நம் தமிழை முறையாக அறிவோமே !

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:  

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.  

நாள் + கோள் = நாள்கோள்  நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.  

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

 கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று  

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.


காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

தாக்கல் செய்யப்பட்டது , பதிவு செய்யப்பட்டது - எது சரி ?

வேட்பு மனு தாக்கல் செய்தார் என்று பத்திரிகைகளில் படிக்கிறோம் .

"தாக்கல் " என்ற சொல்லுக்கு " அடித்தல் " அல்லது " மோதுதல் " என்று பொருள் .

திருடன் போலீஸ்காரரைத் தாக்கினான் என்று செய்தித்தாள்களில் படிக்கிறோம் .

எனவே

" வேட்புமனு பதிவு செய்தார் " என்று கூறவேண்டும் .

காலம்பற , காலம்பெற - எது சரி ?

காலம்பற எழுந்து , வாசல் தெளித்து , கோலம் போடவேண்டும் .

காலம்பெற எழுந்து , வாசல் தெளித்து , கோலம் போடவேண்டும் .

காலம்பெற = விடியற்காலை என்று பொருள் .

எனவே இரண்டாவது வாக்கியமே சரி .

ஏமாந்தான் , ஏமாறினான் - எது சரி ?

ஏமாந்தான் = மகிழ்ந்தான் என்று பொருள் .

மாந்தினான் = குடித்தான்

கள் மாந்தினான் என்றால் கள் குடித்தான் என்று பொருள்.

எனவே

ஏமாறினான் / ஏமாறிப் போனான் / ஏமாற்றமடைந்தான்

என்று எழுதுவதே பொருத்தமானது .

" கம்பன் ஏமாந்தான் ! " என்ற சினிமாப் பாட்டில் உள்ள தவறைக் காண்க !

அருமையான திரி ஐயா, தொடருங்கள் ..................

யினியவன் wrote:இரகசியம் சொல்லலாம்
இரகசியம் என்று சொல்லி
சொல்லுதல் கூடாது

அது சரி ...............

M.Jagadeesan wrote:செல்வர் , செல்வந்தர் - எது சரி ?

செல்வரைக் குறிக்கும் வடசொல் தன்வந்த என்பது.

அதை தனவந்தர் என்று கூறுவதில் இருந்து மருவி வந்தது செல்வந்தர்.

எனவே செல்வர் என்பதே சரி .

அப்போ, 'போகிறார்கள்' என்று பொருள் பட நாம் சொல்லும் வார்த்தையும் ...."செல்வர்" தானே ஐயா?..............இரண்டுக்கும் ஒரே வார்த்தையா?.....கொஞ்சம் விளக்குங்களேன்!

M.Jagadeesan wrote:காலம்பற , காலம்பெற - எது சரி ?

காலம்பற எழுந்து , வாசல் தெளித்து , கோலம் போடவேண்டும் .

காலம்பெற எழுந்து , வாசல் தெளித்து , கோலம் போடவேண்டும் .

காலம்பெற = விடியற்காலை என்று பொருள் .

எனவே இரண்டாவது வாக்கியமே சரி .

'காலம்பற' என்பது 'காலம்பெற' மருவு என்றே நினைக்கிறேன் ஐயா

krishnaamma wrote:

M.Jagadeesan wrote:செல்வர் , செல்வந்தர் - எது சரி ?

செல்வரைக் குறிக்கும் வடசொல் தன்வந்த என்பது.

அதை தனவந்தர் என்று கூறுவதில் இருந்து மருவி வந்தது செல்வந்தர்.

எனவே செல்வர் என்பதே சரி .

அப்போ, 'போகிறார்கள்' என்று பொருள் பட நாம் சொல்லும் வார்த்தையும் ...."செல்வர்" தானே ஐயா?..............இரண்டுக்கும் ஒரே வார்த்தையா?.....கொஞ்சம் விளக்குங்களேன்!

மேற்கோள் செய்த பதிவு: 1211643

தமிழில் ஒரு சொல் பல பொருளைக் குறிக்கும் .

அரி = நாராயணன்

அரி = வெட்டு

மனைவி சமையலுக்குக் காய் அரிந்தாள் .

எனவே அரி என்ற சொல்லுக்கு இரு பொருள் உண்டு .

கடி = பல்லைக் கடித்தல்

கடி = காவல் , திருமணம்

இதுபோல செல்வர் என்ற சொல்லுக்கு பணக்காரன் என்றும் , எழுந்து செல்லுதல் என்றும் பொருள் உண்டு .

krishnaamma wrote:

M.Jagadeesan wrote:காலம்பற , காலம்பெற - எது சரி ?

காலம்பற எழுந்து , வாசல் தெளித்து , கோலம் போடவேண்டும் .

காலம்பெற எழுந்து , வாசல் தெளித்து , கோலம் போடவேண்டும் .

காலம்பெற = விடியற்காலை என்று பொருள் .

எனவே இரண்டாவது வாக்கியமே சரி .

'காலம்பற' என்பது  'காலம்பெற' மருவு என்றே நினைக்கிறேன் ஐயா

மேற்கோள் செய்த பதிவு: 1211644

நீங்கள் சொல்வது சரிதான் . ஆனால் எல்லோரும் காலம்பற என்றுதானே சொல்கிறார்கள் . இது பேச்சு வழக்கில் உள்ள சொல் . எழுத்து வழக்கில் வைகறை என்றும் விடியற்காலை என்றும்தான் எழுதுகிறார்கள் .

M.Jagadeesan wrote:

தமிழில் ஒரு சொல் பல பொருளைக் குறிக்கும் .

அரி = நாராயணன்

அரி = வெட்டு

மனைவி சமையலுக்குக் காய் அரிந்தாள் .

எனவே அரி என்ற சொல்லுக்கு இரு பொருள் உண்டு .

கடி = பல்லைக் கடித்தல்

கடி = காவல் , திருமணம்

இதுபோல செல்வர் என்ற சொல்லுக்கு பணக்காரன் என்றும் , எழுந்து செல்லுதல் என்றும் பொருள் உண்டு .

மேற்கோள் செய்த பதிவு: 1211657

நன்றி ஐயா, தமிழில் ஒரு சொல் பல பொருளைக் குறிக்கும் என்று தெரியும் என்றாலும் இந்த சொல்லைப் பற்றி இப்போது தான் கேள்விப்படுகிறேன் ............விளக்கத்துக்கு நன்றி ஐயா !....