எதற்கு "ஈ' வந்தது?

**சாமி** · **சாமி** Sun Jun 16, 2013 6:43 am

ஒருமுறை, தமிழிலும் வடமொழியிலும் புலமை மிகக்கொண்ட மாம்பழக் கவிராயர், திருமலை மன்னரின் அரண்மனையில் தங்கியிருந்தார். அவர் பிறவியிலேயே பார்வை இழந்தவர். மதுரைக்குத் தற்செயலாக வந்த நெல்லையைச் சார்ந்த இராமச்சந்திரக் கவிராயர், மாம்பழக் கவிராயரைக் காண விரும்பினார். அரசரின் அனுமதி பெற்று, மாம்பழக் கவிராயர்

தங்கியிருந்த இடத்துக்குச் சென்றார். தனது வருகையைத் தெரிவிக்கும் வகையில் இருமினார்.

""யாரது?'' என்று மாம்பழக் கவிராயர் கேட்க, ""நெல்லைப் புலவன் நான். இராமச்சந்திரன் வந்துள்ளேன், வணக்கம்'' என்றார். வேண்டுமென்றே, தனது பெயரின் முதல் எழுத்தாகிய "இ' என்பதை அழுத்திக் கூறினார்.

சொல்லுக்கு முதல் எழுத்தாக "ரா' வரக்கூடாது என்பது நெல்லைப் புலவர் கருத்து. இலக்கண நூலான நன்னூலின் விதியும் அதுவே. ஆனால், வடமொழியிலும் புலமை பெற்றிருந்த மாம்பழக் கவிராயர் சொல்லுக்கு முதலில் "ரா' வரலாம் என எண்ணுபவர். ஆகவேதான் நெல்லைப் புலவர் "இ' யை அழுத்தமாகக் கூறினார். அதை உணர்ந்த கவிராயர், ""ராமச்சந்திரப் புலவர் வருக! முன்னால் எதற்கு "ஈ' வந்தது?'' என "இ'யை "ஈ'யாக்கிக் கேட்டார்.

இராமச்சந்திரக் கவிராயர் சிறிதும் தயங்காமல், ""பெரும்புலவரே! இது என்ன கேள்வி? மாம்பழம் இருக்கும் இடத்திற்கு "ஈ' வரத்தானே செய்யும்? என்று ஒரு போடு போட்டாராம். அப்போது மாம்பழக் கவிராயர் பட்ட பாடு பெரும்பாடாம்!

நன்றி-தினமணி-புலவர் மு.கணேசன்

ராஜு சரவணன் · ராஜு சரவணன் Sun Jun 16, 2013 7:03 am

புலவர்களுக்கிடையே நல்ல ஒரு தமிழ் சொல் விளையாட்டு நன்று.

எதற்கு "ஈ' வந்தது?

எதற்கு "ஈ' வந்தது?

Re: எதற்கு "ஈ' வந்தது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக