காதல் திருமணத்துக்கு எதிர்ப்பு: ஒரே குடும்பத்தை சேர்ந்த 8 பேர் தலை துண்டித்து கொலை

காதல் திருமணத்துக்கு எதிர்ப்பு: ஒரே குடும்பத்தை சேர்ந்த 8 பேர் தலை துண்டித்து கொலை; உடல்களை ஆற்றில் வீசினார்கள்

பீகார் மாநிலத்தின் கிழக்குப்பகுதியில் உள்ள நகரம் பகல்பூர். இந்த நகரைச் சேர்ந்தவர் ரத்தன் மண்டல் (வயது 21). ஏழை கூலித் தொழிலாளி.

ரத்தன் மண்டலுக்கும், கஞ்சன்குமாரி என்ற 18 வயது பெண்ணுக்கும் காதல் ஏற்பட்டது. கஞ்சன் குமாரி கோடீசுவர வீட்டு பணக்காரப் பெண். என்றாலும் என்ன காரணத்தினாலோ, ரத்தன் மண்டல் மீது ஈர்ப்பு ஏற்பட்டு, கூலித்தொழிலாளி என்பதை பொருட்படுத்தாமல் அவரை காதலித்தார்.

அவர்கள் இருவரும் திருமணம் செய்து கொள்ள முடிவு செய்தனர். ஆனால் தங்கள் காதலை இரு வீட் டிலும் ஏற்றுக்கொள்ள மாட்டார்கள் என்பதை உணர்ந்தனர். எனவே அவர்கள் இருவரும் வீட்டை விட்டு ஓடிச் சென்று ரகசியத் திருமணம் செய்து கொண்டனர்.

கஞ்சன் குமாரியை காணாமல் தேடிய போது தான் அவன் ரகசிய திருமணம் செய்தது, அவர் குடும்பத்தினருக்கு தெரிய வந்தது. அவளை ரத்தன் மண்டல் தான் ஆசைக் காட்டி ஏமாற்றி அழைத்து சென்று விட்டதாக ஆவேச மானார்கள். மேலும் ரத்தன்மண்டல் குறைந்த சாதி என்பதால் அவர்களது ஆத் திரம் கொலை வெறியாக மாறியது.

"வாருங்கள் பிரச்சினையை பேசித் தீர்த்துக் கொள்ளலாம்'' என்று ரத்தன் மண்டல் குடும்பத்தினரை கஞ்சன் குமாரி தந்தை அழைத்தார். அவரது நய வஞ்சகத்தை அறியாமல் ரத்தன் மண்டலின் பெற் றோர், உறவினர்கள் 8 பேர் கஞ்சன்குமாரி வீட் டுக்கு சென்றனர். விருந்தை எதிர்பார்த்து சென்ற அவர் களுக்கு அங்கு துப்பாக் கியும், அரிவாளும் தான் காத்தி ருந்தது.

ரத்த மண்டலின் தந்தை உள்பட 8 பேரையும் கஞ்சன் குமாரியின் உறவினர்கள் சுட் டுக் கொன்றனர். அத்துடன் அவர்கள் ஆத்திரம் தீர வில்லை. பிணமாகி கிடந்த 8 பேரின் தலையை வெட்டி துண்டித்தனர். பிறகு உடல்களை இழுத்து சென்று பகல்பூர் ஆற்றில் வீசி எறிந்தனர்.

தலை இல்லாத 8 சடலங்கள் மிதந்ததால் பகல்பூரில் பரபரப்பு ஏற்பட்டது. தீவிர விசாரணையில் காதல் திரு மணத்தால் இந்த கொலைகள் நடந்திருப்பது கண்டு பிடிக்கப்பட்டது.

கஞ்சன் குமாரியின் பெற்றோர், உறவினர்கள், 15 பேர் மீது போலீசார் வழக்கு பதிவு செய்துள்ளனர். தலை மறைவாகி விட்ட அவர்களை போலீசார் தேடி வருகிறார்கள்.