கவியருவி ம. ரமேஷ் கவிதைகள்

**முனைவர் ம.ரமேஷ்** · 21/08/2011

First topic message reminder :

குதர்க்கம்

இன்றும் -
நெருஞ்சி முள்ளில்
நடக்கிற போது
பரதன் குலத்தோர்
செருப்பை
பறித்துக் கொள்கிறார்கள்

**முனைவர் ம.ரமேஷ்** · 21/08/2011

பாரதி!

உனக்கு அடுத்து
எனக்கும்
நெஞ்சுபொறுக்கவில்லை
இந்த மனிதர்களைப் பார்த்து!
தமிழினத்தைக் காக்கும்
காட்சியைப் பார்!
ஆளும்கட்சி...
எதிர்க்கட்சிகள்...
மனிதச் சங்கிலி...
அரசியல் ஓட்டுக்காக
உயிரோடு விளையாடுவதா?
செம்மொழி தந்த நாடாளுமன்றமே!
அம்மொழிப் பேசுவோரைக்
காப்பதில்லையோ?
தொப்புள்கொடி உறவே!
மொழி
இங்கு மெல்ல சாகிறது
பரவாயில்லை போ என்று
நீ!
மொத்தமாய்க் குழித்தோண்டித்
தமிழினத்தையே!
குழிதோண்டிப் புதைக்கிறாயோ?

**முனைவர் ம.ரமேஷ்** · 21/08/2011

ஒன்றுமில்லை

தலைவர்
சிலைமேல்
சாணம்
அவனைக் கைது செய்தார்கள்.
கைது செய்தவர்கள் மீதே
தைரியமாக எச்சமிட்டது
காக்கை.
சிரித்துக் கொண்டது
சிலை.

**முனைவர் ம.ரமேஷ்** · 21/08/2011

• அளவுகோல்

எடைக் கற்களை
சரிபார்த்தது போதும்
கொஞ்சம்
ஆடைகளை அளக்கும்
அளவுகோலையும் சரிபாருங்கள்
எங்கள்
இளைஞிகளின்
ஆடை அளவு
குறைந்துகொண்டே வருகிறது

**முனைவர் ம.ரமேஷ்** · 21/08/2011

• பால் பசுமைப் புரட்சி

குறிஞ்சியும் முல்லையும்
முறைமையில் திரிந்தது
பாலை.
ஆணும் பெண்ணும்
முறைமையில் திரிந்து
திருநங்கை.
பாலை நிலமே
படிக்கும் நமக்குக் கொடுமைதான்.
வாழ்ந்து அனுபவிக்கும்
திருநங்கைகளுக்கு?

**முனைவர் ம.ரமேஷ்** · 21/08/2011

ஏழ்மையின் ரகசியம்

நூறுகளில் சம்பாதிப்பவன்
தினந்தோறும் குடிக்கிறான்.
ஆயிரங்களில் சம்பாதிப்பவன்
வாரத்திற்கொரு முறை
குடிக்கிறான்…
லட்சங்களில் சம்பாதிப்பவன்
மாதத்திற்கொரு முறை குடிக்கிறான்…
இப்போது தெரியுதா?
ஏழை
ஏன் ஏழையாகவே இருக்கிறான் என்று!

**முனைவர் ம.ரமேஷ்** · 21/08/2011

• காதலின் காதல்

நினைவுகளில் கூட
உன் உருவம்
மறைந்து விட்டது.
கற்புக் கிழித்தப்
பயிர்ப்புத் தீண்டலின் ரணமாய்
முதற்காதல்
இன்றும்
வடுவாகவே உள்ளது.

யினியவன் · யினியவன் Fri Apr 19, 2013 4:30 pm

வடு விடா முதற் காதல் அப்படித்தான் - நன்று

**முனைவர் ம.ரமேஷ்** · 21/08/2011

யினியவன் wrote:வடு விடா முதற் காதல் அப்படித்தான் - நன்று

மகிழ்ச்சி நண்பரே

**ஜாஹீதாபானு** · **ஜாஹீதாபானு** Fri Apr 19, 2013 5:38 pm

கவியருவி ம.ரமேஷ் wrote:• காதலின் காதல்

நினைவுகளில் கூட
உன் உருவம்
மறைந்து விட்டது.
கற்புக் கிழித்தப்
பயிர்ப்புத் தீண்டலின் ரணமாய்
முதற்காதல்
இன்றும்
வடுவாகவே உள்ளது.

**முனைவர் ம.ரமேஷ்** · 21/08/2011

காதல் கா(வி)யங்கள்!

நிழல் வந்ததும்
உருவம் வந்தது
பால்கனி நிலவும்
ஜன்னலில் தெரிந்தது
நினைவுகள் அதனிலென்னைக்
கைதியாக்கின...
நிலவு வளர்பிறையாகி
பெளர்ணமியாய் ஒளி வீசியது
காதல்!
தோல்வி!!
திருமணம்!!!
நிலவு அமாவாசையாகி
இரவில் தள்ளாட விட்டது
ஆண்டுகள் சில தொலைந்தன...
நிழல் வந்ததும்
உருவம் வந்தது
பால்கனி நிலவும்
ஜன்னலில் தெரிந்தது
அந்த முகத்தை
நிலவெனக் காட்டி
சோறூட்டினேன் குழந்தைக்கு!

Sponsored content · Sponsored content

கவியருவி ம. ரமேஷ் கவிதைகள்

கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக