கவிக்கோ அப்துல் ரகுமான் கவிதைகள்

**முனைவர் ம.ரமேஷ்** · 21/08/2011

First topic message reminder :

நான் ரசித்த கவிக்கோ அப்துல் ரகுமான் கவிதைகளின் தொடர் இது

நன்றி: கவிக்கோ அப்துல் ரகுமான்

அப்துல் ரகுமான், ‘கவிக்கோ’ என்ற பட்டப் பெயரால் அழைக்கப்படும் கவிஞராக வலம் வருகின்றார். பால்வீதி என்ற தமது முதல் கவிதைத் தொகுதியிருந்தே இன்றும் தம்மை ஒரு பரிசோதனைப் படைப்பாளியாக தனித்து இனங்காட்டிக் கொண்டு வருபவர். சிறந்த கவிஞராக மட்டுமல்லாது தமிழ்ப் பேராசிரியராகவும் பணியாற்றி விருப்ப ஓய்வு பெற்றவர். பல பட்டச் சிறப்புகளைப் பெற்ற கவிக்கோ, ‘ஆலாபனை’ என்னும் கவிதைத் தொகுதிக்காகச் சாகித்ய அகாடெமி விருதையும் பெற்றவர் ஆவார்.

இன்றையத் தமிழன்
தன் தாய்மொழியையே கொல்லத்
தயாராகி விட்டான்
‘தமிழைப் பழித்தவனைத்
தாய் தடுத்தாலும் விடேன்’ என்றான்
புரட்சிக் கவிஞன்
நான் சொல்கிறேன்
தாய் மொழியைக் கொல்லத்
தாயே முனைந்தால்,
தமிழா!
தாயைக் கொன்று விட்டுத்
தாய்மொழியைக் காப்பாற்று. (மு.மு., ப.92)

**முனைவர் ம.ரமேஷ்** · 21/08/2011

புராதனச் சவப் பெட்டிகளின்
மூடியைத் திறந்து கொண்டு
தாகத்தோடு எழுகின்றன
டிரகூலாக்கள்
கரை புரண்டோடும்
ரத்த வெள்ளத்தில்
மூழ்கிவிட்டன
ஆலயங்களும்
மசூதிகளும்
சிதைத் தீயால்
நடக்கிறது
தீபாராதனை (ப.பா., ப.69)

**முனைவர் ம.ரமேஷ்** · 21/08/2011

கடப்பாரைகளோடு
சென்றுகொண்டிருந்தவர்களைக்
கேட்டேன்
எங்கே செல்கிறீர்கள்?
அவர்கள் சொன்னார்கள்
ஆலயத்தை இடிப்பதற்காக
ஏன்? என்று கேட்டேன்
அவர்கள் சொன்னார்கள்
ஆலயத்தைக் கட்டுவதற்காக (ப.பா., பக்.33-34)

**முனைவர் ம.ரமேஷ்** · 21/08/2011

வழிபாட்டுத் தலங்கள்
மாசடைகின்றன
மதங்களால் (ப.பா., ப.89)

**முனைவர் ம.ரமேஷ்** · 21/08/2011

இங்கே என்ன நடக்கிறது என்று பார்!
இதோ! உனக்கு வீடு கட்டுவதற்காகவே
உன் வீட்டை இடிக்கும் மூடர்கள்
இடிக்கப்படுவதில்
நீ இடிக்கப்படுகிறாயா?
கட்டப்படுவதில்
நீ கட்டப்படுகிறாயா?
இந்த ராம் யார்? ரஹீம் யார்? (ஆலா. பக்.27-28)

**முனைவர் ம.ரமேஷ்** · 21/08/2011

பிள்ளைகளே தெய்வீகத் தீபங்களே
உங்களிடமிருக்கும் ஒளியைக்
கற்றுக் கொள்ளாமல்
உங்களுக்கு எங்கள் இருள்களைக்
கற்றுக் கொடுக்கிறோம் (ஆலா., ப.22)

**முனைவர் ம.ரமேஷ்** · 21/08/2011

பலப்பம் பிடிக்கவேண்டிய
சின்னஞ்சிறு விரல்களில்
தீக்குச்சிகள்
வெளிச்சத்தைக் கற்கும் பருவத்தில்
யாருடைய வெளிச்சத்திற்காகவோ
இவர்களே
தீக்குச்சிகளாகிவிட்டார்களே (சு.வி., ப.90)

**முனைவர் ம.ரமேஷ்** · 21/08/2011

பித்தன்
மழைக்காகப்
பள்ளிக் கூடத்தில் ஒதுங்கினான்
குழந்தைகளின் கையிருந்த
புத்தகங்களைப் பார்த்து,
‘புத்தகங்களே;
சமர்த்தாயிருங்கள்
குழந்தைகளைக்
கிழித்து விடாதீர்கள்’ என்றான். (பித்., ப.82)

Sponsored content · Sponsored content

கவிக்கோ அப்துல் ரகுமான் கவிதைகள்

கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக