சோலார் பேனல்களுக்கு வரி விலக்களிக்க வியாபாரிகள் சங்கம் வலியுறுத்தல்

தமிழ்நாடு உணவுப் பொருள் வியாபாரிகள் சங்கத்தலைவர் ஜெயப் பிரகாசம், அமைச்சர் ஓ.பன்னீர்செல்வத்திற்கு அனுப்பியுள்ள மனுவில் கூறியிருப்பதாவது:-

தற்போது தமிழகத்தில் மழை பொய்த்த காரணத்தினால் புனல் மின்சாரம், காற்று இல்லாத காரணத்தினால் காற்றாலை மின்சாரமும் கிடைக்காத காரணத்தினால் கடுமையான மின்தட்டுப்பாடு ஏற்பட்டுள்ளது.

இந்த நிலைமையை சமாளிக்க முதல்-அமைச்சர் தீவிர முயற்சிகள் மேற்கொண்டு வடசென்னை மின் உற்பத்தி திட்டம் மூலம் 600 மெகாவாட் மின் உற்பத்தி மே மாதத்தில் தொடங்கும் என்றும் வல்லூர் 3-வது அலகு மின் உற்பத்தி திட்டம் மூலம் 500 மெகா வாட் அக்டோபர் மாதத்தில் கிடைக்கும் என்றும் தூத்துக்குடியில் 1000 மெகா வாட் வருகின்ற டிசம்பர் மாதத்தில் கிடைக் கும் என்று பட்ஜெட் அறிவிப்பு செய்தமைக்கு எங்கள் சங்கத்தின் சார்பாக நன்றியை தெரிவித்து கொள்கிறோம்.

வெப்ப மண்டல மாநிலமான நம் தமிழகத்தில் சோலார் பேனல்கள் அமைத்தால் ஆண்டு முழுவதும் நமக்கு மின்சாரம் கிடைக்க வாய்ப்புகள் அதிகமாக உள்ளது. இதனால் நாம் நிலக்கரியையும், காற்றையும் நம்பி இருக்க தேவையில்லை.

சோலார் பேனல்களுக்கு தற்போது தமிழகத்தில் மதிப்புக்கூட்டு வரி சட்டத்தின்கீழ் 5 சதவீதம் விற்பனை வரி உள்ளது. இந்த 5 சதவீத வரியை நீக்கினால் தமிழகத்தில் உள்ள மக்கன் அனைவரும் அவர்கள் தேவைக்கு அவர்கள் இல்லத்திலேயே சோலார் பேனல்கள் அமைக்க ஏதுவாக இருக்கும்.

தமிழகத்தில் மின் தட்டுப் பாடு அதிகமாக உள்ள இந்த வேளையில் நாம் உபயோகிக்கும் விளக்குகள் குறைந்தளவு மின்சாரத்தில் இயங்குவதற்காக எல்.ஈ.டி. விளக்குகள் அறிமுகப் படுத்தப்பட்டது.

இது சமீப காலத்தில் அறிமுகப் படுத்தப்பட்டதால் தமிழ் நாடு மதிப்புக்கூட்டு வரிச் சட்டத்தின்கீழ் எங்கும் சொல்லப்படாத பொரு ளாக கருதப்பட்டு தற்போது 14.5 சதவீதம் வரி விதிக்கப் பட்டுள்ளது. எல்.ஈ.டி. விளக்குகளை உபயோகிப்பதால் சாதாரண மாக பயன்படுத்தும் மற்ற விளக்குகளுக்கு இணை யான அதே அளவு வெளிச்சம் கிடைக்கும். உதாரணமாக 250 வாட்ஸ் மெர்க்குரி விளக்குக்கு பதில் 60 வாட் எல்.ஈ.டி. விளக்கு உபயோகிப்பதால் அதே அளவு வெளிச்சம் கிடைப்பதுடன் சுமார் 310 சதவீதம் அளவுக்கு மின் சாரத்தையும் சேமிக்கலாம்.

எனவே மின் சிக்கனம் கொண்ட இந்த எல்.ஈ.டி. விளக்குகளுக்கு மானிய கோரிக்கையின்போது வரி விலக்களிக்க வேண்டும் என்று கேட்டுக் கொள்கி றோம். இவ்வாறு அதில் கூறப்பட்டுள்ளது.

மாலைமலர்