பஹாமாஸ் -கடல் வழிச்செலவு

**T.N.Balasubramanian** · **T.N.Balasubramanian** Mon Jun 23, 2014 7:14 pm

First topic message reminder :

பஹாமாஸ் -கடல் வழிச்செலவு

சஹானா சாரல் தூவுதோ என்று பாடிக்கொண்டே , வீட்டினுள் ஆனந்த் (மகன் )நுழைந்தான் .
பஹாமாஸ் நம்மை அழைத்ததோ ? என்று அவனை வரவேற்றேன் .

என்ன திவ்யா (பேத்தி )எல்லாத்தையும் சொல்லிடுத்தா ? என்றான் .
திவ்யா (10 வயது ) ரகசியம் என்று கூறி எல்லா விஷயத்தையும் கூறி விடுவாள் .
கடந்த முறை வந்த போது ஒரு சித்திரம் வரைந்து , ரகசியம் -என்று கூறி , கண் எதிரிலேயே ,
எங்கள் பெட்டியில் வைத்து ஊருக்கு போய் பார்க்கவும் என்றவள் ,
படத்தில் உங்கள் இருவர் படமும் இருக்கிறது வரைந்து இருக்கிறேன்
ஊருக்கு போய் பார்க்கணும் என்று கூறி , பெட்டியில் இருந்து எடுத்து காண்பித்து
அழகாக வரைந்து இருக்கேனா ,தாத்தா ? என்று கேட்டவள், உடைத்த குட்டுதான் இதுவும்.

பஹாமாஸ் எங்கே இருக்கு ? எப்போ போறோம் ? என்று ,மனைவி வினவ ,
டல்லஸ்(டெக்சாஸ் ) சிலிருந்து தென் கிழக்கே ப்ளோரிடா மாகாணத்தில் மியாமி கடற்கரை இருக்கிறது . அங்கெ இருந்து தெற்கு நோக்கி போனால் கரிபியன் தீவுகள் , வட அட்லாண்டிக் சமுத்திரத்தில் பல தீவு கூட்டங்கள் இருக்கின்றன . செயின்ட் மார்டீன் ,செயின்ட் தாமஸ் , பஹாமாஸ் முதலிய தீவுகள் உண்டு. அலை இல்லா ஆழமில்லா சுத்தமான கடல். மீன்கள் கிளிஞ்சல்கள் அழகிய கூழாங்கற்கள் நீரின் அடியில் கண்ணுக்குத் தெரியும் . கேட்டால் ஏதோ மாதிரி இருக்கும். ஆனால் பார்க்க பார்க்க பார்த்துக்கொண்டே இருக்க மாட்டோமா என்று இருக்கும் .
ஜூன் 7 , சனி அன்று கிளம்பி ஜூன் 14 தேதி திரும்புவோம் சனிக்கிழமை கிளம்பி மறு சனிக்கிழமை
வரை கடல் வாசம் என்றான் ஆனந்த்.
8 நாட்கள் படகுலே என்ன பண்ணறது ,வெயில் ,மழை, காத்து ஹூஹ்மும் நான் வரவில்லை என்று
கூறிவிட்டாள் , மனைவி.

பஹாமாஸ் -கடல் வழிச்செலவு - Page 8 SBjxqaldR2MDqe8IbH4t+Norwegian_Getaway_2014-01-11

பஹாமாஸ் -கடல் வழிச்செலவு - Page 8 SBjxqaldR2MDqe8IbH4t+Norwegian_Getaway_2014-01-11

படகு இல்லை, அம்மா,புதிய கப்பல் , மொத்தம் 16 அடுக்கு மாளிகை , தனி தனி ரூம் , 4000 பேர் பயணிக்கலாம் , கப்பலை சரியான முறையில் கொண்டு செல்ல கேப்டன் (விஜயகாந்த் இல்லை ) , டீம் ,சமையல் ,ரூம்களை ,வசதிகளை சரிபார்க்க ஆட்கள் என 1680 பேர்கள். 8 நாளில் 3 நாட்களில் மூன்று தீவுகள் , நாள் முழுதும் விளையாட்டு போட்டிகள் முதலியன , 8 நாள் போய் விட்டு வந்து திரும்பவும் போலாமா என்று கேட்பாய் என்று கூற , ஓகே ஆனது.
இதன் நடுவே பஹாமாஸ் இறங்கி சுற்றிப் பார்க்க , விசா வேண்டி , எங்கள் பாஸ்போர்ட் அனுப்பவேண்டிய அவசியம் . மயாமியில் அவர்கள் தூதரகத்துக்கு அனுப்பி ,திரும்பி பெற 12 நாட்கள் . போதிய அவகாசம் இருந்தது . அமெரிக்க பிரஜையான மகன், மருமகள் ,பேத்திக்கு பஹாமாஸ் போக விசா அவசியம் இல்லை. அங்கிகரிக்கப்பட்ட போட்டோ id இருந்தால் போதுமானது .

எல்லா ஏற்பாடுகளும் நல்ல முறையில் நடந்து கொண்டு இருக்கும் நிலையில் , நடக்கக்கூடாதது , நடந்தது.--
மனம் போன போக்கிலே ,கால் போகலாமா என்ற கவிஞர் வரிகள் நினைவில் உசலாடியது.

(கப்பல் மேலும் முன்னேறும் )

ரமணியன்

**T.N.Balasubramanian** · **T.N.Balasubramanian** Fri Jul 25, 2014 7:07 am

krishnaamma wrote:இன்று தான்படித்தேன் ஐயா அருமையான நடை, தொடருங்கள் படிக்க காத்திருக்கோம்

மேற்கோள் செய்த பதிவு: 1075470

உங்களுடைய உள்நாட்டு புனித யாத்திரை நன்றாக உள்ளது .

ரமணியன்

**விமந்தனி** · **விமந்தனி** Fri Jul 25, 2014 1:15 pm

T.N.Balasubramanian wrote:
M.M.SENTHIL wrote:
T.N.Balasubramanian wrote: நம்மை பழக்கப்படுத்தி , கவிதை ரூபத்தில் தன் கதை கூறி, நம்மை உருக வைத்த MM செந்தில் . சிறப்பு கவிஞர் , மனத்திரையில் தோன்றினார்.

ரமணியன்

அய்யா, நன்றி.

ஈகரையில் என் வாழ்க்கையை திரும்பிப் பார்த்த நீங்கள், கடல் வழி உல்லாச பயணத்திலும் நினைத்துள்ளீர்கள் எனும் போது மகிழ்ச்சி.. ஒரு குடும்ப நபராய் பெருமைப் படுகிறேன்.

சில விஷயங்கள் அடி மனதில் பதிந்து இருக்கும் .
சமயம் வரும்போது கிளர்ந்து மேலெழும் .
அது போல் தான் இதுவும் .
ஈகரையுடன் இணைய முடியாது இருந்த நாட்கள் .
கண்ணில் (கணினி ) இருந்து மறைந்து இருந்தாலும் ,
கருத்தில் இருந்து மறையா ஈகரையும் உறவுகளும்
நன்றி .
ரமணியன்

**விமந்தனி** · **விமந்தனி** Fri Jul 25, 2014 1:29 pm

T.N.Balasubramanian wrote:
விமந்தனி wrote:நார்வேஜியன் கெட்டவே - பிரமிப்பு + பிரம்மாண்டம்.

உல்லாச பயணிகளை , உள்ளே வரவேற்பதில் இருந்து பிரியா விடை அளிக்கும் வரை ,காலியான வயிறுடன் இருப்பதை நாங்கள் விரும்புவதில்லை என்றார் . (வள்ளலார் வழித்தோன்றல்களோ என நினைத்துக் கொண்டேன்) .

ஈகரை யை செவ்வனே நடத்தி செல்லும் சிவாவும் சிறப்பு மிக்க தலைமை நடத்துனர்கள் ராஜா ,பாலாஜி ,இனியவன் ஆதிரா போன்றோரின் உழைப்பு ---கேப்டனின் கூற்றை பிரதிபலித்தது .

இரு கரை நடுவே கப்பல் செலுத்தும் கேப்டனும் ஒரு சிவாவே
ஈகரைதனை நடத்தும் சிவாவும் ஒரு கேப்டனே

நன்றி விமந்தினி ,
வர்ணனை ,மிகை ஒன்றும் இல்லை என நினைக்கிறேன் .
ரமணியன்

தங்களது யதார்த்தமான வரிகளில் எதுவும் மிகையாய் தெரியவில்லை. அதனால் தான் "அருமை" என்ற ஒற்றை வார்த்தைக்கு மேல் வேறெதுவும் எழுத எனக்கும் தெரியவில்லை ஐயா!

**krishnaamma** · **krishnaamma** Sat Jul 26, 2014 11:34 am

T.N.Balasubramanian wrote:
krishnaamma wrote:இன்று தான்படித்தேன் ஐயா அருமையான நடை, தொடருங்கள் படிக்க காத்திருக்கோம்
மேற்கோள் செய்த பதிவு: 1075470

உங்களுடைய உள்நாட்டு புனித யாத்திரை நன்றாக உள்ளது .

ரமணியன்

மேற்கோள் செய்த பதிவு: 1075663

நன்றி ஐயா புன்னகை

**சிவா** · **சிவா** Sun Jul 27, 2014 3:57 am

யினியவன் wrote:கானா பாலா மாதிரியே நம்ம சிவாவும் நல்லாவே கானா பாடுவார் அய்யா - நீங்க கேட்டதில்லையா?

வார இறுதியில் சுருதி சேர்த்து தாளம் தப்பாம நல்லா பாடுவார் - திங்கள் முதல் வெள்ளி வரை இவரை தபலா போல பாவித்து வாசிக்க ஒரு கூட்டமே கூடிடும் டும் டும் டும்...

ம்ம்ம்ம்.. அப்புறம்...! சொல்லுங்க தல.! கேட்க ஆவலுடன் ஓடோடி வந்துள்ளேன்! சிரி

**T.N.Balasubramanian** · **T.N.Balasubramanian** Sun Jul 27, 2014 9:30 pm

]b]மாஹோ கடற்கரையும்
இளவரசி ஜூலியானா விமானதளமும்
[/b]
தினம் தினம் ,இரவு 12மணி கழிந்து ஓரிரு நிமிடங்களில் , புதிய நாள் உருவாகும் நேரத்தே , இன்றைய வரலாறு பதிவை உருவாக்கும் விமந்தினி போல் , தினம் தினம் கப்பலில் , மாலையில் ,ப்ரீ ஸ்டைல் டெய்லி வருகிறது .மறு நாளைய நிகழ்ச்சிகள் இடம் பெறுவதுடன் , கப்பல் நிற்குமிடத்தில் பார்க்கவேண்டிய முக்கிய இடங்களை பற்றிய குறிப்புகள் , வாகன வசதிகள் , தவிர்க்கப்படவேண்டிய பொருட்கள் என்று விலாவாரியாக இருக்கும் .

செயின்ட் மார்டீனில் அதிக நேரம் கடலில் குளிப்பதற்கும் , குளித்துக்கொண்டே விமானங்கள் இறங்குதலையும் , கிளம்புவதையும் பார்க்கலாம் என்று தீர்மானித்தோம் . இது மாதிரி அரிய காட்சிகள் காண , ரசிக்கவே மாஹோ பீச் வரும் கூட்டம் அதிகம் .

4ம் நாள் .காலை . கப்பல் செயின்ட் மார்டீன் என்னும் டச்சு அரசு செய்யும் Philipsburg துறைமுகத்தில் நின்றது. இங்குதான் மக்கள் பார்க்க விரும்பும் மாஹோ கடற்கரையும் அதை ஒட்டி இளவரசி ஜூலியானா சர்வ தேச விமானதளம் உள்ளது .

செயின்ட் மார்டீன் ஒரு பகுதியை(மேற்கு ) டச்சு அரசும் , மற்றொரு பகுதியை (கிழக்கு ) France இம் ஆட்சி செய்கின்றன .Marigot துறைமுகம் இவர்களுக்கு சொந்தம் .மொத்தமே 87 சதுர கிலோமீட்டர் உள்ள இந்த தீவை 60:40 என்ற விகிதத்தில் பங்கிட்டு , எல்லைப்புற வழிப்பாடுகள் இல்லாமல் சுமுகமாகவே வாழ்கிறார்கள் . ஆதி காலத்தில் கரிபியன் தீவுகளில் " லுகாயன் இந்தியன்ஸ் " என்ற இந்திய வம்சாவளியினர் இருந்ததாக வரலாறு . இப்போது Bhoolchand ஜுவல்லரி மார்ட் , ஆனந்த் உணவகம் , யோகேஷ் கம்ப்யுடர் சென்டர் முதலியவைகளில் இந்தியர்கள் கண்ணில் படுகின்றனர் .

காலை உணவை முடித்துக் கொண்டு ,ஸ்விம்மிங் ட்ரஸ் ,Trunk, பீச் டவல் எடுத்துக்கொண்டு வெளி வந்தோம் .5 நிமிட நடை .இந்த துறை முகத்தில் இருந்து லிட்டில் பே (Little Bay ) என்ற மறு கரை போக / வர water Taxi சர்வீஸ் . 7 டாலர் டிக்கட் வாங்கினால் அன்றைய தினம் பூராவும் உபயோகப்படுத்தலாம் . அங்கிருந்து மாஹோ பீச்சுக்கு ஷேர் டாக்ஸி என்கிற பஸ் .
Water Taxi யில் கொடுக்கும் டிக்கட் அக்ரிலிக் பேண்ட் போல் கையில் சுற்றி விடுகின்றனர் . கடலில் குளித்தாலும் ,அவை பிய்த்துக்கொண்டு வருவதில்லை. தேதியும் அழிவதில்லை .

எல்லா இடத்திலும் டிப் தருவது வழக்கத்தில் உள்ளது . படகில் NO TIPS என்ற போர்ட் இருக்கிறது . இறக்கி விடுமுன் , விளையாட்டாக கூறுகிறார்கள் . " நீங்கள் டிப்ஸ் கொடுத்தால் , நீங்கள் எங்களை இன்சல்ட் பண்ணுவதாக நினைக்கமாட்டோம்." அதன் அர்த்தம் புரிந்ததுதானே நமக்கு .

ஷேர் டாக்சியில் 20 நிமிட பயணம் மலை வழி பயணம் ஒரு 10 மைல் இருக்கும் .பார்ப்பதற்கு மனோரம்யமான காட்சிகள் .
கடற்கரையும் விமான தளமும் :
இளவரசி ஜூலியானா சர்வதேச விமானதளத்தின் இறங்குபாதை பீச்சை ஒட்டியே உள்ளது .

இறங்கும் (touch down ) புள்ளியில் இருந்து 100 அடியில் 12 அடி உயர வேலி ,விமானதள எல்லை என்று காண்பிக்க .அந்த வேலியில் இருந்து 8அடி X 2 இரு பாதைகள் கார்கள் போக வசதியாக .உடனே பீச் ஆரம்பம் .10 அடி தூரம் மணல். பிறகு கடல் ஆரம்பம் . turquoise blue என்கிற வெளிர் நீல நிறம் கொண்ட தெளிவான கடல் நீர் .அமைதியாக அழைக்கும் அலைகள் .

குளிக்க குளிக்க குதுகலம் ஊட்டும் ,குளுமையான நீர் . ஹரித்வாரில் கங்கை நீரின் சிலுசிலிர்ப்பு , இங்கு அனுபவிக்க முடிந்தது . ஆனால் நீரின் வெளியில் ,கண்கள் கூசும் வெயில் . cap உடன் கூலிங் க்ளாஸ் ,சிறிது உஷ்ணத்தின் தாக்கம் குறைந்தது போல் தோன்றுகிறது

குளிக்கும் போதே , தலை மீது , நம்மை தொட்டுக்கொண்டு செல்லும் , சிறிதும் பெரிதுமான பல வகை விமானங்கள் . பார்ப்பதற்கு ரொம்ப திரில்லிங் .புது மாதிரியான அனுபவம் . ரசிக்கும் படியான அனுபவம் அனுபவித்தால்தான் அருமை புரியும் . விமானம் இறங்கும் போது ஏற்படும் அனுபவம் , விமானம் கிளம்பும் போதும் , வெளியேறும் காற்றின் விசையை எதிர்கொள்ளமுடியாது . வேலியோரம் வந்து ,நின்று இன்ஜின்களை ஒட்டி, exhaust gas வெளியேறும்போது ,அந்த இடத்தில் நிற்கமுடியாது . மணல் வாரி அடிக்கும் .ஒல்லியானவர்கள் நிற்க தடுமாறுவர் . கடல் பக்கம் தள்ளப்படுவர் .இருந்தாலும் திரும்ப திரும்ப அனுபவிக்க ஆசை .

சில படங்கள்

பஹாமாஸ் -கடல் வழிச்செலவு - Page 8 9Enx09r1Q76eVdhw37zo+0

பஹாமாஸ் -கடல் வழிச்செலவு - Page 8 9Enx09r1Q76eVdhw37zo+0

பஹாமாஸ் -கடல் வழிச்செலவு - Page 8 IxMqb0UHTbifuSBOY5Kr+DSC_0166

பஹாமாஸ் -கடல் வழிச்செலவு - Page 8 YtfUhcyRTe4yqyd1ePV7+DSC_0118

பஹாமாஸ் -கடல் வழிச்செலவு - Page 8 Z9s3ziz6SHWjyEBaRViN+DSC_0205

பஹாமாஸ் -கடல் வழிச்செலவு - Page 8 JpxFT4A1Rg2hOc17kyKs+st-maarten255b1255d

பஹாமாஸ் -கடல் வழிச்செலவு - Page 8 7q7Ffe1kSjWVGlCrEWaZ+p164853-St__MaartenSt__Martin-In-Coming_at_SXM

பஹாமாஸ் -கடல் வழிச்செலவு - Page 8 TjX7WMYMTy8ZWGVNMwoA+images

பஹாமாஸ் -கடல் வழிச்செலவு - Page 8 WThOzfzQRpSyTj5A6fUe+st-maarten-jet-fly-over_23943_990x742

பஹாமாஸ் -கடல் வழிச்செலவு - Page 8 I2DB5zE8RcSBhaO1IIeB+maho-st-maarten-airport-beach-6

இந்த வீடியோ வை பாருங்கள் . ஜூம் பண்ணிப் பார்த்தால் மிகவும் ரசிக்கலாம் . Take off போது விமானி கை அசைத்து வாழ்த்து கூறுவதையும் பாருங்கள் .
youtube

கடை வீதியில் கொய்யா தோட்டத்தே சேகரித்த Guava Honey மிகவும் பிரசித்தம் மிகவும் ருசியாக இருக்கிறது. தேனுடன் கொய்யா பழ வாசனை வருகிறது

கடலில் நீந்தி , விமானங்களை பார்த்து ,துறைமுகத்திற்கு திரும்பிவந்தால் , 500 அடி முன்னால் , நம்மை வரவேற்று , குளிர்ந்த கைதுண்டுகளை கொடுக்க , நாம் களைப்படைந்த முகத்தை துடைத்துக்கொண்டு ,அவர்கள் கொடுக்கும் ,குளிர்பானம் அருந்தி,10 அடி முன்னேறினால் , ஈரமான பீச் துண்டை வாங்கிக்கொண்டு , புதிய துண்டை நம் உபயோகத்திற்கு கொடுக்கிறார்கள் குழந்தைகளை வரவேற்க டிஸ்னி உருவங்களும் உண்டு .
பஹாமாஸ் -கடல் வழிச்செலவு - Page 8 Ya1eNUuKQlqv3t8Z4tI7+DSC_0090

பஹாமாஸ் -கடல் வழிச்செலவு - Page 8 Ya1eNUuKQlqv3t8Z4tI7+DSC_0090

கப்பலில் வந்து மற்ற பொழுதுபோக்கு வழக்கம் போல் தொடர்ந்தது
நினைவு தெரிந்த நாள் முதலாய் .தினத்தந்தி நாளிதழில் வந்து கொண்டு இருக்கும் , முடிவே பெறாத , "கன்னித்தீவு "
நாளை அமெரிக்க கன்னித்தீவு/ பெயர் காரணம் பார்க்க போகலாமே

ரமணியன்

**T.N.Balasubramanian** · **T.N.Balasubramanian** Tue Jul 29, 2014 4:06 am

செயின்ட் தாமஸ்

மாலையில் கிளம்பி கடல் வழியே காலையில் .வந்தடைந்தோம் செயின்ட் தாமஸ் என்கிற தீவிற்கு. சார்லட் அமலி தான் அதன் துறைமுகம் .

இந்த தீவை US விர்ஜின் ஐலண்ட் என்கின்றனர் . இது US இற்கு சொந்தம் .இதன் பக்கத்தில் செயின்ட் ஜான் , செயின்ட் க்ராக்ஸ் போன்ற சுற்றுலா தளங்களும் இருக்கின்றன .டச்சுக்கு முதலில் சொந்தமாக இருந்து பிறகு US வசம் வந்துள்ளது . இருப்பினும் டச்சுடன் நல்லதோர் நட்பு கடை பிடிக்கிறார்கள் .

{இதன் பக்கத்தில் இன்னும் 60 தீவுகள் . .அது பிரிட்டிஷாருக்கு சொந்தம் அதை பிரிட்டன் கன்னித்தீவு (BVI) என்கின்றனர் .அது பிரிட்டனுக்கு சொந்தம் .இதை செயின்ட் ஜான்னில் இருந்து

ferry மூலம் கடலில் சென்று அடையலாம் நீங்கள் கார் வைத்து இருந்தால் காரையும் ferry இல் ஏற்றி , BVI இல் உபயோகபடுத்திக்கொள்ளலாம் . போகாத இடம் என்பதால் , அதிகம் விவரிக்கவில்லை }.

நாம் சுற்றுலா வந்த இடங்கள் யாவும் கரிபியன் கடலில் இருக்கின்றன . தெளிவான , கடல் கரை ஓரங்களில் .நீச்சல் செய்ய வாருங்கள் என்று அழைப்பு விடும் சிறுசிறு அலைகள் .குட்டி அலைகள் .நீச்சல் தெரியாதோரும்

தைரியமாக இறங்கலாம் .கடற்கரைகளில் , நீச்சல் அடிக்க லைப் பெல்ட் கிடைக்கிறது . surf போர்டு இருந்தால் surf பண்ணலாம் . snorkel என்று சொல்லக்கூடிய முகமூடி அணிந்து நீரின் அடியில் இருக்கும் மீன் குடும்பங்களை

கண்டுகளிக்கலாம் .செயின்ட் தமஸ் ,செயின்ட் ஜான் , செயின்ட் கிராக்ஸ் முன்றும் முறையே 32,19,84 சதுர மைல்கள் . ஜனத்தொகை 1 .1 லக்ஷம்.
ஏற்கனவே மாஹோ பீச் பார்த்து இருந்ததால் , தாமசில் மலை உச்சி பார்க்க தீர்மானித்தோம் . போகும் வழி எல்லாம் அடர்ந்த பசுமை நிறைந்த காட்சிகள் கிடைக்கும் .மலை உச்சியில் இருந்து பார்த்தால் , BVI தெரியும் என்றார்கள் .
ஆகவே , காலை உணவை முடித்துக்கொண்டு , துறை முகம் வெளியே வந்து , டாக்ஸி வைத்துகொண்டு மலை வழி பாதையில் , இயற்கையை ரசித்துக்கொண்டே சென்றோம். நம்ம ஊர் போலவே வாழை , மா ,பலா எல்லாம் காய்த்து தொங்குகின்றன . விதவிதமான கிளிகள் பறவைகள் .

பஹாமாஸ் -கடல் வழிச்செலவு - Page 8 Fdr3tajJR0iaYdGfVhvv+DSC_0240

பஹாமாஸ் -கடல் வழிச்செலவு - Page 8 Fdr3tajJR0iaYdGfVhvv+DSC_0240

பஹாமாஸ் -கடல் வழிச்செலவு - Page 8 XZUVx9zRuW7PQ5RaWMnx+DSC_0234

மலை உச்சி போனால் , கடற்கரை , அங்கே நங்கூரம் இட்டுள்ள கப்பல்கள் , வாழ்கையை அனுபவிக்கவே பிறந்துள்ளோம் என்பது போன்று நூற்று கணக்கான Yatch என்னும் தங்களுக்கு சொந்தமான சொகுசு படகுடன் வந்துள்ள குடும்பங்கள் .

பஹாமாஸ் -கடல் வழிச்செலவு - Page 8 CiUDdIIbRkaXGmSyIPib+DSC_0232

பஹாமாஸ் -கடல் வழிச்செலவு - Page 8 CiUDdIIbRkaXGmSyIPib+DSC_0232

மலை உச்சிக்கு ரோப் கார் மூலம் வரலாம் , ஆனால் இயற்கையை ரசிக்க , டாக்ஸியே சுகம் . மலை உச்சி view point இல் இருந்து இயற்கையை ரசிக்கலாம் அங்கிருந்து பார்த்தல் BVI தெரிகிறது .
பஹாமாஸ் -கடல் வழிச்செலவு - Page 8 Vm1WdzWyTibqLwl6rbOG+DSC_0244

பஹாமாஸ் -கடல் வழிச்செலவு - Page 8 Vm1WdzWyTibqLwl6rbOG+DSC_0244

இங்கு வாழைபழ கலவையால் தயாரிக்கப்படும் ரம் மிகவும் பிரசித்தம். Banana Daiquiri என்பர் .
பஹாமாஸ் -கடல் வழிச்செலவு - Page 8 M5sQvxMyTuQjrSJhKeMD+DSC_0256

பஹாமாஸ் -கடல் வழிச்செலவு - Page 8 RPEjqtcrQ5i3eWtTBCcf+DSC_0259

செயின்ட் மாற்டீனில் கொய்யா கலவை ரம் பிரசித்தம் .

இவைகளை பார்த்து ரசித்து , மலை அடிவாரம் வந்து , மார்கெட்டை ஒரு அலசு அலசினோம் .வாங்கும் படியாக ஒன்றும் இல்லை
பெண்களும் , நவீன ஆண்களும் தங்கள் முடிகளை braiding பண்ணிக்கொள்கிறார்கள் . நல்ல பிசினெஸ் .

பஹாமாஸ் -கடல் வழிச்செலவு - Page 8 PtKKgfOUR9eOZJbQ1MbI+DSC_0432

பஹாமாஸ் -கடல் வழிச்செலவு - Page 8 PtKKgfOUR9eOZJbQ1MbI+DSC_0432

ALLURE என்கிற பெரிய கப்பல், 5000 பயணிகள் பயணிக்கக் கூடிய கப்பல் , நாங்கள் சென்ற சமயம் அங்கே நங்கூரம் இட்டு இருந்தது .
அதன் போட்டோ பார்வைக்கு

பஹாமாஸ் -கடல் வழிச்செலவு - Page 8 WGOhc2anSLekrYfgpt2w+DSC_0290

பஹாமாஸ் -கடல் வழிச்செலவு - Page 8 WGOhc2anSLekrYfgpt2w+DSC_0290

நம்ம ஊர் ஷேர் ஆட்டோக்கள் மாதிரி இங்கே ஷேர் டாக்ஸி மிகவும் பிரபல்யம்

பஹாமாஸ் -கடல் வழிச்செலவு - Page 8 PFDUIbWHQttZ6KT5iAuI+DSC_0313

படம்

மாலை கப்பலை அடைந்தோம்
அன்றைய இரவும், அடுத்து ஒரு நாள் பிரயாணம் செய்து புகழ்மிக்க பஹாமாஸ் தீவுகள் அடைந்தோம் .

எவ்வளவு தீவுகள் பஹாமாசில் ??
10 இல்லை 50 ------100------ 1000 ------2000-----3000------?????

நாளை பார்க்கலாம்
ரமணியன் .

=====================================================================

**krishnaamma** · **krishnaamma** Tue Jul 29, 2014 12:16 pm

படங்களும் வீடியோவும் ரொம்ப அருமை ஐயா புன்னகை

உங்கள் எழுத்தை பற்றி தனியே ஏதும் சொல்ல வேண்டாம் புன்னகை

தொடருங்கள் ...............

**T.N.Balasubramanian** · **T.N.Balasubramanian** Tue Jul 29, 2014 9:48 pm

krishnaamma wrote:படங்களும் வீடியோவும் ரொம்ப அருமை ஐயா உங்கள் எழுத்தை பற்றி தனியே ஏதும் சொல்ல வேண்டாம் தொடருங்கள் ...............

மேற்கோள் செய்த பதிவு: 1076336

, கிருஷ்ணம்மா !
நேரில் மிக thrilling ஆக இருக்கிறது .
பார்த்துக்கொண்டே இருக்க தோன்றும் .

ரமணியன்

**T.N.Balasubramanian** · **T.N.Balasubramanian** Wed Jul 30, 2014 8:35 am

பஹாமாஸ் தீவுகள்
வெள்ளி அன்று காலை பஹாமாஸ் தீவுகளின் முக்கியமான ,இடமான க்ராண்ட் பஹாமாஸ் வந்து அடைந்தோம் .

காலை உணவை முடித்துக்கொண்டு ,வெளியில் போகலாம் என்று மேல் தளம் போனால் வாவ் ,
உலக புகழ் பெற்ற அட்லாண்டிஸ் ஹோட்டல் , வாட்டர் பார்க் ,
கடலில் காணாம போன , மறைந்து போன கிரேக்க நாட்டு கலை வண்ண நகரத்தை , மறுபடியும் 150 மில்லியன் டாலரில்
உருவாக்கி நம் கண் முன் கொண்டு நிறுத்தி உள்ளனர் . அதன் போட்டோ .

Miss Universe 2009 ,உலக அழகிகள் போட்டி இந்த ஹோடேலில் தான் நடை பெற்றது .
உலகிலேயே அதிக அறை வாடகை இந்த ஹோடேலில் தான் .

பஹாமாஸ் -கடல் வழிச்செலவு - Page 8 YPJEXcXWQW6DvbbHnLnG+DSC_0515

பஹாமாஸ் -கடல் வழிச்செலவு - Page 8 YPJEXcXWQW6DvbbHnLnG+DSC_0515

இதை விட ,சிறிது அதிக செலவில் துபாயில் ஒரு அட்லாண்டிஸ் ஹோட்டல் II இருப்பதாக அறிந்தேன் .

அதன் உள்ளே சிறிது தூரம் வரை சென்று பார்க்க அனுமதி உண்டு வாட்டர் பார்க், மற்றும் சுற்றுலா செல்வதற்கு ,கப்பலிலேயே ஏற்பாடு பண்ணுகிறார்கள் .
அட்லாண்டிஸ் வாட்டர் பார்க் --1/2 நாள்
அட்லாண்டிஸ் வாட்டர் பார்குடன் ,டால்பின் விளையாட்டுகள்
அதோள் தீவில் snorkel
அரைநாள் சுற்றுலாவே தலைக்கு 75 us $.

அட்லாண்டிஸ் பற்றி பின்னொரு நாள் எழுதலாம் .

காலை உணவு உண்டு , வெளியில் வந்தோம் , ,பஹமாஸ் .கஸ்டம் வழியாக ,இமிக்ரேஷன் . பாஸ்போர்டை பார்த்து ,ஆள் முகத்தை பார்த்து ஓகே போகலாம் என்று சொல்கிறார்கள் . தேவை இல்லாமல் விஸா , வாங்குவதற்கு பணம் செலவழித்தோமோ என்று தோன்றியது .

பெரிதாக போர்ட் வைத்து இருக்கிறார்கள் . துறைமுக இடம் " SOLICITING IS PROHIBITED " என்று இருக்கிறது .

பஹாமாஸ் கிட்டத்தட்ட 3000 தீவுகளை கொண்டது . சின்னது ,பெரியது என்று பல வித பரப்பளவுகள் .600 மைல் தூரம் .நீண்ட கயிறாய் தோற்றமளிக்கும் இது தாம்புகயிரை போல் சில இடத்தில் , சணல் கயிறு போல் சில இடத்தில் , வேறு படுகிறது .தீவுகளின் சங்கிலி தொடர் கூட்டம் . இதில் ஜனங்கள் குடி இருப்பதோ 20 இல் தான் . பஹாமாஸ் என்றாலே மனதில் தோன்றுவது அழகு சாந்தம் மன அமைதி .

நாங்கள் இறங்கியது "கிராண்ட் பஹாமாஸ் " நசாவு ( NASSAU ) துறை முகம் . கிராண்ட் பஹாமாஸ் 96 மைல் நீளம் அகலமான இடம் 17 மைல், மற்ற இடங்களில் ஏறுமாறாக இருக்கிறது .

டாக்ஸி ஒன்று பிடித்துக்கொண்டு பஹாமாசை ஒரு ரவுண்டு வர நினைத்தோம் . எங்களுக்கு கிடைத்த டிரைவர் , Lewis H Outten .நன்றாக கலகலப்பாக பேசி , கூற வேண்டிய விஷயங்கள் , நகைச்சுவையாய் பேசி , பார்க்க வேண்டிய இடங்களை காண்பித்தார் .

சில சாம்பிள்கள் :

பஹாமாஸ் பணக்கார நாடு அதே சமயம் ஏழை நாடு ( இந்தியா போல்தான் என்று நினைத்துக்கொண்டேன் .) பெரிய பெரிய வில்லாக்களும் இருக்கின்றன . சிறிய குடில்களும் இருக்கின்றன . இயற்கை வளம் நிறைந்தது . பெட்ரோல் வெளிநாட்டில் இருந்து இறக்குமதி . பஹாமாஸ் டாலரும் அமெரிக்க டாலர் மதிப்பும் ஒன்றே , பஹாமாசில் . பெட்ரோல் ஆறரை டாலர் காலனுக்கு .அதே பெட்ரோல் அமெரிக்காவில் மூணேகால் டாலர் ,எனக் கூறி சாமான்கள் விலை எல்லாம் இரு மடங்கு இருப்பதில் அதிசயம் இல்லை என்றார் .

தனியாக வருமானத்திற்கு வரி கிடையாது என்றார் . பரவாயில்லையே என்று நினைக்கையில் , வாங்கும் ஒவ்வொரு சாமானுக்கும் 30% வரி உண்டு . அதை மக்கள் நலனுக்குகாக உபயோக படுத்துகிறார்கள் என்றார் . சோசியல் செக்யூரிட்டி யாக முதியோர்கள் ,மணமாகாத மாதாக்கள் , குழந்தைகளுக்கு பண உதவி பெரிய அளவில் செய்கிறார்கள் .அவர்களுடைய பெரிய ப்ராப்ளமே "UNWED MOTHERS ". தவிர்க்க முடியவில்லையாம் .அவர்களுக்கு எல்லாம் இலவசமாம் . ஏழ்மை ஒரு பக்கம் விலைவாசிகள் ஒரு பக்கம் வருகின்ற உல்லாச பயணிகள் மிகவும் அதிகம். அதனால் அரசுக்கு வருமானம் அதிகம் .உல்லாசம் விரும்புவர்களுக்கு சொர்க்க பூமி . சுலபமாக சம்பாதிக்கும் வழி -பாதிக்கும் வாழ்வு . இரு தலை கொள்ளியோ அரசுக்கு
பஹாமாசில் , பஹாமா மாமா மிகவும் பிரபலம் . அதே போல் conch salad ,fruit punch ரொம்ப பிரபலம். பஹாமா மாமா --தப்பாக நினைக்கவேண்டாம் , conch salad , fruit பஞ்ச் சாப்பிடும் சலாடும் இல்லை , உண்ணும் பழ ரசமும் இல்லை . இந்த மூன்றும் பஹாமசின் சென்ட் வகைகள் .

சணல் தயாரிப்புகளும் பிரபலம் .

தென்னை மரங்கள் அதிகம் கோகோனட் daiquiri எனப்படும் ரம் கலந்த இளநீர் +இலேசான வழுக்கையுடன் தருகிறார்கள் .

3 இளநீர் ,10 us $. அமெரிக்காவை விட இந்த ஒரு ஐட்டம் தான் விலை மலிவு .அமெரிக்காவில் ஒரு இளநீர்10$.

கடைக்காரர் , இளநீரை சீவி , straw போட்டு எப்படி குடிப்பது என்று கூற முற்பட்டார் . அவரிடம் நாங்கள் எல்லாம் indians , straw இல்லாமலும் குடிப்போம் , straw வுடனும் குடிப்போம் என்றோம் . அதற்கு அவர் oh , I like Indians , indian films என்றார் . அவருக்கு பிடித்த படம் "slumdog millionaire " என்றார் .இந்தியாவில் இளநீர் என்ன விலை என கேட்க , ஒரு டாலருக்கு 2 இளநீர் என்றேன் . அடுத்த முறை வரும்போது 25 டாலருக்கு வாங்கி வருகிறீர்களா என்று கேட்டார் ? கொண்டு வரும் செலவு 500 டாலர் ஆகுமே என்றதும் ஒரு நட்பு புன்னகை .

அங்கு மார்க்கெட் place இல் ப்ரீ wireless . அமர்ந்து இணைய தளத்தில் இணையும் மக்கள் .

அதன் பக்கத்தில் பீச் . அமைதியான கடல் தெளிவான கடல் நீர்

பஹாமாஸ் -கடல் வழிச்செலவு - Page 8 WjxptUYMQm2ZRtRz1qE6+DSC_0505

பஹாமாஸ் -கடல் வழிச்செலவு - Page 8 WjxptUYMQm2ZRtRz1qE6+DSC_0505

பஹாமாஸ் -கடல் வழிச்செலவு - Page 8 YhdIXn3TcuPTfEjOzPny+DSC_0507

அட்லாண்டிஸ் ஹோட்டல் ,பார்ப்பதற்கே அவ்வளவு அழகு .அங்கு உள்ளே சென்று பார்த்தோம் . பெரிய casino . கடைகள் .ஒரு குறிப்பிட்ட எல்லை வரை சென்று வர முடியும். அங்கு எடுத்த சில போட்டோக்கள் பார்வைக்கு

பஹாமாஸ் -கடல் வழிச்செலவு - Page 8 7oOOtaH9Tkyz7b2w9upM+DSC_0476

பஹாமாஸ் -கடல் வழிச்செலவு - Page 8 7oOOtaH9Tkyz7b2w9upM+DSC_0476

பஹாமாஸ் -கடல் வழிச்செலவு - Page 8 GQ9Sx3rsTj6bcaFGJwnP+DSC_0486

பஹாமாஸ் -கடல் வழிச்செலவு - Page 8 B1qT9O9jRTWBm1khmcYV+DSC_0485

பஹாமாஸ் -கடல் வழிச்செலவு - Page 8 ScNKA0Z1QyiPZDR4SOOR+DSC_0488

பஹாமாஸ் -கடல் வழிச்செலவு - Page 8 XUXswK9lQfCza4FHVn32+DSC_0490

மில்லியன் டாலர் throne என்று ஒரு ஆசனம் வைத்து இருக்கிறார்கள் . அதில் உட்கார்ந்து எல்லோரும் போட்டோ எடுத்துக்கொள்கிறார்கள்
பஹாமாஸ் -கடல் வழிச்செலவு - Page 8 UJOq3NWpQG2hCBlxjDfi+DSC_0496

பஹாமாஸ் -கடல் வழிச்செலவு - Page 8 UJOq3NWpQG2hCBlxjDfi+DSC_0496

ஹோடெல்லை ஒட்டிய தோட்டத்தில் ஒரு கடை .ரம் கேக் இங்கு ரொம்பவே famous .

பஹாமாஸ் -கடல் வழிச்செலவு - Page 8 Cv3xSxnTqyUWysuW58U6+DSC_0502

எல்லா இடத்திற்கும் டாக்ஸி டிரைவர் Lewis நல்ல முறையில் அழைத்து சென்றார் .நன்றி கூறி , பணம் கொடுத்தவுடன் தனது விசிட்டிங் கார்டையும் கொடுத்தார் .அதில் அவர் பெயர் Dr Peeper. என்று குறிப்பிட்டு இருந்தது . டாக்டரா என்று கேட்கையில் , இங்கு யார் வேண்டுமானாலும் Dr போட்டுக்கலாம் .தப்பாக நினைக்கமாட்டார்கள் . நான் அடிக்கடி காரில் horn உபயோகப் படுத்துவேன் . அதனால் நண்பர்கள் என்னை பீப்பர் என்று கூப்பிடுவார் . ஆகவே நானே Dr Peeper என்று வைத்துக்கொண்டேன் என்றார் . அமெரிக்காவில் , சிமிண்ட் தளம் போடுபவர் தன்னை Grout Doctor என்று போட்டுக் கொள்வது நினைவிற்கு வந்தது .

நம் நாட்டிலும் 5 கிளாஸ் படித்து அரசியலில் புகுந்து கல்லூரிகள் அமைத்து .அதை பல்கலை கழகமாக்கி தங்களுக்கு தாமே கௌரவ டாக்டர் பட்டம் வழங்கி கொள்வதும் நினைவிற்கு வந்தது .அவர்களுக்கு சளைத்தவர் நாங்கள் இல்லை என்று நடிக,நடிகையர்களும் , (பண உதவி செய்தோ ), கௌரவ டாக்டர் பட்டம் வாங்கி கொள்கிறார்கள் . Dr . Peeper க்கும் இவர்களுக்கும் அதிக வித்தியாசம் இல்லை என்றே நினைக்கிறேன் .

பஹாமாசில் இனிதே கழிந்த சில மணி நேரங்கள் .

கப்பலில் கடைசி இரவு , மேல் தளத்தில் வான வேடிக்கைகள் இரவு 1030 மணிக்கு .தளமே வர்ண ஒலி,
ஒளியால் தீபாவளி ஆனது .

பஹாமாசுக்கு பய், பய் சொல்லிவிட்டு , கப்பல் மியாமி நோக்கி புறப்பட்டது .
அறைக்கு படுக்க வருகையில் , கேப்டனிடம் இருந்து ஒரு கடிதம்

நாளை .-------------

ரமணியன்

Sponsored content · Sponsored content

பஹாமாஸ் -கடல் வழிச்செலவு

பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

Re: பஹாமாஸ் -கடல் வழிச்செலவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக