சென்னையில் போலீஸ் ஏட்டை நடுரோட்டில் வெட்டி சாய்த்த பிரபல ரவுடி கைது

First topic message reminder :

போலீஸ் ஏட்டு பெயர் தியாகராஜன் (வயது 45). இவர், கோட்டூர்புரம் போலீஸ் நிலையத்தில் குற்றப்பிரிவு போலீசில் பணியாற்றுகிறார். ஜாமீனில் வெளிவரும் குற்றவாளிகளை கண்காணிக்கும் பணியில் இவர் ஈடுபட்டுள்ளார்.

ஏட்டு தியாகராஜன் நேற்று மாலை 3.30 மணியளவில் சென்னை ராயப்பேட்டை செல்லம்மா தோட்டம் குடிசை பகுதியில் குற்றவாளிகளை கண்காணிக்கும் பணியில் ஈடுபட்டிருந்தார். அதே பகுதியில் விமல் என்ற விமல்ராஜ் (20) என்ற ரவுடி வசித்து வந்தார்.

இவர் பட்டப்பகலில் வீடு புகுந்து திருடுவதில் பலே குற்றவாளி. இவர் போதைப்பழக்கத்துக்கு அடிமையானவர். வீடு புகுந்து திருடிய வழக்கில் ஐஸ் அவுஸ் போலீசார் இவரை கைது செய்து புழல் ஜெயிலில் அடைத்திருந்தனர். கடந்த ஏப்ரல் மாதம் 1-ந்தேதி அன்று இவர் ஜெயிலில் இருந்து விடுதலை ஆனார்.

போலீஸ் ஏட்டு தியாகராஜன் அவரை நேரில் சந்தித்து நேற்று மாலை கடுமையாக எச்சரித்தார். இனிமேல் திருட்டு வழக்குகளில் சம்பந்தப்பட்டால் உன்மீது கடும் நடவடிக்கை எடுக்கப்படும் என்று ரவுடி விமல்ராஜிடம் கண்டிப்புடன் கூறினார்.

அப்போது திடீரென்று விமல்ராஜ், ஏட்டு தியாகராஜனை கீழே தள்ளி தாக்கினார். மறைத்து வைத்திருந்த அரிவாளை எடுத்து தியாகராஜனை சரமாரியாக வெட்டினார். ஏட்டு தியாகராஜனுக்கு கழுத்து, மார்பு போன்ற இடங்களில் வெட்டு விழுந்தது. அந்த பகுதியில் அம்மன் கோவில் ஒன்று உள்ளது.

அந்த கோவில் முன்பு ஏட்டு தியாகராஜன் ரத்த வெள்ளத்தில் உயிருக்கு போராடியபடி கிடந்தார். அக்கம்,பக்கத்தினர் அவரை உடனடியாக ராயப்பேட்டை அரசு மருத்துவமனைக்கு கொண்டு சென்றனர். அங்கு அவருக்கு முதல்கட்ட சிகிச்சை அளிக்கப்பட்டது.

பின்னர் அவர் மேல்சிகிச்சைக்காக அப்பல்லோ மருத்துவமனையில் சேர்க்கப்பட்டார். அவர் ஆபத்தான நிலையில் இருப்பதாக டாக்டர்கள் தரப்பில் தெரிவிக்கப்பட்டது. ஏட்டு தியாகராஜன் மதுரை அருகே உள்ள மேலூரை சேர்ந்தவர். இவரது மனைவி பெயர் மாமதி (40). இவர்களுக்கு சித்ரா என்ற மகளும், பூபதிராஜன் என்ற மகனும் உள்ளனர். சித்ரா என்ஜினீயரிங் கல்லூரியில் மூன்றாம் ஆண்டு படிக்கிறார். மகன் பூபதிராஜன் பிளஸ்-2 மாணவர்.

