கும்பகோணம் டிகிரி காபி!

கசப்பு சுவை உள்ள காபி, பலருக்கும் பிடித்த பானம்; அதிலும், மண மணக்கும், 'கும்பகோணம் டிகிரி பில்டர் காபி' இன்னும் ஸ்பெஷல்!

சென்னையை தாண்டி, திருச்சி செல்லும் சாலையில், இதற்காக பல கடைகள் இருந்தாலும், தஞ்சாவூர் மற்றும் கும்பகோணம் சென்றால், ஒரிஜினல் சுவை காபியை பருகலாம்.

நயமான, ஒரு கிலோ காபிக் கொட்டைகளை, பதமான சூட்டில் வறுக்கும் போது, 800 கிராம் அளவில் குறையும்; அதை அரைத்தால், மூன்று தரங்களில் பொடி கிடைக்கும். 'பி' எனப்படும் தரம் தான், நம்பர் ஒன். அதிலிருந்து, ஒருமுறை மட்டும் டிகாஷன் எடுத்து, பாலில் கலந்தால், டிகிரி காபி தயார்!

கும்பகோணத்தில், டிகிரி காபி கடை வைத்திருக்கும் சுபாஷ், 'கறந்த, நீர் சேர்க்காத பசும் பால்; ஒருமுறை மட்டுமே டிகாஷன் எடுக்கப்படும் காபி; இவை இரண்டும் தான், சுவைக்கு அடிப்படை. அடர்த்தியான, கறந்த பாலின் தரத்தை, 'டிகிரி' என்பர். அப்பாலில் தயாரிப்பதால், 'கும்பகோணம் டிகிரி பில்டர் காபி' என்ற பெயர் உண்டானது.

'கடந்த, 1960ல் அய்யச்சாமி ஐயர் மற்றும் பஞ்சாமி ஐயர் இருவரும் தங்கள் கடையில், கறந்த பாலில், நீர் சேர்க்காமல், காபி போட்டு கொடுக்க, அதன் சுவையில் மயங்கிய வாடிக்கையாளர் கூட்டம் அதிகரித்தது. கோவில் நகரம் என்பதாலும், இசைக் கலைஞர்கள் கூடும் இடம் என்பதாலும், வெளியூரில் இருந்து வந்தோர், காபியின் சுவையில் இளைப்பாற, அதன் புகழ், உலகம் முழுக்க பரவியது...' என்கிறார்.
அத்துடன், பித்தளை பாத்திரங்களுக்கும், பெயர் பெற்ற ஊர் கும்பகோணம். காபியை அதிலேயே கொடுக்க, இன்று, அதுவும் ஒரு பிராண்ட் ஆகி விட்டது என்கிறார் சுபாஷ்.

இப்போது எந்த ஹோட்டலிலும் பித்தளை டபரா செட்டில் காபி தருவதில்லை . அது அந்தக்காலம் .

சரவணபவன் காபி மிகவும் சுவையாக உள்ளது . நம் வீட்டில் அதுபோல தயாரிக்க முடிவதில்லை . என்ன ரகசியம் என்று தெரியவில்லை .

M.Jagadeesan wrote:இப்போது எந்த ஹோட்டலிலும் பித்தளை டபரா செட்டில் காபி தருவதில்லை . அது அந்தக்காலம் .

சரவணபவன் காபி மிகவும் சுவையாக உள்ளது . நம் வீட்டில் அதுபோல தயாரிக்க முடிவதில்லை . என்ன ரகசியம் என்று தெரியவில்லை .

சென்னை - திருச்சி நெடுஞ்சாலையில் "ஹோட்டல் அஸ்வின்ஸ்" என்று ஒரு உணவகம் உள்ளது (திருச்சி அஸ்வின்ஸ் இனிப்பகத்தின் கிளையாம்) இங்கு அனைத்தும் செம்பு தான்.

இப்போதும் கும்பகோணம் ரயில்வே ஸ்டேஷனில் உள்ள காபி ஸ்டாலில் 
பித்தளை டபரா டம்பளரில் காபி. அருமையோ அருமை. பொதுவாக ரயில்வே 
பிளாட்பாரத்தில் காபியே குடிக்கமாட்டோம்.ஆனால் கும்பகோணம்சென்ற போது 
ரெண்டு டம்பளர் வாங்கி குடித்தோம்.    

ரமணியன்

T.N.Balasubramanian wrote:இப்போதும் கும்பகோணம் ரயில்வே ஸ்டேஷனில் உள்ள காபி ஸ்டாலில் 
பித்தளை டபரா டம்பளரில் காபி. அருமையோ அருமை. பொதுவாக ரயில்வே 
பிளாட்பாரத்தில் காபியே குடிக்கமாட்டோம்.ஆனால் கும்பகோணம்சென்ற போது 
ரெண்டு டம்பளர் வாங்கி குடித்தோம்.    

ரமணியன்

-

டிகிரி என்பது பாலின் தரத்தைக் குறிக்கும் அளவீடு.
கறந்த சூடு ஆறாத, தண்ணீர் கலக்காத பசும் பால்.

இதை லேக்டோ மீட்டர்போட்டு டிகிரி உறுதிப்படுத்தியே
வாங்குவார்கள். அதில் போட்டால் தான், அது டிகிரி காபி.

கும்பகோணத்துக்கே உரிய பித்தளை காபி பில்டரை நன்கு
சூடேற்றி, அதில் சிக்கரி கலக்காத காபித்தூளையும்
சர்க்கரையையும் போட்டு, கொதிக்கும் வெந்நீரை ஊற்றி
மூடிவிட வேண்டும்.

ஆடை சூழாத பால் பாதி, பில்டரில் ஊறிய காபி டிகாஷன்
பாதி. ஓங்கி ஒரு ஆற்று... பொங்கிய நுரையும், பறக்கும்
ஆவியும் நாவில் படுகிற நொடியில் உடம்பு நரம்புகள்
கிளர்ந்து எழும்.
-
------------------------------------

எல்லா சூட்சுமமும் காபித்தூளில்தான் இருக்கிறது . காபித்தூள் தரமில்லையென்றால் , நாம் எவ்வளவுதான் பில்டரில் டிகாக்க்ஷன் தயாரித்தாலும் , காபி சுவையாக இருக்காது .

அந்த காலத்தில் நாங்கள் கூறிய புதுமொழி .

"தமிழ்நாடு தமிழர்க்கே 
டபரா டம்பளர் காபிக்கே "

ரமணியன்

இன்னும் சில ஹோட்டல்களில் டம்ளருக்குள் டம்ளர் வைத்துக் காபி கொடுப்பார்கள் . அதை பிரித்து எடுப்பதற்குள் பிராணன் போய்விடும் . நல்லவேளை இப்போது அந்தப் பழக்கம் இல்லை .