எனக்கு எந்த அடையாளமும் தேவையில்லை!--ஜெயம்ரவி

ரொமான்டிக் ஹீரோவாக “ரோமியோ ஜூலியட்’ படத்தில்
ஹன்சிகாவோடு அலம்பல் செய்த ஜெயம்ரவி தற்போது
“சகலகலாவல்லவனி’ல் காமெடி சரவெடியாக த்ரிஷா,
அஞ்சலியோடு கலகலக்க வைக்கிறார்.
படத்தை முடித்துவிட்டு ரிலீசுக்குத் தயாராக இருந்தவரிடம்
பேசினோம்.
–
“ரோமியோ ஜூலியட்’டில் ரெண்டு ஜோடி போல “சகலகலாவல்லவனி’லும் த்ரிஷா, அஞ்சலி. ரெண்டு ஜோடி சென்டிமென்டா? த்ரிஷாவை நீங்கதான் செலக்ட் பண்ணிங்களாமே?
இதுக்குக்கூட சென்டிமென்ட் பார்த்தா அப்புறம் எல்லாப் படத்திலேயும் ரெண்டு ஹீரோயின் போர் அடிச்சுடும். அது காரணமில்லை. த்ரிஷா, அஞ்சலி ரெண்டு கான்ட்ராஸ்ட் கேரக்டர் கதைக்குத் தேவைப் பட்டது. ரெண்டு பேரும் ரொம்ப நல்லா பண்ணியிருக்காங்க. த்ரிஷா செலக்ஷன் இயக்குநர் சாய்ஸ். அதில் நான் தலையிடுவதில்லை.
–
த்ரிஷா, அஞ்சலி.. யாருக்கு முக்கியத்துவம்?
ரெண்டு பேருக்கும் ஈக்வல் கேரக்டர்தான். முக்கியத்துவம்னா அந்தந்த கேரக்டர் அந்தந்தக் காட்சியில் முக்கியத்துவமா தெரிவாங்க. த்ரிஷா சிட்டி கேர்ள், வில்லேஜூக்கு காஜ்ட்ராஸ்டா இருக்கிற கேரக்டர். அஞ்சலி வில்லேஜ் கேர்ள். ரொம்ப சாப்ட், அப்படி ஒரு அடக்கம்.
–
த்ரிஷா, அஞ்சலி – யாரோட அதிகமா கெமிஸ்ட்ரி ஒர்க்அவுட் ஆகியிருக்கு?
அது எந்தெந்த இடத்துல எதுலாம் ஒர்க்அவுட் ஆகணுமோ அங்கெங்கெல்லாம் ஆகியிருக்கு.
–
முதலில் சாக்லெட் பாயா வந்தீங்க. அப்புறம் ஆக்ஷன் ஹீரோ. வருங்காலத்தில் ஜெயம்ரவியை எப்படிப் பார்க்கலாம்?
இந்த மாதிரிதான் பண்ணணும் என்கிற ஐடியாவே இல்லாமல் எல்லாம் கலந்துகட்டி பண்ணணும்ங்கறதுதான் என் பாணி. ஒரே மாதிரி கேரக்டரில் நடித்தால் எனக்கும் போர் அடிக்கும் ஆடியன்ஸுக்கும் போர் அடிக்கும். அதனால இப்ப நடிக்கிற மூணு படங்களும் ஒவ்வொரு டைப்பானது. சகலகலாவல்லவன் ஃபுல் காமெடி. தனி ஒருவன் சீரியஸ் என்டர்டெய்னர் படம். நாய்கள் ஜாக்கிரதை இயக்குநர் சக்திராஜன் இயக்கும் படம் ஹார்ரர் த்ரில்லர் படம்.
–
சகலகலாவல்லவன் கமல் பட டைட்டில். இதுவும் கமல் படம் மாதிரி இருக்குமா? கதை என்ன?
கொஞ்சம் கூட கமல் சகலகலாவல்லவன் மாதிரி இருக்காது. ஒரு கிராமத்தில் எதிரெதிரான எண்ணம் கொண்ட இரண்டு குடும்பங்களுக்குள் நடக்கும் சம்பவங்கள்தான் கதை. சூரி குடும்பம் காமெடியான, ஜாலியான குடும்பம். எங்க குடும்பத்தைச் சேர்ந்தவங்க, எதையும் சீரியஸா எடுத்துப்பாங்க. ஒரு ஊர் சம்பவங்களில் ஏற்படும் பிரச்னைகளில் கதை தொடங்குகிறது. அதுக்கிடையில் அஞ்சலிக்கும் எனக்கும் லவ் டிராக். இன்னொரு பக்கம் த்ரிஷா லவ் டிராக். பைனலா, கஷ்டப்பட்டு மெஸேஜ் சொல்லாமல் காமெடியா தியேட்டரில் இருக்கிற எண்ணமே இல்லாமல் ஆடியன்ஸ் ரசிக்கிற மாதிரி இருக்கும்.
–
உங்க கேரக்டர் என்ன?
பிரபு மகன் சக்தியா வர்றேன். ஊர்ல நடக்கிற எல்லா எலக்ஷன்கலயும் பிரபுதான் ஜெயிப்பார். அவரோட எல்லா புகழுக்கும் சொத்துக்கும் நான்தான் வாரிசு. அப்ப ஊரார் கண் என்மேல விழும். கிராமத்துப் பெண் அஞ்சலி, மார்டன் கேர்ள் த்ரிஷா ஆகியோருக்குள் என்னைக் காதலிக்கப் போட்டி. இதில் யாரை நான் தேர்ந்தெடுக்கிறேன் என்பதே திரைக்கதை. முழுசா சொல்ல முடியாது.
