மிருகத்துள் மிருகம்

நந்து · நந்து Wed Apr 17, 2013 6:32 pm

First topic message reminder :

மிருகத்துள் மிருகம்

இரவிலு மியங்கிடும் நிலைகண்டு
‘பெற்றனர் பெண்கள் சுதந்திரமே’ - என
கண்டது கனவுகள் என்மனமே.

பட்டென பறந்த பொறியொன்று
பட்டது செவிகளில் சட்டென்று - அதில்
ஆனதென் இருதயம் இருதுண்டு.

பூக்கவும் செய்யா மொட்டொன்று
வாடிற்று வண்டிடம் வதைபட்டு - என்பது
கேட்டது நிகழ்ந் திற்று.

கனவுகள் தாங்கிய காம்பொன்று
கருகிற்று கனலின் கதிர்பட்டு - அது
சிதைந்தது தீயின் சிறைபெற்று.

தெருவினில் திரிந்திடும்சொறி நாய்கூட
புணராதாம் பருவமுறா மற்றொன்றை - பின்னெதைக்கொண்
டிகிழ்ந்திடுவே னிக்கீழ்மகனி னிழிசெயலை?

இறைவன் இருப்ப துண்டென்றால்
அணைத்தையு மறிந்தவ னவனென்றால் - பின்
சிதைப்பே னவனையும்சிங்க கரம்கொண்டு

காசெனும் கயமையை கைகாட்டி
கால்விரித்திடும் பரத்தியர் பலவிருக்க - பட்டையும்,
சிறுசிட்டையும் சிதைத்தல் சீரோ?

ஒருசொட்டென ஈரமும் பெற்றுவிட
கருங்கல்லென இறுகின இவன்நெஞ்சம் - அதை
பிளப்பதில் பிழையும் பிடிபடுமோ?

- நந்து

(முதலில் நாகையிலிருந்தும் , பின் என் திருப்பூரினின்றும் எய்யப்பட்ட அம்பகளால் சிதைக்கப்பட்ட என் நெஞ்சத்தின் இரத்தச் சிதறல் இவை)

Sudharani · Sudharani Tue Jun 18, 2019 4:12 pm

மனிதத்துக்கும் மிருகத்திற்கும் இடையே நடக்கும் போரின் போது சில மொட்டுகள் மலரும் முன்னே கருகிவிடுவது வேதனை.

**T.N.Balasubramanian** · **T.N.Balasubramanian** Tue Jun 18, 2019 6:00 pm

sujatham90 wrote:மனிதருள் மிருகம்

மேற்கோள் செய்த பதிவு: 1299406

வருக sujatham90 அவர்களே.

அறிமுகப் பகுதிக்கு சென்று அறிமுகம் செய்து கொள்ளவும் வருகைக்கு நன்றி.

ரமணியன்

@sujatham90

Anthony raj · Anthony raj Thu Sep 14, 2023 10:55 pm

இறைவன் இருப்ப துண்டென்றால்
அணைத்தையு மறிந்தவ னவனென்றால் - பின்
சிதைப்பே னவனையும்சிங்க கரம்கொண்டு

காசெனும் கயமையை கைகாட்டி
கால்விரித்திடும் பரத்தியர் பலவிருக்க - பட்டையும்,
சிறுசிட்டையும் சிதைத்தல் சீரோ?

ஒருசொட்டென ஈரமும் பெற்றுவிட
கருங்கல்லென இறுகின இவன்நெஞ்சம் - அதை
பிளப்பதில் பிழையும் பிடிபடுமோ?

வலி உணருகிறேன். மிருகங்கள் இங்கு அதிகம்.
மனித தன்மை குறைவு

Sponsored content · Sponsored content

மிருகத்துள் மிருகம்

மிருகத்துள் மிருகம்

Re: மிருகத்துள் மிருகம்

Re: மிருகத்துள் மிருகம்

Re: மிருகத்துள் மிருகம்

Re: மிருகத்துள் மிருகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக