கந்தா விமர்சனம்

http://tamildigitalcinema.com/wp-content/uploads/2013/03/karan-s-kandha-movie-hot-stills-2-300x199.jpg
கரண் ஹீரோவாக நடித்திருக்கும் கந்தா படம், கரணின் சினிமா கேரியரில் திருப்புமுனையைஏற்படுத்தும் என்று எதிர்பார்க்கப்பட்ட படம். ஆனால் கொஞ்சம் தாமதமாக ரிலீசாகியிருக்கிறது இந்தபடம்.
மலேசியாவில் நல்ல வேலையில் இருக்கும் கந்தாவுக்கு (கரண்) திடீரென தன் ஆசிரியரைப் (ராஜேஷ்) பார்க்க வேண்டும் என்ற எண்ணம் வருகிறது. உடனே கிளம்பி தனது சொந்த ஊரான தஞ்சாவூருக்கு வருகிறார். இங்கு வந்துப் பார்த்தால் தஞ்சாவூரே தாதாக்களின் பிடியில் சிக்கித் தவிக்கிறது. அதற்கு காரணமாக இருக்கிறான் போஸ். ஒரு கட்டத்தில் கரணுக்கும் இவனுக்கும் மோதல் வர, போஸ் தன்னை படிக்க வைத்து ஆளாக்கிய ஆசிரியரின் மகன் என்பது கந்தாவுக்கு தெரிய வருகிறது. அதற்குப் பிறகு அவனை திருத்தும் முயற்சியில் இறங்குகிறார்கந்தா. அவனை திருத்தினாரா இல்லையா என்பது மீதி கதை.
http://tamildigitalcinema.com/wp-content/uploads/2013/03/karan-s-kandha-movie-hot-stills-2-300x199.jpg
மலேசியாவில் இருந்து கரண் தஞ்சாவூர் வந்ததும் வில்லன்களுடன் மோதல் ஏற்படுவதைத் தொடர்ந்து படம் விறுவிறுப்பாக நகரும் என்று எதிர்பார்த்திருக்கும் போது, வாத்தியர் பையன்தான்இதற்கு காரணம் என்று தெரியவர கரண் அவனுடன் மோதுவதை விட்டுவிட்டு, நாலு ஸ்டெப்பின்னால் போய்விடுகிறார். பின்பு அவனை போலீசில் சரணடைய வைப்பதற்கான முயற்சியிலே இறங்குகிறார்கரண்.
இவருக்கு ஜோடியாக வரும் மித்ரா, கும்முன்னு இருக்கும் மிர்ராவை ரசிகர்களுக்கு ரொம்பவே பிடித்துப் போய்விடுகிறது, இதில், பார்த்ததுமே கரணுக்கு மித்ராவை பிடித்துப் போவதில் ஆச்சர்யம் ஒன்றும் இல்லைதான். இவரது அறிமுக காட்சியிலேயே காய்கறி கடையில் வசூல் செய்வதும் அதைப் பார்த்து கரணும் அவரது நண்பர்களும் மிரளுவது, காதலிப்பதாக சொல்லும் கரணிடம் மித்ரா ரேஷன் கார்டு கேட்பதும் அதை அவர் ரெடிசெய்து கொடுப்பதும் ரசிக்க வைக்கும் காட்சிகள். காதல்வந்ததும் வராததுமாய் இருவரும் ஆடிப்பாட வெளிநாடு சென்றுவிடுகின்றனர்.
http://tamildigitalcinema.com/wp-content/uploads/2013/03/karan-s-kandha-movie-hot-stills.jpg
வெளிநாட்டில் இருந்து கழுத்து நிறைய தங்க நகைகளுடன் பஜீரோ காரில் தஞ்சாவூருக்கு வரும் தங்கமகன் கேரக்டரில் நடித்திருக்கிறார் விவேக்.தான் வெளிநாட்டில் சம்பாதித்து கொண்டு வந்த பணம் அனைத்தையும் நிலத்தில் முதலீடு செய்கிறேன் என்று சொல்லிக்கொண்டு கொஞ்சம் கொஞ்சமாக பணத்தை இழக்கும் காட்சி சிரிக்க வைத்தாலும் ரியல் எஸ்டேட்டில் நடக்கும் உண்மையை படம் பிடித்துக் காட்டியிருக்கிறது. இவரிடம் இருந்து பணத்தை அடித்தவர்களிடம் இருந்து விவேக் பணத்தை மீட்கும் காட்சி கலகலப்பு.
இசையமைப்பாளர் சத்யாசெல்வா இசையில் பாடல்கள் காதில் வந்து விழுந்து நழுவிப் போகின்றன. படத்தை கதை திரைக்கதை வசனம் எழுதி இயக்கியிருக்கிறார் பாபு கே. விஸ்வநாத். இவர் திருவாரூர் பாபு என்ற பெயரில் 1000 சிறுகதைகளை எழுதியவர். கந்தா படத்தின்மூலம் இயக்குநராகியிருக்கிறார். பேசப்படும்படியான க்ளைமேக்ஸ் கைவசம் இருக்கு, சுதந்திர தினம் அல்லது குடியரசு தினம் போன்ற தேசபக்தி நாட்களில் படத்தை ரிலீஸ் செய்தால் க்ளைமேக்ஸ்க்காகவே படம் பேசப்படும் என்று இயக்குநர் நினைத்திருப்பார் போலும், அழுத்தமான க்ளைமேக்ஸை வைத்திருக்கிறார்.
-
தமிழ்டிஜிட்டல்சினிமா