–
ஷூட்டிங் எங்கெங்க நடந்தது?
பொள்ளாச்சி, குற்றாலம் பகுதிகள்ல ரொம்ப அழகான வில்லேஜை காட்டியிருக்கிறோம். நாங்க ஷூட் பண்ணபோது சீசன் ரொம்ப பசுமையா இருந்தது. கேமராமேன் யு.கே. செந்தில்குமார் வளைச்சி வளைச்சி படம்பிடித்திருக்கிறார். படத்தின் காமெடியை விட இயக்குநர் கராஜும் சூரியும் ஷூட்டிங் ஸ்பாட்டில் அடித்த லூட்டி வயிறு வலி வந்து விட்டது. அதே மூடுல நடிச்சிருக்கோம். அப்ப படம் எப்படி இருக்கும்னு பார்த்துக்குங்க. ரொம்ப என்ஜாய் பண்ணுவீங்க.
–
காமெடிக்கு முக்கியத்துவம் இருக்கிறதுனால ஆக்ஷன், ரொமான்ஸ் இருக்காதா?
அதுவும் இருக்கு. தேவையான இடத்துல தேவையான அளவுக்கு ஆக்ஷன், ரொமான்ஸ் இருக்கு. கொஞ்சமே ஆனாலும் அதிரடி ஆக்ஷனா இருக்கும்.
–
தமிழ் சினிமாவில் இதுபேய் படங்களின் சீசன், பேய் படங்களில் நடிப்பீர்களா?
நான் எப்பவுமே பேய் படம், நாய் படம்னு பிரித்துப் பார்க்க மாட்டேன். கதையைத்தான் பார்ப்பேன். அதனால்தான் என்னால் வெரைட்டியான படங்களில் நடிக்க முடியுது. தில்லாலங்கடியும் பண்ண முடியுது. பேராண்மையும் பண்ண முடியுது. ஆதிசிவமும் பண்ண முடியுது.
–
ஐ படத்தில் விக்ரம் கெட்-அப்பை மாற்றி நடித்த மாதிரி நடிப்பீங்களா?
அதுக்குத்தான விக்ரம் இருக்காரே. அவரே நல்லா நடிக்கிறாரே. நான் வேற எதுக்கு? என் வழி எந்தக் கட்டுப்பாடும் இல்லாமல் நடிப்பது. கதைக்கு முக்கியத்துவம் கொடுப்பதுதான்.
–
நிறைய படங்கள் வருகிறது. தியேட்டர் கிடைப்பதில்லை. மூன்று நாள் ஓடினாலே வெற்றிப்படம் என்கிற நிலை. இது பற்றி என்ன நினைக்கிறீங்க?
இது ஒட்டுமொத்த சினிமா இன்டஸ்ட்ரியும் சேர்ந்து முடிவெடுக்க வேண்டிய பிரச்னை. தனி ஒருவராகவோ, தனி ஒரு குழுவாகவோ முடிவெடுத்தா தப்பா போயிடும். படங்கள் முன்னே நூறு நாள் ஓடினாதான் வெற்றிப்படமா இருந்தது. இப்ப அப்படி இல்லை. நிறைய தியேட்டர்களில் ரிலீஸ் செய்றாங்க. ரெண்டு வாரம் ஓடினாலே அந்த கலெக்ஷன் வந்திடுது. அந்தளவுக்கு மக்கள் பார்த்திடுறாங்க. எல்லா கணக்கும் ஒண்ணுதான்.
–
நடிகர் சங்கப் பிரச்னையில் நீங்க எந்த பக்கம்?
நான் நியாயத்தின் பக்கம்.
–
இவ்வளவு தந்திரமா பதில் சொல்றீங்களே எதிர்காலத்துல அரசியலுக்கு வருவீர்களா?
நான் ஏற்கெனவே அரசியல்ல இருக்கேங்க. இந்திய பிரஜையா பிறந்தாலே அரசியல்வாதிதான். வோட்டுப்போடறேன்ல. ஒரு அரசியல் பார்வையில்லாமலா இருப்பேன்.
–
————————————
– பொன். மூர்த்தி
கல்கி :

ayyasamy ram wrote:
இவ்வளவு தந்திரமா பதில் சொல்றீங்களே எதிர்காலத்துல அரசியலுக்கு வருவீர்களா?
நான் ஏற்கெனவே அரசியல்ல இருக்கேங்க. இந்திய பிரஜையா பிறந்தாலே அரசியல்வாதிதான். வோட்டுப்போடறேன்ல. ஒரு அரசியல் பார்வையில்லாமலா இருப்பேன்.
–
————————————
– பொன். மூர்த்தி
கல்கி :

மேற்கோள் செய்த பதிவு: 1157127
நல்ல பதில்