தோசை வகைகள் - கேழ்வரகு முருங்கை இலை அடை!

**krishnaamma** · **krishnaamma** Wed May 29, 2013 11:42 am

First topic message reminder :

தோசை............இது பிடிக்காதவாளே இருக்க மாட்டா என்பது என் எண்ணம் புன்னகை

இந்த திரி இல் பல வித தோசைகளை பார்ப்போம். தோசை என்பது அரைத்து செய்வது மட்டும் அல்லாது ரவா தோசை, மைதா தோசை போல கரைத்தும் செய்யப்படுகிறது. மேலும் அடை போல கனமாக காரமாகவும் வார்க்கிறோம். இலுப்ப சட்டிகளில் வார்க்கப்படும் ஆப்பம் மற்றும் தவலைகளில் வார்க்கப்படும் தவலை தோசைகளும் தோசை பிரிவில் அடக்கம்.

வெல்ல தோசைகளும் , தேங்காய் தோசைகளும், வெங்காய தோசைகளும், மசால் தோசைகளும் இதில் அடக்கம் புன்னகை

தோசை வகைகள் - கேழ்வரகு முருங்கை இலை அடை! - Page 12 RgBcG1FsQFS9iFQZhs9q+IMG-20150103-WA0008

மேலும் தோசைகள் எண்ணெய், நெய், வெண்ணெய் மற்றும் எண்ணெய் மற்றும் நெய் கலவை போன்றவற்றால் செய்யப்படுகிறது. எண்ணையே விடாமல் துடைத்து வார்க்கும் தோசைகளும் உண்டு. மூடி வைத்து வார்க்கும் தோசைகளும் உண்டு.
நான் இவை எல்லாவற்றுக்கான குறிப்புகளை இங்கே போடுகிறேன் உங்கள் பார்வைக்காக புன்னகை

**krishnaamma** · **krishnaamma** Tue Jul 28, 2015 8:27 pm

தோசை வகைகள் - கேழ்வரகு முருங்கை இலை அடை! - Page 12 HnrBPNi3SOus8bt9zryp+IMG-20150728-WA0025

மாவு அரைக்க தேவையானவை :

அரிசி 1/4 கப்
கடலை பருப்பு , உளுத்தம் பருப்பு,,துவரம் பருப்பு ,பயத்தம் பருப்பு எல்லாம் சம அளவு.
(அதாவது எல்லா பருப்பும் சேர்த்து ஒரு கப் இருக்கணும்)
சிகப்பு மிளகாய் 4 - 6
பெருங்காய பொடி 1 / 4 ஸ்பூன்
உப்பு
பொடியாக நறுக்கின தேங்காய் 2 டேபிள்ஸ்பூன்
முருங்கை இலை - 1 கைப்பிடி ( கிடைத்தால் போடுங்கள் புன்னகை

)
கறிவேப்பிலை கொஞ்சம்

அடைவார்க்க வெண்ணை

செய்முறை :

அரிசி மற்றும் பருப்பு எல்லாவற்றையும் ஒரு பாத்திரத்தில் போட்டு ஒரு 1 1/2 மணி நேரம் ஊறவைகக்ணும்.
பிறகு மிளகாயை சேர்த்து, நர நர வென்று அரைக்கணும்.
பிறகு உப்பு மற்றும் பெருங்காயத்தை மாவுடன் சேர்க்கவும்.
மிச்ச பொருட்களை கலக்கவும்.
இப்பொழுது மாவை கொண்டு சுவையான அடை செய்யலாம்.
எண்ணைக்கு பதில் வெண்ணை போட்டு அடை செய்யவும்.
அவ்வளவு தான் மிக்சட் தால் அடை - பல பருப்பு அடை தயார் .
சூடான அடையை அவியல் அல்லது தேங்காய் பொடியுடன் சாப்பிடலாம்.

shobana sahas · shobana sahas Wed Jul 29, 2015 2:55 am

krishnaamma wrote:மேலே சொன்ன கேழ்வாகு அவல் தோசை மாவுதான், அதில் வெங்காயம் பொடியாக போட்டு ஊத்தப்பமாக வும் வார்க்கலாம். இதோ அதன் போட்டோ

மேற்கோள் செய்த பதிவு: 1097856
அப்படியே சாப்பிடனும் போல இருக்கு. க்ரிஷ்ணாம்ம்மா, மாமா ரொம்ப குடுத்து வச்சவர் ...

**krishnaamma** · **krishnaamma** Wed Jul 29, 2015 10:00 am

shobana sahas wrote:
krishnaamma wrote:மேலே சொன்ன கேழ்வாகு அவல் தோசை மாவுதான், அதில் வெங்காயம் பொடியாக போட்டு ஊத்தப்பமாக வும் வார்க்கலாம். இதோ அதன் போட்டோ

மேற்கோள் செய்த பதிவு: 1097856
அப்படியே சாப்பிடனும் போல இருக்கு. க்ரிஷ்ணாம்ம்மா, மாமா ரொம்ப குடுத்து வச்சவர் ...

மேற்கோள் செய்த பதிவு: 1153892

நன்றி ஷோபனா புன்னகை

.......ஆனால் இதெல்லம் ரொம்ப ஈஸி மா, நீங்க செய்தாலும் இப்படியே வரும் புன்னகை

.............இப்போ பாருங்கோ ஆர்த்தி சக்கை போடு போடுகிறாள் ஜாலி

....நான் கொடுத்ததை அப்படியே follow செய்யணும் அவ்வளவுதான்.....ரிசல்ட் சூப்பர் ஆக வரும் புன்னகை

......கொஞ்சமே கொஞ்சம் சிரத்தை + கொஞ்சம் interest இருந்தால் போறும் சமைக்க புன்னகை

SK · SK Fri Sep 21, 2018 4:30 pm

krishnaamma wrote:தேவயானவை :

அரிசி 2 கப்
உளுத்தம் பருப்பு 1 /4 கப்
வெந்தயம் 1 / 2 ஸ்பூன்
ஆப்பசோடா ( Baking Soda ) 1 / 2 ஸ்பூன்
உப்பு
எண்ணெய்

செய்முறை :

அரிசி, உளுத்தம் பருப்பு மற்றும் வெந்தயம் ஆகியவைற்றை 2 முதல் 3 மணி நேரம் ஊறவைகணும்.
ஊரவைததை நன்றாக mixie இல் அரைக்கணும்
பிறகு அரைத்த மாவுடன் ஆப்பசோடா மற்றும் உப்பு சேர்க்கவும்.
அவைற்றை நன்றாக கலந்து, 12 மணி நேரம் அப்படியே வைக்கணும்.
பிறகு வாணாலில் சிறிது அளவு எண்ணெய் விட்டு துடைத்துக்கொள்ளவும்.
பிறகு மாவை வாணாலில் விட்டு , இரண்டு கைகளால் வாணலியை சுழற்றவும்.
மாவு வாணாலி முழுவதும் பரவி இருக்க வேண்டும்
பிறகு வாணாலியை ஒரு மூடி போட்டு மூடவும்
1 நிமிடம் அப்படியே விடவும்.
வாணாலியை திறந்து வாணலி shapeஇல் சூடான ஆப்பம் தயார்.
சாதம் போடும் கரண்டியால் மெல்ல ஆப்பத்தை எடுக்கவும்
இப்பொழுது சூடான ஆப்பத்தை குருமா அல்லது தேங்காய் பாலுடன சாப்பிடலாம்

மேற்கோள் செய்த பதிவு: 969825

அடுத்த வாரம் செய்ய வேண்டும்
நன்றி கிருஷ்ணாம்மா

**krishnaamma** · **krishnaamma** Fri Sep 21, 2018 6:33 pm

செய்யுங்கள் செந்தில்......மிக அருமையாக வரும் புன்னகை

....எங்களுக்கெல்லாம் குருமாதான் ரொம்ப பிடிக்கும் ...தேங்காய் பால் ஓகே தான் புன்னகை

சிவனாசான் · சிவனாசான் Fri Sep 21, 2018 8:26 pm

ராஜா தோசை என்பது உளுந்தும் அரிசியும் கலந்த சேர்ந்த தோசைதான்
தலையாய தீபாவளி தோசை. மற்றெல்லாம் துணை தோசைவகையை.

**krishnaamma** · **krishnaamma** Tue Sep 25, 2018 10:34 am

சிவனாசான் wrote:ராஜா தோசை என்பது உளுந்தும் அரிசியும் கலந்த சேர்ந்த தோசைதான்
தலையாய தீபாவளி தோசை. மற்றெல்லாம் துணை தோசைவகையை.

மேற்கோள் செய்த பதிவு: 1278583

உண்மைதான் ராஜன் அண்ணா புன்னகை

**krishnaamma** · **krishnaamma** Fri Nov 01, 2019 11:07 am

கேழ்வரகு முருங்கை இலை அடை!

தேவையானவை:

கேழ்வரகு மாவு 1 கப்
உருவிய முருங்கை இலை அல்லது காய்ந்த முருங்கை இலை ஒரு கைப்பிடி
உப்பு
பச்சை மிளகாய் 2

செய்முறை :
ஒரு பேசினில் கேழ்வரகு மாவை போட்டுக்கொள்ளுங்கள்.
அதில் முருங்கை இலை, பொடியாக நறுக்கிய பச்சை மிளகாய் மற்றும் உப்பு சேர்த்து நன்கு பிசையுங்கள்.
கொஞ்சம் வெது வெதுப்பான தண்ணீர் விட்டு கெட்டியாக பிசையுங்கள்.
அதை சிறிய உருண்டைகளாக உருட்டி வைத்துக் கொள்ளுங்கள்.
ஒரு வாழை இலை அல்லது பிளாஸ்டிக் கவரில் துளி எண்ணெய் தடவிக்கொண்டு இந்த உருண்டை ஒன்றை எடுத்து அடை போல தட்டுங்கள்.
தோசைக்கல்லை அடுப்பில் போட்டு, அது சூடானதும் அதில் இந்த அடையை போட்டு,
துளி எண்ணெய் விட்டு, இரண்டு புறமும் வெந்ததும் எடுத்துவிடுங்கள்.
மொத்த மாவையும் இதே போல் செய்யுங்கள்.
அருமையான 'கேழ்வரகு முருங்கை இலை அடை ' தயார்.
எதுவும் தொட்டுக்கொள்ளத்தேவை இருக்காது.
அப்படியே நன்றாக இருக்கும்.

**krishnaamma** · **krishnaamma** Fri Nov 01, 2019 11:15 am

கேழ்வரகு முருங்கை இலை தோசை!

தோசை வகைகள் - கேழ்வரகு முருங்கை இலை அடை! - Page 12 FlbDwzAnSmmAxJ5wO8gI+cf160844-ff17-4a09-b340-de3f0ac02da4

தேவையானவை:

கேழ்வரகு மாவு 1 கப்
மைதா 1 டேபிள் ஸ்பூன்
அரிசி மாவு 2 - 3 டேபிள் ஸ்பூன்
கோதுமை மாவு 2 - 3 டேபிள் ஸ்பூன்
பச்சை மிளகாய் - பொடியாக நறுக்கியது 2 - 3 டீ ஸ்பூன்
முருங்கை இலை புதியது அல்லது காயவைத்தது 2 - 3 கைப்பிடி
உப்பு
தோசை வார்க்க எண்ணெய்

செய்முறை :

ஒரு பேசினில் கேழ்வரகு மாவை போட்டுக்கொள்ளுங்கள்.
அதில் முருங்கை இலை, மைதா, அரிசி மாவு, கோதுமை மாவு, பொடியாக நறுக்கிய பச்சை மிளகாய் மற்றும் உப்பு சேர்த்து நன்கு பிசையுங்கள்.
கொஞ்சம் சூடான தண்ணீர் விட்டு கரண்டியால் நன்கு கலக்குங்கள்.
தோசை மாவு பதம் வரும்வரை தண்ணீர் சேர்க்கலாம்.
கட்டிகள் இல்லாமல் நன்கு கலந்ததும், தோசைக்கல்லை அடுப்பில் போடுங்கள்.
கலந்த மாவை எடுத்து தோசைகளாக வார்த்து எடுங்கள்.
அருமையான 'கேழ்வரகு முருங்கை தோசை ' தயார்.
வெறும் தயிர் போதும் இதற்கு தொட்டுக்கொள்ள.
மாவு கரைத்ததுமே வார்க்கலாம், மெத் என்று இருக்கும்.

Sponsored content · Sponsored content

தோசை வகைகள் - கேழ்வரகு முருங்கை இலை அடை!

தோசை வகைகள் - கேழ்வரகு முருங்கை இலை அடை!

மிக்சட் தால் அடை - பல பருப்பு அடை :)

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

கேழ்வரகு முருங்கை இலை அடை!

கேழ்வரகு முருங்கை இலை தோசை!

Re: தோசை வகைகள் - கேழ்வரகு முருங்கை இலை அடை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக