தோசை வகைகள் - கேழ்வரகு முருங்கை இலை அடை!

**krishnaamma** · **krishnaamma** Wed May 29, 2013 11:42 am

First topic message reminder :

தோசை............இது பிடிக்காதவாளே இருக்க மாட்டா என்பது என் எண்ணம் புன்னகை

இந்த திரி இல் பல வித தோசைகளை பார்ப்போம். தோசை என்பது அரைத்து செய்வது மட்டும் அல்லாது ரவா தோசை, மைதா தோசை போல கரைத்தும் செய்யப்படுகிறது. மேலும் அடை போல கனமாக காரமாகவும் வார்க்கிறோம். இலுப்ப சட்டிகளில் வார்க்கப்படும் ஆப்பம் மற்றும் தவலைகளில் வார்க்கப்படும் தவலை தோசைகளும் தோசை பிரிவில் அடக்கம்.

வெல்ல தோசைகளும் , தேங்காய் தோசைகளும், வெங்காய தோசைகளும், மசால் தோசைகளும் இதில் அடக்கம் புன்னகை

தோசை வகைகள் - கேழ்வரகு முருங்கை இலை அடை! - Page 6 RgBcG1FsQFS9iFQZhs9q+IMG-20150103-WA0008

மேலும் தோசைகள் எண்ணெய், நெய், வெண்ணெய் மற்றும் எண்ணெய் மற்றும் நெய் கலவை போன்றவற்றால் செய்யப்படுகிறது. எண்ணையே விடாமல் துடைத்து வார்க்கும் தோசைகளும் உண்டு. மூடி வைத்து வார்க்கும் தோசைகளும் உண்டு.
நான் இவை எல்லாவற்றுக்கான குறிப்புகளை இங்கே போடுகிறேன் உங்கள் பார்வைக்காக புன்னகை

**krishnaamma** · **krishnaamma** Thu May 30, 2013 8:18 pm

தேவையானவை :

கோதுமை மாவு 2 கப்
மோர் 1 கப்
உப்பு
தேவையானால் தண்ணீர்
தோசை வார்க்க எண்ணெய்

இதில் தாளிக்க :

கடுகு 1 டீ ஸ்பூன்
சீரகம் 1 டீ ஸ்பூன்
பச்சை மிளகாய் 1 டேபிள் ஸ்பூன் பொடியாக நறுக்கியது
கறிவேப்பிலை

செய்முறை :

கோதுமை மாவை ஒரு பாத்திரத்தில் போட்டுக்கொள்ளவும்.
நீர்த்த மோர் எடுத்து வைத்துக்கொள்ளவும்.
மேலே தாளிக்க சொன்னவைகளை தாளித்து மாவின் மேல் கொட்டவும்.
நன்கு கையால் பிசைவது போல கலக்கவும்.
நீர் மோர் மற்றும் உப்பு போட்டு கரைத்து வைக்கவும்.
ஒரு அரைமணி கழித்து நல்ல மெல்லிசாக தோசை வார்க்கணும்.
இன்ஸ்டன்ட் கோதுமை தோசை ரெடி புன்னகை

**krishnaamma** · **krishnaamma** Thu May 30, 2013 8:24 pm

தேவையானவை :

சோள மாவு அல்லது பாஜ்ரா அதாவது கம்பு மாவு அல்லது கேழ்வரகு மாவு ஏதாவது ஒன்று 2 கப்
உளுந்து 1/2 கப்
உப்பு
எண்ணெய்

செய்முறை:

உளுந்தை 2 மணி நேரம் ஊற வைக்கவும்.
பிறகு நன்கு அரைக்கவும்.
கிரைண்டர் இல் உளுந்து அரைபடும் போதே எடுத்துக்கொண்ட மாவை கொஞ்சம் கொஞ்சமாக போடவும்.
இரண்டும் சேர்ந்து நன்கு அரைபடட்டும் ஒரு 2 நிமிஷம்.
பிறகு எடுத்து உப்பு போட்டு கரைத்து வையுங்கள்.
மறு நாள் தோசை வார்க்கலாம்.
மெத் என்று அருமையாக இருக்கும்.

குறிப்பு: சர்க்கரை நோயாளிகளுக்கான தோசை இது ; நீங்கள் மிக்சி இல் அரைப்பவரானால் கோதுமை மாவை 1 கப் தண்ணிரில் கலந்து, மிக்சி இல் 2 நிமிடம் சுற்றி எடுக்கவும். பிறகு உளுந்த்தமாவுடன் கலக்க வேண்டியது தான்

**Muthumohamed** · **Muthumohamed** Thu May 30, 2013 11:51 pm

தொடர் தோசை பதிவு அருமையிருக்கு

**krishnaamma** · **krishnaamma** Fri May 31, 2013 1:39 pm

Muthumohamed wrote:தொடர் தோசை பதிவு

நன்றி முத்து புன்னகை

**ஜாஹீதாபானு** · **ஜாஹீதாபானு** Fri May 31, 2013 1:56 pm

பயனுள்ள பகிர்வு நன்றிமா அன்பு மலர்

**krishnaamma** · **krishnaamma** Fri May 31, 2013 7:05 pm

ஜாஹீதாபானு wrote:பயனுள்ள பகிர்வு நன்றிமா

நன்றி பானு புன்னகை

கொஞ்சம் பேருக்காவது பயன் கிடைத்ததால் எனக்கு ரொம்ப சந்தோஷம் புன்னகை

**krishnaamma** · **krishnaamma** Fri May 31, 2013 8:08 pm

சாதாரணமாக தோசை வார்க்கும் மாவிலும் இதை செய்யலாம் புன்னகை

தேவையானவை :

Fresh தோசை மாவு 1 கப்
வெல்லம் 1 கப்
ஏலப்பொடி 1/2 ஸ்பூன்
தேங்காய் துருவல் 1/2 கப்

நெய் தோசை வார்க்க

செய்முறை :

ஒரு பாத்திரத்தில் தோசை மாவு மற்றும் வெல்லம், ஏலப்பொடி,தேங்காய் துருவல் எல்லாத்தையும் போட்டு கரைக்கவும்.
வேண்டுமானால் தண்ணீர் சேர்க்கவும்.
ஒரு 10 நிமிஷம் கழித்து தோசை வர்க்கவும்.
நெய்விட்டு இருபக்கமும் வெந்ததும் எடுக்கவும்.
சாப்பிட கொடுக்கும் போதும் நெய் விட்டு தரவும்.
அருமையாக இருக்கும்.

தர்மா · தர்மா Sat Jun 01, 2013 11:24 am

அம்மா உளுந்த வடைக்கு எவ்வளவு நேரம் உளுத்தம் பருப்பு ஊற வைக்க வேண்டும்

**krishnaamma** · **krishnaamma** Sat Jun 01, 2013 11:29 am

தர்மா wrote:அம்மா உளுந்த வடைக்கு எவ்வளவு நேரம் உளுத்தம் பருப்பு ஊற வைக்க வேண்டும்

இது தோசை திரி தர்மா............. சந்தேகத்துக்கு தனி திரி இருக்கு பாருங்கோ புன்னகை

பதில் அங்கே போடறேன் ஜாலி

தர்மா · தர்மா Sat Jun 01, 2013 11:29 am

அப்படியே அம்மா

Sponsored content · Sponsored content

தோசை வகைகள் - கேழ்வரகு முருங்கை இலை அடை!

தோசை வகைகள் - கேழ்வரகு முருங்கை இலை அடை!

இன்ஸ்டன்ட் கோதுமை தோசை

சர்க்கரை நோயாளிகளுக்கான தோசைகள்

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

வெல்ல தோசை 2

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக