வறுமையானாலும் கல்வியை இழக்கக்கூடாது.

தென்றல் வீசும் அழகான கிராமம் இந்திராபுரி. மாணிக்கம் அங்கு கூலி வேலை பார்த்து குடும்பம் நடத்தி வந்தான். அவனுக்கு இரண்டு குழந்தைகள். மகள் இந்திரா சுட்டிப் பெண். மகன் குமார் துறுதுறு சிறுவன். இருவரும் படிப்பில் படுசுட்டி.

மாணிக்கம் திடீரென்று நோயில் படுத்த படுக்கையானான். அவனது மனைவி புஷ்பம், வீட்டு வேலை செய்து வீட்டைக் கவனித்தாள். நோய்க்குச் செலவிடவே வருமானம் சரியாக இருந்தது. பிள்ளைகளை பள்ளிக்குத் தொடர்ந்து அனுப்ப முடியாத நிலை.

புஷ்பம், மகள் இந்திராவை தன்னுடன் வீட்டு வேலை செய்ய அழைத்துச் செல்ல முடிவு செய்தாள். குமாரை கட்டிட வேலைக்கு அனுப்பலாம் என்ற முடிவுக்கு வந்தாள். இது பற்றி தன் கணவரிடம் பேசினாள். படுத்த படுக்கையாக கிடந்த மாணிக்கம், தன் நிலையை எண்ணி வருந்தினான். என்ன செய்வதென்று யோசித்தான்.

சிறுகச் சிறுகச் சேர்த்து வைத்த தொகை எவ்வளவு இருக்கும்? என்று மனைவியை கணக்குப் போடச் சொன்னான்.

சுமார் 50 ஆயிரம் பணம் தேறும் என்று மனைவி சொன்னாள்.

அதைக் கொண்டு சிறு பெட்டிக் கடை வைத்துக்கொள். என் நோய்க்குச் செலவிட்டு ஆகப்போவது ஒன்றுமில்லை. ஆனால் பிள்ளைகளின் கல்வியை நிறுத்தினால் அவர்களின் வாழ்வே பாழாகிவிடும். எவ்வளவு கஷ்டம் வந்தாலும் அவர்களின் படிப்பை மட்டும் நிறுத்திவிடாதே? என்று மனைவியிடம் சத்தியம் வாங்கிக் கொண்டான்.

சில நாட்கள் சென்றபின் அவன் இறந்துபோனான். கணவனின் ஆசையை நிறைவேற்ற, சேர்த்து வைத்த பணத்தையெல்லாம் எடுத்து சிறு பெட்டிக்கடை போட்டாள் புஷ்பம்.

இந்திராவும், குமாரும் பெட்டிக்கடை அருகிலேயே இருந்து படித்தனர். படிப்பில் ஆர்வம் கொண்ட குழந்தைகள் நல்ல மதிப்பெண்கள் எடுத்து தேர்ந்தனர். இப்போது பெட்டிக் கடையில் கிடைத்த லாபம், கடையை சிறிது விரிவுபடுத்தும் அளவு இருந்தது.

புஷ்பம் கடையை விரிவு படுத்தினாள். மகளை கல்லூரியில் சேர்த்தாள். மகனை என்ஜினீயரிங் படிக்க வைக்க வங்கியில் கடன் கேட்டாள். கடையைப் பார்த்துவிட்டு கடன் கொடுத்தனர்.

குமார், கல்லூரிக்குச் சென்றான். என்ஜினீயராக மாறினான். இந்திராவும் கல்லூரிப் படிப்பை முடித்து அரசுத் தேர்வு எழுதி அரசுப் பணிக்குச் சென்றாள்.

இப்போது கடையிலும் நல்ல வருமானம். வேலைக்கு ஆள் வைத்துவிட்டு, புஷ்பம் ஓய்வு எடுக்கத் தொடங்கிவிட்டாள். ஊரே அவர்கள் குடும்பத்தை வியந்து பார்த்தது!

பொருள்: வறுமையானாலும் கல்வியை இழக்கக்கூடாது.

நல்ல கருத்துள்ள கதை ஆனால் ஏன் எழுத்தாளர் அவசர அவசரமாக
அஞ்சரகுள்ள வண்டிய பிடிக்க போற மாதிரி எழுதி இருக்கார்?

யினியவன் wrote:நல்ல கருத்துள்ள கதை ஆனால் ஏன் எழுத்தாளர் அவசர அவசரமாக
அஞ்சரகுள்ள வண்டிய பிடிக்க போற மாதிரி எழுதி இருக்கார்?

ஏன்னா எழுத்தாளர்கிட்ட இதுக்குமேல எழுதுவதற்கு சரக்கு இல்லை! அதனால்தான்!

சிவா wrote:ஏன்னா எழுத்தாளர்கிட்ட இதுக்குமேல எழுதுவதற்கு சரக்கு இல்லை! அதனால்தான்!

சொந்தக் கதையா சொல்லவே இல்ல உங்களுக்குள்ள ஒரு எழுத்தாளர் பயத்துல பதுங்கி இருக்காருன்னு

யினியவன் wrote:

சிவா wrote:ஏன்னா எழுத்தாளர்கிட்ட இதுக்குமேல எழுதுவதற்கு சரக்கு இல்லை! அதனால்தான்!

சொந்தக் கதையா சொல்லவே இல்ல உங்களுக்குள்ள ஒரு எழுத்தாளர் பயத்துல பதுங்கி இருக்காருன்னு

அய்யய்யோ, நான் சொந்தக் கதைன்னு சொல்லவே இல்லையே தலைவரே! படித்த கதை மட்டுமே!

மனதை தொட்ட கதை எங்கிருந்து
சுட்ட கதைன்னு சொல்லுங்க அப்ப

உண்மையில் கதை நன்றாக இருந்தது . ஆனால் நடிகர் விவேக் சொல்றது போல் கதையிலே ட்விஸ்ட் இல்லை .
"ஒரு வேலை கணவன் சொன்னதை கேட்காமல் ஐம்பதாரியம் மிஞ்சட்டும் என்று ஆசை பட்டு குழந்தைகளை வேலைக்கு அனுபியிருந்தால் " நிலைமை தலை கீழாய் மாறியிருக்கும்