கள்ளிச் செடிக்கு வேலி தேவையில்லை, சுள்ளிக் குச்சிக்கு கோடாரி தேவையில்லை

**சிவா** · **சிவா** Tue May 07, 2013 2:26 am

கள்ளிச் செடிக்கு வேலி தேவையில்லை, சுள்ளிக் குச்சிக்கு கோடாரி தேவையில்லை என்பது ஒரு பழமொழி ஆகும்.

கள்ளிச் செடியில் முள் இருக்கும். எனவே, பயிர்களை விலங்குகள் தின்னாமல் பாதுகாக்க முள்ளிருக்கும் கள்ளிச் செடியைதான் வேலியாக அமைப்பது வழக்கம். அந்த கள்ளிச் செடியை முட்கள் இருப்பதனால் விலங்குகள் கூட தீண்டாது. எனவே, அதற்கு வேலி தேவையில்லை.

அதே போல சுள்ளிக்குச்சி என்பது மிகச்சிறிய குச்சி. அதை கையாலேயே ஒடித்து விடலாம். அதை ஒடிக்க கோடாரி தேவையில்லை. இதை எதற்காக உவமை சொல்லியிருக்கிறார்கள் என்று பாருங்கள்.

கள்ளிக்கு வேலி தேவையில்லை என்பது போல தைரியமும், வீரமும் மிக்கவர்களுக்கு பாதுகாவலும், துணையும் தேவையில்லை. அதே போல சுள்ளிக் குச்சிக்கு கோடாரி தேவையில்லை என்பது, சிறிய விஷயங்களை சாதிப்பதற்கெல்லாம் பெரிய மனிதர்களின் உதவியை நாடுவது நல்லதல்ல. முடிக்க முடியாத பெரிய விஷயங்களை முடிப்பதற்கு பெரிய மனிதர்களின் துணையை நாடலாம் என்ற கருத்தில் சொல்லப்பட்ட பழமொழியாகும். ஏதேனும் ஒன்றை உவமையாக சொல்லி அதன் உள் அர்த்தத்தின் மூலம் நம் உள்ளத்தில் பழமொழிகளை பதிய வைத்தனர் நம் முன்னோர்கள்.

யினியவன் · யினியவன் Tue May 07, 2013 3:00 am

நல்ல விளக்கம் பாஸ்.

நமக்கு வேலி தேவை இல்லைதான் - நாமள்லாம் யாரு புன்னகை

கள்ளிச் செடிக்கு வேலி தேவையில்லை, சுள்ளிக் குச்சிக்கு கோடாரி தேவையில்லை

கள்ளிச் செடிக்கு வேலி தேவையில்லை, சுள்ளிக் குச்சிக்கு கோடாரி தேவையில்லை

Re: கள்ளிச் செடிக்கு வேலி தேவையில்லை, சுள்ளிக் குச்சிக்கு கோடாரி தேவையில்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக