கவியருவி ம. ரமேஷ் கவிதைகள்

**முனைவர் ம.ரமேஷ்** · 21/08/2011

குதர்க்கம்

இன்றும் -
நெருஞ்சி முள்ளில்
நடக்கிற போது
பரதன் குலத்தோர்
செருப்பை
பறித்துக் கொள்கிறார்கள்

**முனைவர் ம.ரமேஷ்** · 21/08/2011

• சதை அழகு

பூக்களின் அழகு
அதன் ஆடை
உடுத்துதலில் இருக்கிறது.
ஆண்டாண்டுக்கு
மாறும் அழகு...
தெரு அழகி -
ஊர் அழகி -
உலக அழகியே -
உங்கள் அழகு
எதில் இருக்கிறது?
ஆடை உடுத்திக் கொண்டிருக்கும்
பூக்களைப் பார்

**முனைவர் ம.ரமேஷ்** · 21/08/2011

• இதுதான் உண்மை

முற்றும் துறந்தேன்-
ஓடி வந்து
தன் அங்கியை
ஆடையாக உடுத்தினார்
இயேசு...
ஞானப் பழத்தோடு
ஓடி வந்தார்
முருகன்.
ஆச்சரியமாகப் பார்த்தேன்
சொன்னார்:
“அப்போதே அண்ணன்
கொடுத்து விட்டார்”
பாபர் மசூதியிலிருந்து
நபியும் ராமனும்
பால் சொம்போடு
புறப்பட்டதாகப்
புத்தர் சொன்னார்.

**முனைவர் ம.ரமேஷ்** · 21/08/2011

• திணை மாற்றம்

சோர்ந்துபோய்
தரையில் விழுந்தேன்.
நத்தைகள்
தண்ணீர் கொடுத்தது...
வண்டுகள்
தேன் கொடுத்தது...
காற்று
புழுக்கத்தைப் போக்க
காக்கை வாயில் எச்சமிட்டது.
இதுகூட பரவாயில்லை!
கண் விழித்துப் பார்த்தேன்:
என்னைச் சுற்றி மனிதர்கள்-
செய்தி சேகரிப்பாளர்கள்
புகைப்படம் எடுத்துக் கொண்டிருந்தார்கள்-
காவல் துறையினர்
என்னைக் கோடுபோட்டு
ஓவியமாய் வரைந்திருந்தார்கள்-
வயிற்றுப் பசியைப் போக்க
இவைகள் எதுவும்
சிந்திக்கவில்லை.

**முனைவர் ம.ரமேஷ்** · 21/08/2011

• ம்ருக நேயம்

அவன் வீட்டில்
நாய்க்கு
குளிர்சாதனத்தோடு
ஓர் அறை.
அவன் தாய்க்கும்
தனியறை ஒதுக்கியுள்ளான்
முதியோர் இல்லத்தில்!

**முனைவர் ம.ரமேஷ்** · 21/08/2011

• ஈழக் காதலி!

எத்தனை ஆயிரம்
கனவுகளோடு
உலா வந்தோம்.
இன்று
உன் நினைவுகளே இன்றி
சுற்றுகிறேன் நடைப்பிணமாய்
உன் சடலத்தைத் தேடி.
எந்தத் தாக்குதலுக்கு
எந்த இடத்தில்
வீர மரணமடைந்தாய்.

**முனைவர் ம.ரமேஷ்** · 21/08/2011

• ஈழக் காதலன்

உன் மனதில்
அமருவதற்கு
இடமின்றி அலைகிறேன்
போர்க்களத்தில்
சிக்கிக்கொண்ட
பட்டாம்பூச்சியாய்

**முனைவர் ம.ரமேஷ்** · 21/08/2011

• வாக்கு சேகரிப்பு

ஒலிப் பெருக்கியின்
சப்தத்திற்கிடையே
யார் காதிலாவது
விழுந்ததா அரசியல்வாதிகளே?
அந்த
ஊமையின் கோரிக்கை.

**முனைவர் ம.ரமேஷ்** · 21/08/2011

• ஈழத்தின் நெருப்பு

சடலத்தினைத்
தேடும் போது
உடன்கட்டை ஏறினாள்!
அவள் தலைமேல்
குண்டுமழை

**முனைவர் ம.ரமேஷ்** · 21/08/2011

• பைத்தியங்கள்

சங்க காலம்
இனி எக்காலம்?
எப்படிப் பாடுவது
வீர மரணத்தை?
தோட்டாக்கள்
புற முதுகைத் துளைக்கிறதே!

Sponsored content · Sponsored content

கவியருவி ம. ரமேஷ் கவிதைகள்

கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக