இந்த தீவிரவாதச் செயல்களில் அவர்களின் பங்குகளும் இருப்பதே என்பதாகும்.

இன்று காலையில் கொழும்பு, மாளிகாவத்தைப் பகுதியில் வைத்து போலீசார் இளைஞர் ஒருவரைச் சுட்டுக் கொன்றுள்ளனர். பாதாளக் கும்பலைச் சேர்ந்தவர் என்ற சந்தேகத்தில் நேற்றுக் கைது செய்யப்பட்ட இந்த இளைஞர் ஒரு தொகுதி ஆயுதங்களைக் காட்டித் தருவதாகக் கூறியதால் தாம் அவரை பெலியகொடவுக்குக் கொண்டு சென்றதாகவும், ஆனால் அவர் தான் மறைத்து வைத்திருந்த கைக்குண்டால் போலீசாரைத் தாக்க முயன்றதால் சுட்டதாகவும் போலீசார் கூறுகின்றனர். காயப்பட்டவரை கொழும்பு தேசிய மருத்துவமனையில் அனுமதித்தும் பலனில்லாமல் அவர் இறந்து விட்டார் என்று வேறு கூறுகின்றனர்.

இம்மாதிரியாக பல சம்பவங்கள் இலங்கையில் இடம்பெறுகின்றன. சந்தேகத்தின் பெயரில் கைது செய்யப்பட்டவர்களில் குற்றங்கள் நிரூபிக்கப்பட முன்னரே அவர்கள் தப்பிச் செல்ல முயன்றார்கள், போலீசாரைத் தாக்க முயன்றார்கள் போன்ற காரணங்களுக்காக சுட்டுக் கொன்றுவிட்டதாக போலீசார் கூறியுள்ளனர். இவ்வாறான பல வழக்குகள் களுத்துறை குற்றவியல் நீதிமன்றத்துக்கு வருகின்றன, போலீசாரின் இந்த நொண்டிச் சாட்டுகளை நீதிபதி காது கொடுத்துக் கேட்கிறார், பின்னர் வழக்கு மூடப்படுகிறது. ஆனால் இம்மாதிரியான சம்பவங்களின் பின்னால் உள்ள ஆபத்துக்களை பொதுமக்களும் கூட சிந்தித்துப் பார்ப்பதாகத் தெரியவில்லை. கைது செய்யப்பட்டு தடுத்து வைக்கப்படுகின்ற ஒருவரிடம் கைக்குண்டுகள் வருவதன் மாயம் என்ன?

இடையில் சிறிது காலம் இவ்வாறு போலீசார் சூட்டுக்கு கைது செய்யப்பட்ட இளைஞர்கள் பலியாகுவது குறைந்திருந்த போதும், மீண்டும் அந்த கலாச்சாரம் ஆரம்பமாகியுள்ளமை குறிப்பிடத்தக்கது. உண்மையில் என்ன நடக்கிறது என்று ஆராய்ந்து பார்த்தால், கைது செய்யப்படுபவர்கள் உண்மையில் பாதாளக் கும்பலின் தீவிர செயற்பாட்டாளர் அல்லது ஆதரவாளர் என்பது நிரூபணமாகிறது. ஆனால் போலீசார் அவசரப்பட்டு அவர்களைக் கொல்வதற்கான காரணம், இந்த தீவிரவாதச் செயல்களில் அவர்களின் பங்குகளும் இருப்பதே என்பதாகும். எனவே கைது செய்யப்பட்டவர் போலீசாரின் வண்டவாளங்களை நீதிமன்றில் தெரிவிக்க முன்னர், அவர்கள் தீர்த்துக் கட்டப்படுகிறார்கள்

இதுபோன்ற செயல்கள் இந்தியாவிலும் நடக்கிறது. உண்மை வெளிவந்தால் போலீஸ்க்கு பிரச்னை என்பதால் தான் குற்றவாளிகளை கொன்று விடுகின்றனர் ,இதற்க்கு என்கவுண்டர் என்று பெயர் வேற ,