மலேசிய செய்திகள்

**சிவா** · **சிவா** Tue Aug 16, 2016 7:42 pm

First topic message reminder :

மீண்டும் புகைமூட்டம் பரவும் வாய்ப்பு!

கோலாலம்பூர் – இந்தோனிசியாவில் பற்றி எரியும் காட்டுத் தீ அணைக்கப்படவில்லை என்றால், அதன் அண்டை நாடுகளில் மீண்டும் புகைமூட்டம் (Haze) பரவும் வாய்ப்பு இருப்பதாக வானிலை ஆராய்ச்சியாளர்கள் தெரிவித்துள்ளனர்.

“தற்போது, தென்கிழக்கு நோக்கி காற்று வீசுகின்றது. ஒருவேளை புகைமூட்டம் ஏற்பட்டால், அது காற்றின் மூலம் அண்டை நாடுகளுக்கு வர வாய்ப்புள்ளது” என்று வானிலை ஆய்வு, தட்பவெட்ப நிலை மற்றும் புவி இயற்பியல் முகமை தெரிவித்துள்ளது.

அம்முகமை நேற்று திங்கட்கிழமை செயற்கைக் கோளின் அடிப்படையில் வெளியிட்ட தகவலின் படி, ரியாவில் ரோகான் ஹிலிர் பகுதியில் சுமார் 54 இடங்களில் காட்டுத் தீ எரிவது கண்டறியப்பட்டுள்ளது.

**சிவா** · **சிவா** Fri Aug 20, 2021 8:09 pm

இஸ்மாயில் சாப்ரி : நாட்டின் 9-வது பிரதமர்!

கோலாலம்பூர் : இன்று பிற்பகல் 2.30 மணியளவில் நடைபெற்ற மலாய் ஆட்சியாளர்கள் சந்திப்புக் கூட்டத்தைத் தொடர்ந்து நாட்டின் 9-வது பிரதமராக இஸ்மாயில் சாப்ரியை மாமன்னர் நியமித்துள்ளார்.

நாளை சனிக்கிழமை பிற்பகல் 2.30 மணியளவில் இஸ்மாயில் சாப்ரி பிரதமராக மான்னரால் பதவிப் பிரமாணம் செய்து வைக்கப்படுவார்.

இன்று பிற்பகல் 2.30 மணிக்குத் தொடங்கிய மலாய் ஆட்சியாளர்கள் மன்றத்தின் கூட்டம் பிற்பகல் 4.30 மணியளவில் நிறைவடைந்தது.

சுமார் 2 மணி நேரக் கூட்டத்திற்குப் பின்னர் மலாய் சுல்தான்களின் கார்கள் ஒன்றன் பின் ஒன்றாக அரண்மனையிலிருந்து வெளியேறின.

நாட்டின் 9-வது பிரதமர் குறித்த முடிவை விவாதிக்க மலாய் ஆட்சியாளர்கள் இன்று கோலாலம்பூரில் மாமன்னரின் தலைமையில் ஒன்று கூடினர்.

பெர்லிஸ், கிளந்தான், ஜோகூர் ஆகிய மாநிலங்களின் சுல்தான்கள் இன்றைய ஆட்சியாளர் கூட்டத்தில் கலந்து கொள்ளவில்லை.

**T.N.Balasubramanian** · **T.N.Balasubramanian** Fri Aug 20, 2021 10:04 pm

இஸ்மாயில் சாப்பிரி அவர்களுக்கு அன்பு மலர்

(மாணிக்கம் நடேசன் அய்யா அவர்களும் இந்த பதவிக்கு போட்டிப்போட போவதாக சொன்னாரே.
நான் கூட அவருக்குதான் எந்தன் ஒட்டு என வேறு கூறி இருந்தேன்.என்னாயிற்று?)

@சிவா

@மாணிக்கம் நடேசன்

**சிவா** · **சிவா** Sat Feb 19, 2022 11:27 pm

மலேசியாவின் சில மாநிலங்களில் வேகமாக நிரம்பும் தீவிரச் சிகிச்சைப் பிரிவுப் படுக்கைகள்

மலேசியாவின் சில மாநிலங்களில், தீவிரச் சிகிச்சைப் பிரிவுகளின் படுக்கைகளில் பாதிக்கும் மேற்பட்டவை நிரம்பிவிட்டன.

நேற்று, அங்கு சுமார் 28,000 பேருக்குப் புதிதாகக் கிருமித்தொற்று உறுதிசெய்யப்பட்டது.

ஜொகூர் மாநிலத்தின் தீவிரச் சிகிச்சைப் பிரிவுகளின் 70 விழுக்காட்டுப் படுக்கைகள் நிரம்பிவிட்டதாக Malay Mail தெரிவித்தது.

மற்ற நோயாளிகள் பிரிவிலும் படுக்கைகள் முற்றிலும் நிரம்பியுள்ளன.

கிளந்தான், பேராக் மாநிலங்களிலும் அதே நிலை நீடிக்கிறது.

தேவையேற்பட்டால், எல்லா நோயாளிகளுக்கும் போதுமான படுக்கைகளுக்கு உடனே ஏற்பாடு செய்யமுடியும் என்கின்றனர் அதிகாரிகள்.

மலேசியாவில் பிள்ளைகளிடையே பத்து விழுக்காட்டுக்கும் சற்று அதிகமானோருக்கு முதல் தடுப்பூசி போடப்பட்டுள்ளதாக Malay Mail அறிக்கை தெரிவித்தது.

இம்மாதத் தொடக்கத்தில், ஐந்திலிருந்து 11 வயது வரையுள்ள பிள்ளைகளுக்குத் தடுப்பூசி போடும் பணி தொடங்கியது.

COVID-19ஐ நிரந்தர நோயாகக் கருதும் நிலைக்குத் தயாராகிறது மலேசியா.

அங்கு, பதின்ம வயதினரில் சுமார் 90 விழுக்காட்டினர் தடுப்பூசி போட்டு முடித்துள்ளனர்.

**T.N.Balasubramanian** · **T.N.Balasubramanian** Sun Feb 20, 2022 9:28 am

Code:: COVID-19ஐ நிரந்தர நோயாகக் கருதும் நிலைக்குத் தயாராகிறது மலேசியா.

எல்லா தேசத்திலும் வெளியே வராத உண்மை இதுதான்.

**சிவா** · **சிவா** Fri Jan 13, 2023 1:00 pm

பிந்துலு பள்ளியில் மாணவிகளை பலாத்காரம் செய்த வழக்கில் ஆசிரியர் கைது

சிபு: பிந்துலு, சபா உள்ள ஒரு பள்ளியைச் சேர்ந்த பல மாணவிகளை பாலியல் பலாத்காரம் செய்த மேல்நிலைப் பள்ளி ஆசிரியர் தாய்லாந்தில் காவல்துறையினரால் கைது செய்யப்பட்டு மீண்டும் மலேசியாவுக்கு நாடு கடத்தப்பட்டார்.

Bintulu OCPD Suppt Batholomew Umpit வெள்ளிக்கிழமை (ஜனவரி 13) ஒரு அறிக்கையில், சந்தேக நபர் ஜனவரி 12 அன்று பிந்துலுவில் உள்ள நீதிமன்றத்திற்கு அழைத்து வரப்பட்டதாகக் கூறினார். சந்தேகநபர் ஐந்து நாட்களுக்கு விளக்கமறியலில் வைக்கப்பட்டுள்ளதாக உம்பிட் தெரிவித்தார்.

அவர் மீண்டும் ஜனவரி 16 ஆம் தேதி நீதிமன்றத்தில் ஆஜர்படுத்தப்படுவார். மேலும் அவர் மீது குற்றம் சாட்டப்படும் என்று அவர் கூறினார். சந்தேக நபர் மீது குற்றவியல் சட்டத்தின் பிரிவு 376 (சட்டரீதியான கற்பழிப்பு) மற்றும் பிரிவு 14 (ஏ) மற்றும் 15 (ஏ) பாலியல் குழந்தைகளுக்கு எதிரான குற்றங்கள் சட்டம் 2017 (AKSTK).

குற்றவியல் சட்டத்தின் பிரிவு 376 ஐந்தாண்டுகளுக்கு குறையாத மற்றும் 20 ஆண்டுகளுக்கு மிகாமல் சிறைத்தண்டனை அளிக்கிறது. பிரிவு 14(a) AKSTK, 20 ஆண்டுகளுக்கு மிகாமல் சிறைத்தண்டனை மற்றும் பிரம்படி வழங்குகிறது அதே சமயம் பிரிவு 15(a) க்கு 10 ஆண்டுகளுக்கு மிகாமல் சிறைத்தண்டனை அல்லது RM20,000 அபராதம் அல்லது இரண்டும் விதிக்கப்படும்.

தகவல்களின்படி, கிளந்தானை சேர்ந்த ஆசிரியர், கடந்த ஆண்டு ஆகஸ்ட் மாதத்தில் இந்தக் குற்றங்களைச் செய்ததாகக் கூறப்படுகிறது

**T.N.Balasubramanian** · **T.N.Balasubramanian** Fri Jan 13, 2023 1:29 pm

கேட்கவே கஷ்டமாக இருக்கிறது. உலகளாவிய கூற்றாக உள்ளதே.
அந்த காலத்திலும் இருந்துமிருக்கலாம் . ஊடகங்கள் அதிக அளவில்
பிரபல படுத்துகின்றனவோ!

முன்பு ஆந்திர ஆளுநராக இருந்த வயது முதிர்ந்த (இளைஞர்) பற்றிய
செய்தி பிரபலாமாகி இருந்தது .

**சிவா** · **சிவா** Thu Feb 02, 2023 12:16 am

சுங்கை பூலோ சிறையில் கைதிகள் நெரிசல்

மலேசியாவின் மிகப் பெரிய சிறைச்சாலையாக திகழும் சுங்கை பூலோ சிறையில் தற்போது 2,000 த்திற்கும் மேற்பட்ட கைதிகள் உள்ளனர். தற்போது அந்த எண்ணிக்கை அதிகரித்துள்ளதால் சிறையில் நெரிசல் ஏற்பட்டிருப்பதாக பிரதமர் துறையின் துணையமைச்சர் ராம்கர்ப்பால் சிங் தெரிவித்தார்.

அந்த சிறையில் 2,500 கைதிகள் மட்டுமே இருக்க முடியும். சட்ட மற்றும் இயங்கங்களின் சீரமைப்புக்கான துணையமைச்சருமான ராம்கர்ப்பால் சிங் திங்கட்கிழமை சுங்கை பூலோ சிறைச்சாலையை பார்வையிட்டார்.

**சிவா** · **சிவா** Thu Feb 02, 2023 12:21 am

தமிழ்ப் பள்ளிகளின் பிரச்சனைகள் கல்வி துணையமைச்சரின் கவனத்துக்கு கொண்டு செல்லப்பட்டது ; குலசேகரன்

குறைவான மாணவர்களைக் கொண்ட தமிழ்ப்பள்ளிகளில் , இரு வகுப்பறைகளை ஒன்றாக இணைத்து Kelas Cantuman எனப்படும் பன்மை வகுப்புகளை நடத்தும் திட்டம் நல்லத்தல்ல என கூறியிருக்கிறார் ஈப்போ பாராட் நாடாளுமன்ற உறுப்பினர் எம். குலசேகரன் .

அந்த பன்மை வகுப்புகளால் மாணவர்களின் கற்றல் கற்பித்தல் நடவடிக்கைகள் தான் பாதிக்கப்படுமென அவர் கூறினார்.

இதனிடையே, நாட்டில் தமிழ்ப் பள்ளிகளின் நிலை குறித்து அறிய , தமது தரப்பை கல்வி துணையமைச்சர் Lim Hui Ying அழைத்து, விபரங்களை கேட்டறிந்திருப்பதாக குலசேகரன் கூறினார்.

கிள்ளான் நாடாளுமன்ற உறுப்பினர் வி. கணபதிராவ், புந்தோங் சட்டமன்ற உறுப்பினர் துளசி மனோகரன், தமிழ் அறவாரியத்தைச் சேர்ந்தவர்கள் ஆகியோருடன் அந்த சந்திப்பு நடத்தப்பட்டதாக அவர் கூறினார்.

அந்த சந்திப்பின்போது, தமிழ்ப்பள்ளிகளின் கட்டட பிரச்சனை, கணிதத்தையும் அறிவியலையும் ஆங்கிலத்தில் போதிக்கும் DLP திட்டம் , ஆசிரியர் பற்றாக்குறை, வரவு செலவுத் திட்டத்தில் தமிழ் பள்ளிகளுக்கான ஒதுக்கீடு ஆகியவை குறித்து துணையமைச்சருக்கு எடுத்து கூறப்பட்டதாக குலசேகரன் குறிப்பிட்டார்.

வணக்கம் மலேசியாவிற்கு வழங்கிய சிறப்பு நேர்காணலில் குதமிழ்ப் பள்ளிகளின் பிரச்சனைகள் கல்வி துணையமைச்சரின் கவனத்துக்கு கொண்டு செல்லப்பட்டது ; குலசேகரன் இந்த விபரங்களை வழங்கினார்.

**Dr.S.Soundarapandian** · **Dr.S.Soundarapandian** Thu Feb 02, 2023 1:42 pm

**சிவா** · **சிவா** Thu Feb 02, 2023 8:54 pm

பிற மத சடங்குகளில் முஸ்லீம்கள் கலந்து கொள்ளத் தடை ;ஜோகூர் சுல்தான் இணக்கம்

ஜோகூர் பாரு பிப் 2 – பிற மத சடங்குகளில், முஸ்லீம்கள் கலந்து கொள்வதற்கு தடை செய்யும் உத்தரவுக்கு, ஜோகூர் சுல்தான் Sultan Ibrahim Ibni Almarhum Sultan Iskandar இணக்கம் தெரிவித்திருக்கின்றார்.

ஜோகூர் சுல்தான் அந்த இணக்கத்தை தந்திருப்பதாக, மாநில சமய விவகார செயற்குழுவின் தலைவர் Mohd Fared Mohd Khalid தெரிவித்தார்.

அந்த உத்தரவின் படி, முஸ்லீம்கள், வழிபாட்டுத் தளங்கள் உட்பட இதர இடங்களில் மேற்கொள்ளப்படும் முஸ்லீம் அல்லாதவர்களின் சடங்குகளில் கலந்து கொள்ள தடை விதிக்கப்படுகிறது.

எனினும், முஸ்லீம்கள் , பிற இனத்தவர் நடத்தும் பொது உபசரிப்புகள் போன்ற நிகழ்ச்சிகளில் கலந்து கொள்ளலாம். ஆனால், சமய நம்பிக்கையுடன் தொடர்புடைய சடங்குகளில் பங்குபெறக் கூடாது.

அதோடு அந்த தடையின்படி, நிகழ்ச்சிகளை ஏற்பாடு செய்யும் முஸ்லீம் அல்லாதவர்கள் , கூட்டரசு மதமாகவும், ஜோகூர் மாநிலத்தின் அதிகாரப்பூர்வ மதமாகவும் விளங்கும் இஸ்லாம் மதத்திற்கு ஏற்ப, முஸ்லீம்களின் உணர்வுகளை மதித்து நடந்துக் கொள்ள வேண்டுமெனவும் குறிப்பிடப்பட்டுள்ளது.

Sponsored content · Sponsored content

மலேசிய செய்திகள்

மலேசிய செய்திகள்

Re: மலேசிய செய்திகள்

Re: மலேசிய செய்திகள்

Re: மலேசிய செய்திகள்

Re: மலேசிய செய்திகள்

Re: மலேசிய செய்திகள்

Re: மலேசிய செய்திகள்

Re: மலேசிய செய்திகள்

சுங்கை பூலோ சிறையில் கைதிகள் நெரிசல்

Re: மலேசிய செய்திகள்

Re: மலேசிய செய்திகள்

Re: மலேசிய செய்திகள்

Re: மலேசிய செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக