சஹாரா குழுமத்துக்கு ரூ.25,000 கோடி எங்கிருந்து வந்தது? உச்ச நீதிமன்றம் கேள்வி

**ayyasamy ram** · **ayyasamy ram** Sat Sep 03, 2016 7:20 pm

முதலீட்டாளர்களுக்கு திருப்பி அளிக்கப்பட்ட ரூ.25,000 கோடி
பணம் சஹாரா குழுமத்துக்கு எங்கிருந்து வந்தது என்று
உச்ச நீதிமன்றம் கேள்வி எழுப்பியுள்ளது.

சஹாரா நிறுவனத்தின் முதலீட்டாளர்களுக்கு உரிய பணத்தை
திருப்பிச் செலுத்தவில்லை என்று கூறி, அந்தக் குழுமத்தின்
தலைவரான சுப்ரதா ராய்க்கு எதிராக இந்திய பங்கு,
பரிவர்த்தனை வாரியம் (செபி) கடந்த 2014-இல் வழக்கு தொடுத்தது.

அதையடுத்து, சுப்ரதா ராய் கைது செய்யப்பட்டு, சிறையில்
அடைக்கப்பட்டார். உச்ச நீதிமன்றத்தில் நடைபெற்ற வந்த இந்த
வழக்கில், தனது நிறுவனத்தின் முதலீட்டாளர்களுக்கு தர வேண்டிய
ரூ.25,000 கோடி பணத்தை திருப்பித் தருவதாக சுப்ரதா ராய் சார்பில்
தெரிவிக்கப்பட்டது.

இந்நிலையில், மூதலீட்டாளர்களுக்குத் தர வேண்டிய
ரூ.25,000 கோடியை அளித்து விட்டதாக சுப்ரதா ராய் சார்பில் உச்ச
நீதிமன்றத்தில் வெள்ளிக்கிழமை மனு தாக்கல் செய்யப்பட்டது.

அந்த மனுவை விசாரித்த உச்ச நீதிமன்ற தலைமை நீதிபதி
டி.எஸ்.தாக்குர் தலைமையிலான அமர்வு கூறியதாவது:

முதலீட்டாளர்களுக்கு செலுத்தியதாகக் கூறப்படும் ரூ.25,000 கோடி
எங்கிருந்து வந்தது என்பதை நீங்கள் (சஹாரா குழுமம்) தெரிவிக்க
வேண்டும். ரூ.25,000 கோடி வானத்திலிருந்து விழுந்து விடாது.
அதற்கான ஆதாரங்களை அளிக்க வேண்டும் என்று தெரிவித்த
நீதிபதிகள், இதுதொடர்பான அடுத்தகட்ட விசாரணையை வரும்
16-ஆம் தேதிக்கு ஒத்திவைத்தனர்.
-
----------------------------தினமணி

**T.N.Balasubramanian** · **T.N.Balasubramanian** Sat Sep 03, 2016 9:55 pm

நான் அறிந்த வரையில் Tata வும் Birla வும் தான் பரம்பரை பணக்காரர்கள் .
சஹாரா மட்டும் இல்லை . மற்றபடி இன்று இருக்கும் பெரிய பெரிய நிறுவனங்கள் எல்லாம் இவ்வளவு பெரிய நிறுவனங்களாக இருப்பதின் பின்னணி யை ஆராய்ந்தால் , திடுக்கிடும் தகவல்கள் வெளிவரும் .
உச்ச நீதிமன்றம் கையிலெடுக்குமா ?

நம்மளை மாதிரி அப்பாவி பொதுஜனங்கள் கண்டும் காணாமல் இருப்பதுதான் நடைமுறை .

ரமணியன்

**ayyasamy ram** · **ayyasamy ram** Sun Sep 04, 2016 1:52 pm

முதலீட்டாளர்களுக்குத் திருப்பி தர குழும நிறுவனங்கள் மூலம் பணம் திரட்டப்பட்டது:
சஹாரா விளக்கம்
-

-
முதலீட்டாளர்களுக்கு ரூ.25 ஆயிரம் கோடி பணத்தை திருப்பி
அளித்தது எப்படி? சஹாரா நிறுவனத்திடம் உச்சநீதிமன்றம்
நேற்று முன் தினம் கேள்வி எழுப்பியிருந்தது.