சென்னை டி.பி.சத்திரம் போலீஸ் குடியிருப்பில் இவர்கள் வசிக்கிறார்கள். தியாகராஜன் வெட்டுப்பட்ட தகவல் கிடைத்தவுடன், அவரது மனைவி மாமதியும், மகள் சித்ராவும் கதறி அழுதபடி ராயப்பேட்டை அரசு மருத்துவமனைக்கு வந்தனர். பின்னர் அவர்களை போலீசார் அப்பல்லோ மருத்துவமனைக்கு அனுப்பி வைத்தனர்.

இந்த சம்பவம் பற்றி தகவல் கிடைத்தவுடன் இணை கமிஷனர் சங்கர், துணை கமிஷனர்கள் பவானீஸ்வரி, லட்சுமி, உதவி கமிஷனர்கள் நந்தகுமார், சிவசேகர், இன்ஸ்பெக்டர்கள் தளவாய்சாமி, ரகுராம் ஆகியோர் சம்பவ இடத்துக்கு நேரில் சென்று விசாரணை நடத்தினர்.

ஏட்டு தியாகராஜனை அரிவாளால் வெட்டி கொலை செய்ய முயன்ற ரவுடி விமல்ராஜ் உடனடியாக கைது செய்யப்பட்டார். அவரிடம் தீவிர விசாரணை நடந்து வருகிறது. ரவுடி விமல்ராஜ் சைக்கோ மனப்பான்மை கொண்டவர். அவர் தன்னைத்தானே பிளேடால் அறுத்துக்கொண்டு பலமுறை தற்கொலைக்கு முயற்சித்துள்ளார் என்பது குறிப்பிடத்தக்கது.

மாலைமலர்

அப்படினா 10 வருடங்களுக்கு முன்பு நீங்களும் ரவுடியா...

ரா.ரமேஷ்குமார் wrote:அப்படினா 10 வருடங்களுக்கு முன்பு நீங்களும் ரவுடியா...

ஆமாம் அப்படித்தான் எங்க ஏரியா மூணாங்கிளாஸ் நாலாங்கிளாஸ் பசங்க சொன்னாங்க

balakarthik wrote:

ரா.ரமேஷ்குமார் wrote:அப்படினா 10 வருடங்களுக்கு முன்பு நீங்களும் ரவுடியா...

ஆமாம் அப்படித்தான் எங்க ஏரியா மூணாங்கிளாஸ் நாலாங்கிளாஸ் பசங்க சொன்னாங்க

"எலேய் அன்னிக்கு நாங்க வச்சிருந்த குச்சிமிட்டாயை பிடுங்கி தின்னுட்டு ஓடுனவன் தானே நீயி"

- முன்னாள் மூணாங்கிளாஸ் நாலாங்கிளாஸ் மாணவர் சங்கம்

ராஜா wrote:

balakarthik wrote:

ரா.ரமேஷ்குமார் wrote:அப்படினா 10 வருடங்களுக்கு முன்பு நீங்களும் ரவுடியா...

ஆமாம் அப்படித்தான் எங்க ஏரியா மூணாங்கிளாஸ் நாலாங்கிளாஸ் பசங்க சொன்னாங்க

"எலேய் அன்னிக்கு நாங்க வச்சிருந்த குச்சிமிட்டாயை பிடுங்கி தின்னுட்டு ஓடுனவன் தானே நீயி"

- முன்னாள் மூணாங்கிளாஸ் நாலாங்கிளாஸ் மாணவர் சங்கம்

நாங்கள் மாங்காய் பத்தை , வெள்ளரிக்கா இப்படி தமிழரின் பாரம்பரிய ஸ்னாக்சைத்தான் பாஸ் லவட்டுவோம் நாங்கலாம் மேற்றிக்லேஷன் ஸ்கூல் பக்கம் வந்ததில்லை அது நம்ம புழல் தலையா இருக்கும் அவருத்தான் சர்சுபார்க் , லேடிஆண்டால், குட்ஷேப்பெட் , டான் பாஸ்கோ இப்படி சுத்திகிட்டு இருந்தாரு நா வெறும் ஹாவுச்சி ஸ்கூல் , புலியூர் ஹய் ஸ்கூல் , கோடம்பாக்கம் கவர்மெண்ட் ஹய் ஸ்கூலுன்னு சுத்தினேன்