கும்பிட்ட விஜய்… உருகிய டி.ஆர்.,!

தீபாவளிக்கு சீறிப்பாயத் தயாராகிக் கொண்டிருக்கிறது
“புலி’. ரசிகர்களின் பல்ஸ் அறிய ரெண்டுவரிப் பாடலை
மட்டும் இணையத்தில் உலவவிட்டதில், அது எக்குத்
தப்பாய் ஹிட்ஸ் அடிக்க, டோட்டல் டீமே செம ஹேப்பி.
–
அதே குஷி மூடோடு மொத்த இசையையும் வெளியிட்டுள்ளனர்.
இப்போது யூத்களின் செல்ஃபோனில் ரிங்டோனாய் ஒலித்துக்
கொண்டிருப்பது டி.எஸ்.பி.யின் பீட்ஸ் தான்.
“புலி’ இசை வெளியீட்டு விழாவில், இருந்து சில துளிகள்…
–
* சினிமா நிகழ்ச்சிகள் வழக்கமாக நடக்கும் அரங்கங்களைத்
தவிர்த்துவிட்டு மகாபாலிபுரம் அருகே உள்ள ரிசார்ட் ஒன்றின்
பிரமாண்ட ரங்கில் இசை வெளியீடு நடத்தப்பட்டது.
–
இந்தப் படத்துல எல்லாமே புதுசா இருக்கணும் என்கிற
விஜய்யின் அக்கறையே இந்த இடமாற்றத்துக்கும் காரணம்.
–
* சென்னை நகரில் தொடங்கி மகாபலிபுரம் வரை கிழக்கு
கடற்கரைச் சாலை வழி நெடுகிலும் பேனர்கள் வைத்து
திக்குமுக்காடச் செய்துவிட்டனர் விஜய் ரசிகர்கள்.
–
* மாலை 6 மணிக்கு நிகழ்ச்சி தொடங்கியது. ஆனால்
3 மணிக்கே அரங்கத்துக்கு வந்து ஏற்பாடுகளைப்
பார்வையிட்ட விஜய், சரியாக 4 மணிக்கெல்லாம் வாசலில்
நின்று வி.ஐ.பி.கள், பத்திரிகையாளர்கள், ரசிகர்கள் என
வந்தவர்களை அவரே வரவேற்று மகிழ்ந்தார்.
–
* வழியெங்கும் சிவப்புக் கம்பளம் விரிக்கப்பட்டு இரண்டு
புறமும் போர் வீரர்கள் வரிசையாக நின்று வரவேற்றனர்.
-*
அடுத்த படத்தில் போலீஸ் கேரக்டர் செய்கிறார் விஜய்.
அதற்காக தலைமுடியை ஷார்ட்டாக வெட்டி, டிரிம்மான
போலீஸ் ஆஃபீஸராக மாறி இருந்தார். இதனால் விழா
அரங்கில் பலருக்கு சட்டென்று விஜய்யை அடையாளம்
தெரியவில்லை. திடீரென்று நெருக்கமான
பத்திரிகையாளர்களை பின்னால் இருந்து வந்து
கட்டியணைத்துக் கொண்டு, “அண்ணா, நான்தான் விஜய்.
அடையாளம் தெரியலியா’ என்று வெடித்துச் சிரித்து இன்ப
அதிர்ச்சி தந்தார்.
–
* ஸ்ரீதேவி, ஸ்ருதிஹாசன், ஹன்ஸிகா, நந்திதா,
தம்பி ராமையா, தெலுங்கு காமெடியன் அலி என ஒட்டு
மொத்த புலி டீமும் ஆஜராகி இருந்தது. வில்லனாக
நடித்துள்ள சுதீப் மட்டும் மிஸ்ஸிங்.
–
* விஜய்க்கு அருகே அவரது மனைவி சங்கீதா அமர்ந்து
கொண்டிருந்தார். ஹன்ஸிகா வந்தவுடன், அவரை விஜய்
அருகில் அமரச் சொல்லிவிட்டு பின் வரிசைக்குச் சென்று
அமர்ந்து கொண்டார்.
–
* புலி படத்தின் கிராஃபிக்ஸ் வேலைகள் 210 இடங்களில்
நடந்து கொண்டிருக்கிறது என்று சொல்லி ஆச்சரியப்
படுத்தினார் இயக்குனர் சிம்பு தேவன். அவர் ஒரு ஓவியர்
என்பதால் மொத்தப் படத்தையும் வரைந்து காட்டி
விட்டதால் கிராஃபிக்ஸ் செய்பவர்களுக்கு வேலை
ரொம்பவே சிம்பிளாகிவிட்டதாம்.
–
* ராஜா ராணி கதையில் நடிக்கணும் என்பது விஜய்யின்
நீண்ட நாள் ஆசையாம். அது இப்பதான் நிறைவேறியிருக்கு
என்று சந்தோஷப்பட்டுக் கொண்டார் விஜய்.
–
* ஸ்ரீதேவியின் மகள்களுக்கு விஜய்யை ரொம்பப் பி
டிக்குமாம். “என் மகள்களுக்காகத்தான் முதலில் இந்தப்
படத்தில் நடிக்க சம்மதிச்சேன். விஜய் கேரியர்ல இது வேற
மாதிரியான படம்’ என்று சிலாகித்தார் ஸ்ரீதேவி.
–
* மேடையில் பேசும்போது முழுக்கவே தமிழில் பேசி
அசத்தினார் ஹன்ஸிகா.
–
* நிகழ்ச்சியின் மொத்த கவனத்தையும் தன் பக்கம்
இழுத்துக் கொண்டவர் டி. ராஜேந்தர். மேடையிலேயே
எமோஷனலாகி, சிம்புவின் “வாலு’ படம் வெளியிட
விஜய் செய்த உதவிகளைச் சொல்லிக் கண்கலங்கினார்.
தொடர்ந்து விஜய்யைப் புகழ்ந்து தள்ள உட்கார்ந்த இடத்தில்
இருந்தே “போதும்ணா’ என வெட்கத்துடன் கும்பிடு
போட்டார் விஜய். அதை கண்டுகொள்ளாமல் தொடர்ந்து புகழ,
எழுந்துநின்று கும்பிட்டார் விஜய். அப்படியும்
டி.ஆர். நிறுத்தாததால் மேடைக்கே வந்து அவருக்கு சால்வை
அணிவித்து அப்படியே அழைத்து வந்துவிட்டார்.
அரங்கமே சிரிப்பில் அதிர்ந்த தருணம் அது.
–
—————————————-

– நிஷாந்த்
குமுதம்

பாடல்கள் அனைத்தும் சுமார் ராகம் தான் போங்க