இந்த கேள்விக்கு பதிலளித்துள்ள சஹாரா குழுமம், பல்வேறு
சொத்துகளில் முதலீடு செய்து வைத்திருந்த கடன் பத்திரங்கள்
மூலமாக பணம் திரட்டப்பட்டது என்று கூறியுள்ளது.
மேலும் முதலீட்டாளர்களுக்கு அளிக்க வேண்டி இருந்ததால்
சஹாரா குழும நிறுவனங்கள் மூலம் பணம் திரட்டப்பட்டது.

இது தொடர்பாக சஹாரா குழுமம் வெளியிட்டுள்ள அறிக்கையில்
தெரிவித்திருப்பதாவது:

சஹாரா நிறுவனத்திற்கு இந்தியா முழுவதும் 5,000 கிளைகள் உள்ளன.
அனைத்து வகையான பரிமாற்றங்களும் இந்த கிளைகள்
மூலமாகத்தான் நடக்கின் றன. சஹாரா நிறுவனத்திற்கு இந்தியா
முழுவதும் கிளைகள் இருப்பதால் முதலீட்டாளர்களுக்கு திருப்பி
அளிப்பதற்கு எளிதாக பணம் திரட்ட முடியும்.

முதலீட்டாளர் களுக்கு பணம் திருப்பி அளிக்கப் பட்டது தொடர்பான
ஆவணங்கள் ஏற்கெனவே உச்சநீதிமன்றத்தில் சமர்ப்பிக்கப்பட்டுள்ளது.
சஹாரா நிறுவனத்தில் முதலீடு செய்தவர் களில் பெரும்பாலானவர்களுக்கு
வங்கிக் கணக்கு இல்லை.

நேரடி யாக பணத்தின் மூலமாகவே முதலீடு செய்திருந்தனர்.
அதனால் அவர்களுக்கு வங்கி மூலமாக இல்லாமல் நேரடியாக பணமாகவே
திருப்பி அளிக்கப்பட்டது. இவ்வாறு சஹாரா வெளியிட்டுள்ள அறிக்கையில்
கூறப்பட்டுள்ளது.

முதலீட்டாளர்களுக்கு திருப்பி அளிக்கப்பட்டது தொடர்பான அனைத்து
ஆவணங்களும் `செபி’-யிடம் ஒப்படைக்கப்பட்டுள்ளது என்று சஹாரா
குழுமத்தின் வழக்கறிஞர் தெரிவித்துள்ளார்
-
-----------------------------------------
தி இந்து

**T.N.Balasubramanian** · **T.N.Balasubramanian** Sun Sep 04, 2016 3:21 pm

50,000/-ரூபாய்க்கு மேல் பரிவர்த்தனை நடந்தால் PAN நம்பர் வேண்டுமே !
ஒவ்வொருவருக்கும் 49999/- கொடுத்து இருப்பார்களோ !
அல்லது எல்லாமே கை நாட்டு கேசுகளா ?
அதிக அளவில் அரசியல்வாதிகளின் பணம் இவரிடம் இருப்பதாக தெரிகிறதே .

ரமணியன்

Sponsored content · Sponsored content

சஹாரா குழுமத்துக்கு ரூ.25,000 கோடி எங்கிருந்து வந்தது? உச்ச நீதிமன்றம் கேள்வி

சஹாரா குழுமத்துக்கு ரூ.25,000 கோடி எங்கிருந்து வந்தது? உச்ச நீதிமன்றம் கேள்வி

Re: சஹாரா குழுமத்துக்கு ரூ.25,000 கோடி எங்கிருந்து வந்தது? உச்ச நீதிமன்றம் கேள்வி

Re: சஹாரா குழுமத்துக்கு ரூ.25,000 கோடி எங்கிருந்து வந்தது? உச்ச நீதிமன்றம் கேள்வி

Re: சஹாரா குழுமத்துக்கு ரூ.25,000 கோடி எங்கிருந்து வந்தது? உச்ச நீதிமன்றம் கேள்வி

Re: சஹாரா குழுமத்துக்கு ரூ.25,000 கோடி எங்கிருந்து வந்தது? உச்ச நீதிமன்றம் கேள்வி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக