Search found 2 matches for MaiamWhistle

Topics tagged under maiamwhistle on ஈகரை தமிழ் களஞ்சியம் 201711071341531469_Tour-across-tamilnadu-to-know-people-problems--kamalHassan_SECVPF

சென்னை

தனது பிறந்தநாளை முன்னிட்டு சென்னை தி,நகரில் #MaiamWhistle என்ற பெயரில் புதிய செல்பேசி செயலியை நடிகர் கமல்ஹாசன் அறிமுக செய்தார். #theditheerpomvaa #maiamwhistle #virtuoscycles என்ற 3 ஹேஷ்டேக்-களை நடிகர் கமல்ஹாசன் அறிமுகம் செய்தார்.

விழாவில் கமல்ஹாசன் பேசினார் அப்போது அவர் கூறியதாவது:-

உண்மைகளை மட்டுமே அனைவராலும் எப்போதும் பேச முடியாததாக உள்ளது. நல்ல தமிழ்நாட்டை உருவாக்குவது எனது கனவு. மக்கள் பிரச்சினைகளை தெரிந்து கொள்வதற்காக தமிழகம் முழுவதும் சுற்றுப்பயணம் செய்ய திட்டமிட்டிருக்கிறேன். அனைத்து தரப்பு மக்களையும் தெரிந்து கொள்வதற்குதான் இந்த பயணம்.

தவறான ஆட்களிடம் தானத்தை கொடுப்பது கூட தவறுதான். நல்லதை செய்தால் மட்டும் போதாது அதை சரியான மக்களுக்கு சரியான நேரத்தில் செய்ய வேண்டும். தமிழகத்தை இயக்க வேண்டிய சக்கரங்கள் தற்போது பழுதடைந்துள்ளது, பழுதை சரிசெய்ய மக்கள் ஒன்று திரள வேண்டும். அக்கிரமங்களுக்கு எதிராக தரப்படும் குரல் குறைந்துவிட்டதாகக் கருதுகிறேன்.

கட்சியின் பெயரை அறிவிக்க இப்போது அவசியமில்லை; அவசரமில்லை. அரசியல் கட்சித் தொடங்குவதற்கான ஆயத்த பணிகளை தொடங்கி இருக்கிறேன். அஸ்திவாரம் பலமாக இருக்க வேண்டும் என காத்து கொண்டு இருக்கிறேன்.சினிமா எடுப்பதற்கே 6 மாத முன்னேற்பாடுகள் செய்பவன் நான்; அரசியல் அதைவிடப் பெரிய பணி.நான் அரசியல் பொறுப்புக்கு வந்தால், என்னை நோக்கியும் கேள்விகள் எழுப்பப்படலாம்.

மக்கள் பிரச்னைகளை பற்றிப் பேச #theditheerpomvaa #maiamwhistle #virtuouscycles என்ற ஹேஷ்டேக்கில் பேசலாம்.புதிய செல்போன் செயலிக்கு "மையம் விசில்" என பெயிரிடப்பட்டுள்ளது, நியாயத்திற்காக குரல் எழுப்பும் கருவி "மையம் விசில்". இவ்வாறு அவர் கூறினார்.

தினத்தந்தி

சென்னை: சென்னையில் கமல்ஹாசன் செய்தியாளருடன் சந்தித்து பேசினார். சென்னையில் மழையால் பாதிக்கப்பட்ட இடங்களை பார்த்தேன் என்று கமல் கூறினார். நற்பணி இயக்கத்திற்காக கமல் ஒரு செயலியை அறிமுகப்படுத்தியுள்ளார். #KH என்பது கமல் தொடங்கி வைத்து உள்ள செயலியின் பெயர் ஆகும்.
#KH என்பது வெறும் செயலி மட்டும் அல்ல; அது ஒரு டிஜிட்டல் அரங்கம் என்று கமல் கூறியுள்ளார். விஷம் கலந்துவிட்ட தர்மச் சக்கரத்தை மாற்ற வேண்டும் என்றும் நல்ல தமிழ்நாட்டை உருவாக்குவது என் கனவு என்றும் கமல் கூறியுள்ளார். நல்லதை தேடித் தேடித்தான் செய்ய வேண்டும் என்றும் நல்லதையும் யாருக்குச் செய்யவேண்டும் என்பதை அறிந்துதான் செய்யவேண்டும் என்றும் அவர் பேசினார். மேலும் தமிழகம் முழுவதும் சுற்றுப்பயணம் மேற்கொள்ள கமல் திட்டமிட்டுள்ளார்.

கட்சிக்கான ஆயத்த பணிகளை துவக்கிவிட்டேன் என்ற அவர் அரசியல் கட்சி பிரவேசத்தை தனியாக அறிவிக்க வேண்டுமா என்ன என்றார். #maiamwhistle என்ற இணைப்பும் செயலியில் அடங்கும் என்றும் #maiamwhistle மூலம் பிரச்சனைகளை மக்கள்; ரசிகர்கள் தெரிவிக்க கமல் கோரிக்கை விடுத்துள்ளார்.
நன்றி
தினகரன்

Search found 2 matches for MaiamWhistle

மக்கள் பிரச்சினைகளை தெரிந்து கொள்ள தமிழகம் முழுவதும் சுற்றுப்பயணம் - கமல்ஹாசன்

கமலவதாரம்- பிறந்த நாளில்... புதிதாய்ப் பிறந்த உலக நாயகன்!