச்சராக ஓ. பன்னீர்செல்வம்
பதவியேற்றுக் கொண்டார்.
அவருக்கு ஆளுநர் வித்யாசாகர் ராவ் பதவி பிரமாணம் செய்து
வைத்தார்.
-
அமைச்சராக மாபா பாண்டியராஜனும் பதவியேற்றுக்
கொண்டர்.
-
அப்போது, முதல்வர் எடப்பாடி பழனிசாமி மற்றும் துணை முதல்வர்
ஓ. பன்னீர்செல்வத்தின் கைகளை இணைத்து ஆளுநர்
வித்யாசாகர் ராவ் குலுக்கச் செய்தார்.

பிறகு, ஆளுநர் வித்யாசாகர் ராவுடன் தமிழக முதல்வர்,
துணை முதல்வர் மற்றும் அமைச்சர்கள் புகைப்படம் எடுத்துக்
கொண்டனர்.

பின்னர் தனது அலுவலகத்திற்கு சென்று தனது பொறுப்பை ஏற்று
கொண்டார். அவருக்கு முதல் அமைச்சரும், அமைச்சர்களும்
வாழ்த்து தெரிவித்தனர்.

தமிழக துணை முதல்வராக பொறுப்பேற்ற ஓ.பன்னீர்செல்வத்துக்கு
பிரதமர் மோடி வாழ்த்து தெரிவித்து உள்ளார்.

புதிதாக தமிழக துணை முதல்வராக பொறுப்பேற்ற
ஓ.பன்னீர்செல்வத்துக்கு வாழ்த்துக்கள் ! தமிழகம் இன்னும்
புதிய உயர்வை தொடும் என நம்புகிறேன் என கூறி
உள்ளார்.
-
----------------------------
தினத்தந்தி

Sponsored content · Sponsored content

அதிமுக இரு அணிகள் இணைகிறது - தொடர் பதிவு

அதிமுக இரு அணிகள் இணைகிறது - தொடர் பதிவு

Re: அதிமுக இரு அணிகள் இணைகிறது - தொடர் பதிவு

Re: அதிமுக இரு அணிகள் இணைகிறது - தொடர் பதிவு

Re: அதிமுக இரு அணிகள் இணைகிறது - தொடர் பதிவு

Re: அதிமுக இரு அணிகள் இணைகிறது - தொடர் பதிவு

Re: அதிமுக இரு அணிகள் இணைகிறது - தொடர் பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக